Inpaspasing 5:25 - Dibshon Mengi-kan Ni Pansigshan

²⁵ Jet nontan met laeng nga agsapa, ẃaray sakey ya toon simekep ali nodta esa‐nopan ira nonta toray ni Hodiyos jet kowan to ey, “Sota toon inbalod jo, ẃara ired ma Timplo ja emantosho so ni totoo!”

Inpaspasing 5:25 Iomraidhean Croise

San Mateo 10:18

Jet ikoyod shakejo pay shi sango‐an nonta ira gobinarol, tan sango‐an nonta ira ari, ta too takejo. Jet sotan i ẃaya jon mengiringan na mengikowan son si‐kara ni maypangkep son si‐kak. Tan angken sota ira aliẃen Hodiyos, ẃaray ẃaya jon mengikowan son si‐kara.

San Juan 11:46

Nem sota eshom ja Hodiyos, dimaw ira so nonta ira Parisiyo, jet sha inkowan i dingka nen Jesus.

Inpaspasing 3:1

Nonta sakey ya akew, si Pedro nen Juan, dimaw ira shi Timplo ni oras ni alas tris ni mama‐shem ta si‐katoy oras sa kepansheẃat ni Hodiyos son Apo Shiyos.

Inpaspasing 5:24

Jet idi intenengan nonta apo ni kowadja ni Timplo tan sota apo ni papashi sota kowan sha, nasshaaw iren pasiya, tan ireka emanshanag no ngarantoy panpa‐pa‐no‐an niyay ya epasemak.

Inpaspasing 5:26

Jet sota apo ni solsharo, en engolop so nonta ira kapitan na too to met laeng, jet dimaw ira so nonta apostol, ja sha ira inadok ja may‐odop son si‐kara. Eg sha ira pinidit, ta entakot ira so nonta totoo, ta baka et ey onbonget sota totoo, nakol ni kespigan sha ira ni bato.