Inpaspasing 6:1 - Dibshon Mengi-kan Ni Pansigshan

¹ Idi emanshekel la pasiya sota ira emati, kepan‐ikotot nonta ira sa‐bon Hodiyos ja Grigo i esel sha sota ira koston Hodiyos. Ta sota ira Grigoy esel sha, kowan sha ey sota nankebalo son si‐kara, ediwayan ja eg ira nay‐aknan nonta mekan ja emankaiweshis ni inakew.

Inpaspasing 6:1 Iomraidhean Croise

San Mateo 23:13

“Nem kaasi kayo din mamaistoro ni dinteg, tan si‐kayon Parisiyo! Sinan maronong kayon too! Say keshosa‐an jo, si‐kayoy singa emengipeshit ni kait jon too ja mayda‐kam shi pantoshayan nen Apo Shiyos. Jet angken si‐kayon mismo, eg jo kosto. May‐eshig ey si‐kayoy mengilkeb ni sakepan ni pantoshayan nen Apo Shiyos so nonta ira makapiyan na onsekep koma.

Inpaspasing 11:20

Nem sota eshom ma emati ja i‐Cyprus, tan i‐Sirini, dimaw ngo ired Antiok jet sha intoro so nonta ira toon aliẃen Hodiyos sota mapteng nga shamag pangkep so nen Jesus.

Inpaspasing 11:26

Idi simbi to si Saulo, in‐ilaw tod Antiok, jet makatawen shen nantoro so nonta ira eshakel la emati. Jet shi Antiok i pilmiron nanshogi‐an ni kowan sha ey Kristiyano i ngaran ni emati son Cristo.

Inpaspasing 11:29

Jet nontan ma, sota ira emati, ninemnem ni sakey tan sakey son si‐kara ey ipakat shay kabaalan sha ja mengi‐kan ni tolong sha so nonta kakaasin a‐akira shi pamati ja ẃared Jodia.

Inpaspasing 2:41

Jet sota emati ni inkowan nen Pedro, binonjagan sha ira, jet say kabebilang sha ja nay‐eshom so nonta sigod ja emati son Jesus nontan na akew, tedon dibo.

Inpaspasing 2:45

Jet indako shay bo‐day sha, angken pay sota ira kompormin kokowara, jet inẃaris sha sota nandako‐an sha so nonta ira makasapol.

Inpaspasing 2:47

Si Apo Shiyos ni olay i shaka ishayshayaw, jet angken sota emin na totoo, kowan sha ey mapteng ira sota emati. Jet si Apo Shiyos, inakew ja ẃaray toka i‐eshom son si‐kara ja maysedakan.

Inpaspasing 4:35

jet sota nandako‐an sha, in‐awat sha so nonta ira apostol ja si‐karay maka‐amta ja mengiweshis nonta pilak so nonta ira makasapol.

Inpaspasing 4:4

Nem eshakel mala iray toon emati nonta inteneng sha sota inkowan nen Pedro nen Juan pangkep so nen Jesus, jet say kabebilang ira nonta ematin daleki, dimen dibo.

Inpaspasing 5:14

Nem asdeg to ngoy daleki tan bibii ja nay‐eshom so nonta ira sigod ja emati, jet mas shimakel ira.

Inpaspasing 5:28

“Apay nga eg jokami pati‐en? Inkowan mi met son si‐kayo ey kenshat ta ibi‐jag joy joka pengitosho ni maypangkep so nonta joka itorotoro, nem niman, joka et ma‐ma‐a, nakol ni inamta‐an ni emin na totoo shi Jerusalem! Say piyan jo, si‐kamiy pebesolan sha ni inkabono nonta toon joka ingadngadni?”

Inpaspasing 6:2

Isonga sota ira apostol, sina‐nop shen emin sota emati jet say kowan sha son si‐kara, kowan sha ey, “Say obda mi, sota mengitosho ni esel nen Apo Shiyos pangkep so nen Jesus, isonga aliẃen mapteng no ibiyang mi iyay ya obda mi ja si‐kamiy mengiweshis ni mekan.

Inpaspasing 6:7

Jet nontan ma, emankaiweshis sota esel nen Apo Shiyos maypangkep son Jesus shi eshom ngon dogad, jet angken shi Jerusalem met laeng, ẃara ni olay i emankai‐shom ja emati so nonta ira sigod ja emati. Tan ẃara pay i eshakel la papashi ni Hodiyos ja emati.

