Inpaspasing 4:33 - Dibshon Mengi-kan Ni Pansigshan

³³ Jet nontan, sota ira apostol, mas kimedsang iren mengitosho ni maypangkep son Apo Jesus, jey nanbiyag mowan shi patey, jet si Apo Shiyos, ebadeg i kaasi to son si‐karen emin.

Inpaspasing 4:33 Iomraidhean Croise

San Marcos 16:20

Jet sota ira toon inbilinan to so nonta inkowan to la, nansisi‐jan ira, ja sha intoro shi emin na dogad sota maypangkep son Jesus. Jet eki‐obda ngo si Jesus son si‐kara, isonga nayki‐det sota intoro shen esel nen Jesus, tep in‐aknan to pay ira ni panakabalin shen mandeka ni milagro. Siya, satan da.

San Lucas 2:52

Si Jesus, bima‐deg, makedsang, tan enemneman tep si Apo Shiyos, ẃara son si‐kato, jet eshakel i toon makapiyan son si‐kato.

San Juan 1:16

Saja dimaw ali son si‐katejo, ebadeg ga pasiyay semek to, jet engi‐kan ni nansigshan tayon emin.

Inpaspasing 1:8

Nem iyay i ikowan ko son si‐kayo. Sota Ispirito Santo nen Apo Shiyos, man‐iyan so ni sakey tan sakey son si‐kayo say ẃaray panakabalin jon mengikowan ni maypangkep son si‐kak shi totoo, manshoki shi Jerusalem, Jodia, Samaria, tan shi emin na sakop niya dobong.”

Inpaspasing 2:47

Si Apo Shiyos ni olay i shaka ishayshayaw, jet angken sota emin na totoo, kowan sha ey mapteng ira sota emati. Jet si Apo Shiyos, inakew ja ẃaray toka i‐eshom son si‐kara ja maysedakan.

Inpaspasing 4:30

Ipedobos mo son si‐kami ja ma‐aknan ni panakabalin nen Jesus ja Anak mon shinotokan mo, say mengekas kami ni emansekit, tan mandeka kami ni milagro, ta si‐katoy pengamta‐an sha ey si‐kam i makapanakabalin.” Kowan sha ni shawat sha.

1 I-Tisalonika 1:5

Amta mi, ta sota inpangikowan mi son si‐kayo nonta mapteng nga shamag maypangkep so nen Jesucristo, aliẃen na mismon si‐kami i edapo‐an nontan na esel, no diket inatngan shakami ni Ispirito Santo nen Apo Shiyos. Isonga ẃaray kedsang nonta inkowan mi, jet si‐katoy engi‐kan ni enigorado‐an jo ey podno. Inon‐an jo met i mapteng nga ogadi mi nonta inpaki‐iyan mi son si‐kayo. Jet sotan i ninemnem min dag‐en say ẃaray onoran jo.

Hodiyos 2:4

Jet angken si Apo Shiyos, pineneknekan to ey agpayso iyay, nonta inpalobos ton nandaga sota ira too nen Jesus ni kaskasshaaw, tan eshakel la kilasin milagro. Jet ẃara pay i inẃaris to so ni emati ja amta‐an so ni karakdan ey podno sota esel ton emankaitoro, jet sajay ya inẃaris to, kilasin daing, ja osalen nonta nayẃarisan to shi pansigshan ira ni eshom ma emati jet sajay ya inẃaris nen Apo Shiyos, in‐akan ni Ispirito Santo so nonta piyan nen Apo Shiyos ja pengi‐kanan.