Inpaspasing 3:13 - Dibshon Mengi-kan Ni Pansigshan

¹³ Enshi! Si Apo Shiyos ja Shiyos nen Abraham, Isaac, tan si Jacob ja ap‐apo tayo da nonta bayag, si‐kato i inpan‐akad so niyay ya epilay, say ma‐amta‐an i kina‐Shiyos nen Jesus, ja Anak to. Saja si Jesus, si‐kato sota in‐awat jo shi toray say mebono. Jet si Gobinarol Pilato, piyan ton ibolos koma, nem emasig kayon kowan jo ey eg jo kosto.

Inpaspasing 3:13 Iomraidhean Croise

San Mateo 11:27

Jet inkowan to pay ey, “Si‐kak bengat i inpiyalan so nen Amak ni emin. Si‐kak bengat i maka‐amta ni emin na maypangkep son si‐kato, tan si‐kato ngo bengat i maka‐amta son si‐kak ka Anak to. Isonga sota piyan kon pengitosho‐an maypangkep ni pantoshayan nen Apo Shiyos, si‐katoy itoro‐an ko so.”

San Mateo 20:19

I‐awat sha‐ak so nonta ira too ja aliẃen kait tayon Hodiyos say si‐karay memebaing son si‐kak. Sepsepdaten sha‐ak pay, asan sha‐ak ilansa ma shi koros. Nem no maykatdon akew, pan‐ongal towak met laeng nen Apo Shiyos.”

San Mateo 22:32

‘Si‐kak si Apo Shiyos ja Shiyos shi Abraham, Isaac, tan si Jacob!’ Say olog niyay, angken etey mangon bayag i bakdang shi Abraham, kowan nen Apo Shiyos ey mabiday ired sango‐an to. Ta no enshi koma, istay eg to inkowan ey si‐katoy Shiyos sha.”

San Mateo 27:2

Jet say inpasing sha, binedod sha et inpaidaw sha so nen Pilato ja gobinarol.

San Mateo 28:18

Jet si Jesus, imesop son si‐kara, jet kowan to ey, “Say inkowan nen Apo Shiyos, si‐kak i mengitoshay ni emin na ẃared dangit tan shiya dobong.

San Marcos 15:11

sota ira apo ngo ni papashi, intod‐an sha sota eshakel la too ey say ikowan sha so nen Pilato ja ibolos to, saja si Barabas.

San Lucas 22:57

Nem nandibak si Pedro, ja kowan to ey, “Keba‐ba‐ngata niyay ya bii! Apay am‐amtak sotan na kowan mo!”

San Lucas 23:4

Jet kowan nen Pilato so ira nonta apo ni papashi tan sota kait shen eshakel ey, “Enshi met i sinepolan kon ngaaw wa aramid niyay ya too.”

San Lucas 6:37

“Karejo nemnemen i nankamali‐an ni eshom ja si‐katoy pengikowanan jo ma ey ngaaw ira, say eg ngo ikowan nen Apo Shiyos ey ngaaw kayo.

San Juan 12:16

Sajay ya padto, eg nin ineẃatan nonta iratoo nen Jesus i olog to nonta pilmiro. Nem idi etey si Jesus et nanbiyag mowan asan ka‐oli mowan da shi dangit, ninemnem sha ma ey sajay ya padto ket si‐kato gayam i naytorongan nonta padto et etongpal.

San Juan 18:40

Sota ira Hodiyos, inkeljaw sha et ey, “Enshi! Aliẃen si‐katoy piyan mi ja ibolos mo! Si Barabas, si‐katoy maybodos!” (Si iya Barabas, tolisan.)

San Juan 19:11

Simongbat si Jesus, ja kowan to ey, “Si‐kam, enshiy nebeng mo son si‐kak, no si Apo Shiyos ket eg to itolok ja may‐eẃatak son si‐kam. Isonga sota toon engilaw son si‐kak alid jay son si‐kam, mas ebadbadeg i basol to, ey say si‐kam.”

San Juan 19:12

Idi intenengan nen Pilato iyay ya inkowan nen Jesus son si‐kato, piyan ton pasiya ja ibolos, nem sota ira toray ni Hodiyos, ema‐ma et i keljaw sha ja kowan sha ey, “No ibolos mo itan na too, aliẃen kajem toka ma nonta ari jod Roma, ta sota toon kowan to shorog ey si‐kato ket ari, si‐katoy makakontra so nonta ari shi Roma.”

San Juan 19:15

Sota ira Hodiyos, kimeljaw mowan ira ja kowan sha ey, “Bonom! Bonom! Paidansam et shi koros!” Jet si Pilato, kowan to son si‐kara ey, “Jet piyan jon angken paidansak iya ari jod koros?” Sota ira apo ni papashi, simongbat ira ja kowan sha ey, “Enshiy eshom ma ari mi; sota ari bengat shi Roma!”