Inpaspasing 9:29

Emekisongbati pay so nonta ira Hodiyos ja Grigo i esel sha, tep piyan ton memati ngo ira. Nem sajay iren too, kowan sha ey bono‐en shes Saulo.

Inpaspasing 9:39

Jet si Pedro, ekidaw so nonta ira naybetkag ja en engikowan son si‐kato. Idi mimotok shi Lida, inpangdora nodta kowadto shi naykayang nonta baley ni etey, jet emin ira sota nankebalo, diniktob shes Pedro, ja ireka mannengis ni daringit sha, tan inpa‐sas sha pay sota baro tan jakit ta para son si‐kara ja dingka nen Dorkas nonta kabiday to.

Inpaspasing 9:41

Si Pedro, shineẃat tos Dorkas et inpaledjat to. Jet tina‐ẃal to ira sota emati son Jesus nodtan, pati sota ira nankebalo, jet inparang tos Dorkas son si‐kara ja mabiday.

I-Roma 12:7

Jet no say amtam, ja in‐akan nen Apo Shiyos son si‐kam ket sota ontolong ni makasapol, si‐katoy dag‐en mo. No sota pengitosho i ẃara son si‐kam, pangitoro ka.

1 I-Korinto 10:10

Aliẃen tayo ikotot sota insaad nen Apo Shiyos ja pangolo tayo shi pamati, ja inges toy dingka nonta eshom son si‐kara. Sajay i basol sha, isonga inpalobos nen Apo Shiyos ey bono‐en nonta anghil to ira.

2 I-Korinto 11:22

Isonga no kowan sha ey Hodiyos ira, angken si‐kak, Hodiyosak ngo met. No kowan sha ey poli ira nonta sigod ja too nen Apo Shiyos, poli sha‐ak ngo. No kowan sha ey apo ira da nen Abraham, ja mekiteẃid kono nonta kari nen Apo Shiyos, angken si‐kak, apo towak ngo.

I-Pilipos 3:5

ta asdeg toy paras ko ni kina‐Hodiyos. Si‐kak, poli towak nen Benjamin ja mismon anak nen Israel, isonga say shalak, poron shala ni Hodiyos. Nonta maykeẃalon akew ko ni nay‐anak ko, kinokit sha‐ak, jet no sota maypangkep ni emin na pengonod ni dinteg min Hodiyos, inonod kon emin, ta sakeyak so nonta ira Parisiyo.

1 Timoteo 5:3

Sota ira bibiin nankebalo ja enshin polos i ontolong son si‐kara, mesepol la metodongan ira.

1 Timoteo 5:9

Sota ira bibiin nankebalo ja enem ma poloy tawen sha, tan esolok, si‐kara bengat i i‐eshom mo shima dista‐an ni ebalon mesepol la metodongan ni olay ingkatod ketey sha, nem mesepol la sota pinsak bengat ja eki‐sawa.

Hodiyos 13:1

Say mesepol la ẃara ni olay son si‐katejon san‐a‐aki shi pamati, sota semek ni sakey tan sakey.

Santiago 1:27

Say ka‐aporbali nen Apo Shiyos ja Ametayo ey koston ẃaray pamati to, ja aliẃen o‐owap, sota emenodong ni nankengoso tan nankebalo shi shaka pandikat, tan eg to itolok shorog i bakdang to ja ma‐edinan ni ogadi ni tood ja dobong ja enshiy pamati to so nen Apo Shiyos.

Santiago 4:5

No sajay i ẃared nemnem jo, singa kowan jo ey enshiy silbi nonta naysolat nonta bayag da, ja kowan to ey, “Say Ispirito Santo ja inpan‐iyan nen Apo Shiyos son si‐katejo, piyan ton si Apo Shiyos bengat i sesmeken tayo.”

Santiago 5:9

Isonga si‐kayon a‐akik shi pamati, karejo noy‐an i eshom ni joka pandikat, say enshiy jo ikaro son Apo Shiyos. Pannemnem kayo, ta kompormin oras i imotok ali ni kowis; singa ẃared sakepan ja shanshanin onsekep.