Inpaspasing 5:5 - Dibshon Mengi-kan Ni Pansigshan

⁵ Idi intenengan nen Ananias iyay den inkowan nen Pedro son si‐kato, ebiglen eto‐dang et etey. Jet emin sota enamag niyay ya epasemak, timakot iren pasiya.

Inpaspasing 5:5 Iomraidhean Croise

Inpaspasing 13:11

Niman, shosa‐en toka nen Apo Shiyos, jet mekoshab ka ma, ja eg mo ma asen nin i sekit.” Jet nontan ma, bigla ja ẃaray dinekna nonta manmantala ja naysa‐din shi mateto, jet eg to ma asen i shanden to. Eman‐ena‐enap ni toon meneẃat son si‐kato ja mengipangdo ni shanden to.

Inpaspasing 2:43

Jet sota ira apostol, eshakel i kaskasshaaw wa dingkara jet nontan, emin ira sota totoo, etakot ira tep ineẃatan sha ey panakabalin gayam nen Apo Shiyos iyay.

Inpaspasing 5:13

Jet sota eshom ma eg emati, entakot shen may‐a‐shom so nonta ira emati, nem ẃara mangoy shaka pengiredjaw son si‐kara.

1 I-Korinto 4:21

Isonga olay tokejo ngo: no eg jo bediwan i ogadiyo, kenshat ta manda‐kam kayo ni bilin na pasiya no ondawak da. Nem no bediwan jo, mapteng day idaw ko son si‐kayo, ta kaasi‐an takejo.

2 I-Korinto 13:10

Insolat ko iyay niman na ka‐enshik pay laeng son si‐kayo, ta piyan kon no onmotokak da, eg mesepol la ida‐karan takejo ni bilin. Ta sota saad kon in‐awat nen Apo Jesus, say kowan to ey osalan ko so, sota ontolong son si‐kayo say onkedsang i pamatiyo; eg to koston sheshalen takejo.

2 I-Korinto 13:2

Nonta naykapinshowa ja indaw ko shita kad‐an jo, sota inbanshaan ko so nonta nanbasol nontan, tan si‐kayon eshom, si‐kato met laeng; ekak bediwan. Ta say inbanshaan ko met nontan son si‐kayo, kowan ko ey no ondawak mowan da, shosa‐en kon emin ira sota nanbasol, enshiy nak pesinsiya‐an son si‐kara. Jet angken niman na enshi‐ak son si‐kayo, sotan met laeng i isolat kod jay.

2 I-Korinto 7:11

Nemnem jo kari sota mapteng nga nanpa‐no‐an ni inpandaringit jo. Niman ma, kabol ni inpandaringit jo, alisto kayo men memidin ni kait jon manbesol, mapiyan kayo pay ya mengipedawag ni koskoston nanbaliẃan jo, singa sinodngan jo shorog i bakdang jon inbonget pangkep nonta nanbasol ja kait jo, tan ẃara pay gayam i takot jo son si‐kak. Nem piyan jo met laeng nga asen jowak, tan masi‐met kayo ma ja mengonod nonta kowan ko. Siya, binidin jon kosto sota kait jon ẃaray basol to, jet niman, enshi may basol jo pangkep nontan na banag, ta dingkayo met i kosto.

Inpa-Amta Nen Jesucristo 11:13

Jet nontan met laeng nga oras, ẃaray makedsang nga jegjeg et sota inkasampolon sakop nontan na siyodad, esharal et piton dibon too i etey nodtan. Sota ira eshom ma too, ontakot iren pasiya et kowan sha ey, “Niman amta tayo ma ey si Apo Shiyos ja ẃared dangit i makabalin niyay!”

Inpa-Amta Nen Jesucristo 11:5

Jet no ẃaray kowan to ey onshangkas son si‐kara, ẃaray apoy ya onbo‐day alid bongot sha ja meneshal nonta makakontra son si‐kara. Isonga sota toon kowan to ey menangkas so ira niyay, metey ira.