San Juan 7:39

(Sajay ya inkowan nen Jesus, piyan ton ikowan ey si‐katoy kedepo‐an nonta Ispirito Santo nen Apo Shiyos ja eẃaten ira di nonta memati son si‐kato. Nem aneng nin, ta mesepol la metey si Jesus, jet manbiyag mowan. Ondaw pay shi dangit, asan toka i‐eẃat ma sota Ispirito Santo.)

Inpaspasing 22:14

Jet kowan to ma son si‐kak ey, ‘Si Apo Shiyos ja inshayaw ni appo tayo da nontan, pinidi toka ja mengamta ni piyan to; isonga inon‐an mon mismo sota shinotokan to ja si Jesus, tan intenengan mo pay ya mismo i esel to.

Inpaspasing 24:14

Say amtak bengat, ja naka eẃata ey podno, naka emanshedjaw so nen Apo Shiyos, ja kepanshedjawi ira da nonta amma mi, nem say naka pesing nga manshedjaw niman ket saja badon pamati ja kebedawa iren jay. Nem si‐kak, naka pati‐en emin sota kowan ni bilin nen Apo Shiyos nonta bayag da tan sota emin na kowan ni para padto nen Apo Shiyos nonta bayag da ja naysolat.

Inpaspasing 3:12

Jet idi asen nen Pedro ey eshakel aliy totoon emankesa‐nop ali son si‐kara, kowan to so nonta totoo ey, “Si‐kayon kait kon Hodiyos, apay nga kayoka messhaaw niyay ya banag? Apay nga jokamika iningning? Karejo ipangkep ey ẃaray panakabalin mi, ono eshiyosan kami, ja si‐katoy kabol la nan‐akashan niyay ya too.

Inpaspasing 3:26

Si‐katejon Hodiyos i epangdon inbetkagan so nen Apo Shiyos so ni Anak to, ja si Jesus, say panbebawi shakito nonta kakedsel tayo, jet siya, nansigshan tayo!” Sajay day inkowan nen Pedro.

Inpaspasing 4:27

jet say kina‐agpayso to, si Ari Hirodis, tan si Poncio Pilato, tan sota ira toon eg emati ja aliẃen Hodiyos, tan angken sota ira tood Israel, nantotodag ira ja maykontra son Jesus ja Anak mon shinotokan mo.

Inpaspasing 4:30

Ipedobos mo son si‐kami ja ma‐aknan ni panakabalin nen Jesus ja Anak mon shinotokan mo, say mengekas kami ni emansekit, tan mandeka kami ni milagro, ta si‐katoy pengamta‐an sha ey si‐kam i makapanakabalin.” Kowan sha ni shawat sha.

Inpaspasing 7:32

‘Si‐kak si Apo Shiyos ja Shiyos nonta appom da, ja si Abraham, si Isaac tan si Jacob!’ Si Moises, timakot et emanbebayedbed, isonga eg to ma itoled ja ishemang sota apoy.

I-Roma 9:5

Si‐karay poli nonta mismon sampolo tan showen annak nen Israel, jet si Cristo ja inbetkag ali nen Apo Shiyos, no maypangkep ni kinatoo to, edapo met laeng shi poli nen Israel; isonga kait sha met laeng si Cristo. Jet si Cristo, ja Shiyos met laeng, si‐katoy Kangeto‐an so ni emin, tan si‐kato pay i mayshedjaw ingkatod ingka! Siya, satan da.

Hodiyos 2:9

Nem say inamta‐an tayon naksheng den etongpal nodtan na naysolat, sajay: si Jesus, naybaba nin ni sanka‐atikan ey say sota ira anghil, nonta kawasha tod ja dobong, nem niman, nay‐aknan ni ebadeg ga shayaw tod dangit, tep nanda‐kam ni ebadeg ga digat shiya dobong tan etey pay. Jet sotan i ka‐amta‐an ni kaasi nen Apo Shiyos so ni totoo, ta say kabol la eteyan nen Jesus ket say ikaro toy basol ni emin na totoo.

Inpa-Amta Nen Jesucristo 1:18

Si‐kak sota ẃaray biyag to! Agpayson eteyak, nem nan‐ongalak et ekak ma metmetey ingkatod ingka. Si‐kak i engegshi nonta tolbek ja mengilokat nonta daẃan ira nonta nanketey. Tan si‐kak pay sota ẃaray kabedinan ton mengeda ni biyag ni too, nem mebedin na panbiyag ko ali mowan shi patey.