Inpaspasing 4:34 - Dibshon Mengi-kan Ni Pansigshan

³⁴ Emin ira sota emati, enshiy nankolang son si‐kara ni mesepol sha, ta sota ira ẃaray bo‐day to, ono baley to, indako sha,

Inpaspasing 4:34 Iomraidhean Croise

San Mateo 19:21

Simongbat si Jesus mowan ja kowan to ey, “No piyan mo ja enshiy mo pankodangan, ilekom ira sota kokowam jet sota dako to, i‐kan mo so nonta ira nankebiteg. No sajay i pesing mo, say kawad‐an ni kabaknang mo ma, naytalo shi dangit. Jet no meksheng nga sotan i pesing mo, kay‐eshom ka di so ira niya took!”

San Marcos 10:21

Jet si Jesus, insi‐ning to sota too jet nasmekan so nen si‐kato, jet kowan to ey, “Wara pay laeng i sakey ya kolang mo. Daw ka, mo ilekon emin sota kokowam et sota dako to, iweshis mo so nonta ira nankebiteg. No sajay i pesing mo, maytedo shi dangit i kabaknang mo. Jet no meksheng nga sotan i pesing mo, kay‐eshom ka di so ira niya took!”

San Lucas 12:33

Ilekoyoy kokowayo et sota pandeko‐an jo, i‐kan jo so nonta totoon makasapol. Sotan i koston pesing nga mengolnong ni kokowa shi dangit ja eg mepilshi. Shiman, enshiy mengibot so, tan angken sota baro, enshiy bigis sa onsharal so.

San Lucas 16:9

Osal joy ẃaren kokowayo ja ontolong ira niya toon maligdigat niman na timpo et no ma‐bosan kayo, si Apo Shiyos i onsobadit son si‐kayo shi dangit.

San Lucas 22:35

Jet kowan nen Jesus son si‐karen emin ey, “Nonta inbetkag takejon enshiy jo inta‐jon na pilak ono bayong ono sapatos, ẃaray kolang ja kasapolan jo nontan?” Simongbat ira ja kowan sha ey, “Enshi, ẃaren emin.”

Inpaspasing 2:45

Jet indako shay bo‐day sha, angken pay sota ira kompormin kokowara, jet inẃaris sha sota nandako‐an sha so nonta ira makasapol.

Inpaspasing 4:37

Waray indako ton eshom ma bo‐day to, jet sota nandako‐an to, in‐awat to so nonta ira apostol.

2 I-Korinto 8:14

Nem niman, ta ẃara met i mebedin na itolong jo, tolongiyo ira sota makasapol, jet no sakey alin akew, ey mesepol jo ngoy tolong, sobalitan shakejo met laeng, say man‐inges ma.

1 I-Tisalonika 4:12

No sajay i pesing jo, sota ira toon enshiy pamati to, rispito‐en shakejo. Jet no sota pangkep ni panbiyag jo, aliẃen sota eshom i jo panshindan.

1 Timoteo 6:19

No sajay i pesing ni bebaknang, mapteng, jet ẃaray may‐eshig ja singa poonan shed dangit ja kenasan shed man. Sajay i pesing nga menigorado ni podnon biyag shi dangit.

Santiago 1:27

Say ka‐aporbali nen Apo Shiyos ja Ametayo ey koston ẃaray pamati to, ja aliẃen o‐owap, sota emenodong ni nankengoso tan nankebalo shi shaka pandikat, tan eg to itolok shorog i bakdang to ja ma‐edinan ni ogadi ni tood ja dobong ja enshiy pamati to so nen Apo Shiyos.