Inpaspasing 3:6 - Dibshon Mengi-kan Ni Pansigshan

⁶ Nem si Pedro, kowan to ey, “Enshiy pilak ko, nem ẃaray itolong ko son si‐kam ja medepo so nen Jesucristo ja i‐Nasarit. Isonga niman, pan‐akad ka!”

Inpaspasing 3:6 Iomraidhean Croise

San Mateo 10:9

“Karekayo manbedon ni pilak, angken sota manintimos.

San Mateo 7:22

No ka‐onoran alin akew, eshakel i mengikowan ey, ‘Pangaasim Apo, engitosho kami met ni esel nen Apo Shiyos et inkowan mi pay ey si‐kam i engibetkag son si‐kami. Inosal mi pay i ngaran mon engipabtik ni dimonyo so nonta ira toon eman‐engaw, tan eshakel pay i milagron kaskasshaaw ja dingka mi ni in‐osal mi so ni ngaran mo.’ Sajay i idason sha ali son si‐kak.

San Marcos 14:8

Saja bii, dingka toy kabaalan ton dag‐en, ta saja dana ja insho‐jag to son si‐kak, singa toka pan‐isagana i kaybebka niya bakdang ko ali.

San Marcos 16:17

“Jet sota ira memati, mandeka ngo ira ni kaskasshaaw wa eẃatan so ni totoo ey podnoy shaka pan‐itoro. Say dag‐en shen kaskasshaaw, sajay: mengipebtik ira ni dimonyon pimeket shi totoo no i‐osal shay ngaran ko, man‐a‐sel ira ni eshakel la kalasin esel ja eg sha amta;

San Juan 19:19

Jet si Pilato, ẃaray inpaisolat to ja kowan to ey, “Sajay si Jesus, ja i‐Nasarit, ja ari ni Hodiyos.” Sajay ya inpaisolat to, sha inpakpak shima koros nen Jesus.

Inpaspasing 10:38

Jet amtayo met ey si Apo Shiyos, shinotokan tos Jesus ja i‐Nasarit ja si‐katoy pan‐iyanan ni Ispirito Santo to, tan in‐aknan to ni panakabalin to. Jet si Jesus, nan‐aka‐akad say en mandeka ni panmaptengan ni totoo, jet inpamapteng ton emin sota emanpansekit ja kepedigata nen Satanas, ta si Apo Shiyos, ẃara ni olay son si‐kato.

Inpaspasing 16:18

Jet sajay i toka ikelkeljaw ni pigen akew, ey kaontenetened son si‐kami. Jet anongosto ma ey imekdas si Pablo, jet kowan to ey, “Si‐kam ma dimonyo! Inbetkag towak nen Jesucristo, isonga ikowan ko son si‐kam ey, betik ka so nita bii!” Jet nontan met laeng nga engikowanan nen Pablo, bimetik ka shagos sota dimonyo ja pimeket so nonta bii.

Inpaspasing 2:22

“Si‐kayon kait kon Hodiyos, itnengi jo iya ikowan ko son si‐kayo! Si Jesus ja i‐Nasarit, inpandaga nen Apo Shiyos ni kaskasshaaw wa milagro, ja inon‐an jon mismo, jet si‐katoy pengamta‐an jo ey si‐katoy inbetkag nen Apo Shiyos. Amtayon emin iyay.

Inpaspasing 2:36

“Isonga si‐kayon emin ja kait kon Hodiyos, mesepol la amta‐an jon pasiya ey si Jesus ja inpaidansayo shi koros, si‐kato sota inpanbalin nen Apo Shiyos ni Apo tayon emin! Si‐kato sota singsingked tayon inkari nen Apo Shiyos ey ibetkag to din mengisedakan!” Sajay i kowan nen Pedro.

Inpaspasing 3:16

“Si‐kami, pinati mi ey ẃaray panakabalin ni ngaran nen Jesus; isonga si‐katoy kinedsangan niya epilay. Am‐amtayo iyay ya too, joka on‐on‐i ni inakew, jet niman, mismon iyed jay ja kimedsang!

Inpaspasing 3:5

Jet sajay ya toon epilay, inshemang to ira ja kowan to emo ey ẃaray i‐akan sha son si‐katon pilak.

Inpaspasing 3:7

Jet si Pedro, shineẃat toy kanawan na takday nonta epilay jet inpaledjat to. Jet sota sedi nonta epilay, kimedsang nga shagos.

Inpaspasing 4:10

pa‐amta mi son si‐kayo, pati pay sota eshom ma totoon Hodiyos, ey si Jesucristo ja i‐Nasarit ja binonoyon indansa shi koros, inpanbiyag mowan nen Apo Shiyos, jet si‐katoy kabol la minaptengan niyay ya toon istay epilay ja ẃara niman shi sango‐an jo.

Inpaspasing 4:7

Sha inda ali si Pedro nen Juan jet inpa‐adagey sha ira nodta nankinaw‐an sha, jet inbag‐an sha ira no ngarantoy inpamaal shen inpakedsang nonta toon epilay. Kowan sha ey, “Sipen ngaran i inngadnan jo nontan?”

Inpaspasing 9:34

Jet si Pedro, kowan to so nen Anias ey, “Sota panakabalin nen Jesus, pemapteng toka. Bangon ka, jet isingpet mo ita shinokolan mo.” Jet ebigla ja makakeykey i bakdang ton shagos jet bimangon.

1 I-Korinto 4:11

Jet ingkato niman na oras, kamika mankodang ni kenen mi tan inomen mi, enshi pay i koston baro mi, tan enshiy baley min pan‐iyanan mi; shakamika pay panshangkasi.

2 I-Korinto 6:10

Kamika emandeshingit, nem ẃara met laeng ni olay i imdeng mi; ebiteg kami, nem eshakel met i singa inpabaknang mi; enshin polos i kokowa mi, nem singa in‐akan nen Apo Shiyos son si‐kami i emin na ẃaray banol to.

2 I-Korinto 8:12

ta no mapiyan kayon mengi‐kan ni tolong, si Apo Shiyos, eẃaten to sota ẃaren may‐ekan; eg to toy‐an.

2 I-Korinto 8:9

Eg mesepol la piditen takejo ta amtayo met sota maypangkep ni kaasi nen Jesucristo ja Apo tayo. Si‐kato, baknang nontan da shi dangit, nem inbaba toy bakdang to ja nanbalin ni ebiteg kabol ni pansigshan jo. Jet niman ma, si‐kayoy may‐eshig ey baknang.

Santiago 2:5

Si‐kayon a‐akik shi pamati, itnengi jo iya ikowan ko son si‐kayo. Si Apo Shiyos, pinispis toy nankebiteg ja endedamsis shed ja dobong, ja si‐kara et ngo mowan i kawa‐ẃa‐sha‐an ni pamati son si‐kato, jet inkesheng to ey mayda‐kam ira di shi pantoshayan to ja inkari to so nonta ira toon ẃaray semek sha son si‐kato.

1 San Pedro 4:10

Si Apo Shiyos, ekalkalasi i in‐akan ton kabaalan ni sakey tan sakey ja mebedin na dag‐en to, jet sajay ya in‐akan to, mesepol la osalen jon ontolong shi eshom. Ta no ẃaray nay‐akan son si‐kayo, si‐kayo ngoy maka‐amta ja mengosal shi panmaptengan ni kait jo.