Biblia Todo Logo
Bìoball air-loidhne

- Sanasan -




Inpaspasing 4:1 - Dibshon Mengi-kan Ni Pansigshan

1 Nonta maramen eman‐a‐sel si Pedro nen Juan so nonta totoo, dimaw ira di sota papashi ni Hodiyos, apo ni kowadja nodta Timplo, tan sota ira kowan sha ey Sadosiyo,

Faic an caibideil Dèan lethbhreac




Inpaspasing 4:1
20 Iomraidhean Croise  

Jet nontan ma, sota ira too nen Jesus, ineẃatan sha ey aliẃen to‐to‐ẃen para debag ni tinapay i toka pan‐ikowan. No diket toka pan‐ibanshaan sota maypangkep ni o‐owap pa toro ira nonta Parisiyo, tan sota toro ni Sadosiyo ta maganon man‐a‐elbat ja inges toy para debag ni tinapay.


Jet say inpasing sha, engibetkag ira ni too sha ja nay‐olopan ira nonta too nen Ari Hirodis, jet kowan sha so nen Jesus ey, “Maistoro, amta mi ey podnon emin sota kowan mo, tan sota torom ket si‐katoy piyan nen Apo Shiyos ja dag‐en ni totoo. Amta mi pay ey enshiy moka pabori, angken ngantoy katoo to.


Nem sota ira apo ngo ni papashi tan sota ira pangolo ira ni Hodiyos, intod‐an sha sota eshakel la totoo ey say ikowan sha so nen Pilato ja ibolos to, si Barabas; jet si Jesus, angken ikowan sha ey si‐katoy mebono kono.


Jet angken sota ira apo ni papashi ni Hodiyos, tan sota ira mamaistoro ni dinteg, tan sota ira eshom ma pangolo ni Hodiyos, shaka sengsengkita,


Nem idi inon‐an nen Juan ira sota Parisiyo, tan sota ira Sadosiyo, ja emandaw son si‐kato, ja kowan sha ey ira manpabonjag ngo son si‐kato, kowan nen Juan son si‐kara ey, “Si‐kayo, singa oleg i ogadiyo! Say kowan jo emo, mebedin na disi‐an joy penosa nen Apo Shiyos no manpabonjag kayo bengat?


Idi sakey ya akew, si Jesus, emantosho shi Timplo, tan emengikowan ni mapteng nga shamag ja toka itodtoro ni olay so nonta ira totoo. Jet nontan, sota apo ni papashi, mamaistoro ni dinteg ni Hodiyos, tan sota ira eshom ma pangolo ni Hodiyos, dimaw ngo ira di.


Si Judas, dimaw ja en ekitbal so nonta ira apo ni papashi tan kowadja ni Timplo no ngarantoy pesing ton mengitosho ni kawad‐an nen Jesus say seskelen sha.


Karejo dibdibkan sota inkowan ko la son si‐kayo, ey say baga‐en, aliẃen si‐kato et ngo mowan i ibaingan ni totoo ey say sota apo to. Jet si‐kak ja apo jo, pedikaten sha‐ak; isonga angken si‐kayo, sigoradon pedigaten shakejo ngo ali pangkep ni pamatiyo son si‐kak. Nem no pinatiray esel ko, pati‐en sha ngoy ikowan jo.


Jet si Judas Iskariote, en engolop ni eshakel la solsharo tan kowadja ni Timplo, ja inbetkag ira nonta apo ni papashi tan sota ira Parisiyo, jet dimaw ira shima gardin ja kawad‐an nen Jesus. Sajay iren totoo, nansilew ira di, tan nanpan‐almas ira.


Jet angken sota kangeto‐an na pari ja si Anas, tan shi ira Kaipas, si Juan, si Alejandro, tan sota emin na partido nen Anas, ekisa‐nop ira.


Nem sota kangeto‐an na pari ni Hodiyos, tan sota ira kait ton Hodiyos ja kowan sha ey Sadosiyo, ireka emanbonget, tep ma‐epal ira so nonta apostol.


Jet idi intenengan nonta apo ni kowadja ni Timplo tan sota apo ni papashi sota kowan sha, nasshaaw iren pasiya, tan ireka emanshanag no ngarantoy panpa‐pa‐no‐an niyay ya epasemak.


Jet sota apo ni solsharo, en engolop so nonta ira kapitan na too to met laeng, jet dimaw ira so nonta apostol, ja sha ira inadok ja may‐odop son si‐kara. Eg sha ira pinidit, ta entakot ira so nonta totoo, ta baka et ey onbonget sota totoo, nakol ni kespigan sha ira ni bato.


Sajay i kabol la binongetan ira nonta karakdan na totoo, pati sota ira pangolo ni Hodiyos, tan sota mamaistoro ni dinteg ni Hodiyos. Dimaw ira so nen Esteban, jet inshel sha, jet inodop shen in‐ilaw so nonta ira toray ni Hodiyos.


Jet nontan ma, emankaiweshis sota esel nen Apo Shiyos maypangkep son Jesus shi eshom ngon dogad, jet angken shi Jerusalem met laeng, ẃara ni olay i emankai‐shom ja emati so nonta ira sigod ja emati. Tan ẃara pay i eshakel la papashi ni Hodiyos ja emati.


Lean sinn:

Sanasan


Sanasan