Inpaspasing 3:10 - Dibshon Mengi-kan Ni Pansigshan

¹⁰ Inimatonan sha ey si‐kato sota kaontongtongaw ni olay shima Memapteng nga Sakepan ni Timplo ja emankekeshaw ni pilak, jet enasshaaw iren pasiya ta eg sha eẃatan no ngarantoy edaga son si‐kato.

Inpaspasing 3:10 Iomraidhean Croise

San Mateo 14:35

Jet idi inimatonan ira nonta totoo nodtan ey si Jesus, inshamag sha nodtan na dogad ja nay‐esop, jet emin ira sota emansekit, indaw sha ali son si‐kato.

San Lucas 4:36

Nasshaaw iren emin sota toon engasas, jet kowan sha ni sakey tan sakey son si‐kara ey, “Epateg ga emin i banag ni toka ikowan! Kabaalan ton pemapteng i nemnem ni eman‐engaw! No ikowan to ey onbetik i dimonyo son si‐kara, ireka onbetik ka agpayso!”

San Lucas 9:43

Emin ira sota too, nasshaaw ira ja kowan sha ey, “Sajay i ka‐asan ni panakabalin nen Apo Shiyos!” Maramen sajay i pan‐ikowan ira nonta totoo pangkep nonta dingka nen Jesus ey ikowan to ngo so nonta too to ey,

San Juan 5:20

Ta si Amak, ensemek towak; isonga emin na obda to, inpa‐amta so son si‐kak. Jet no ma‐onod alin timpo, ẃaray obden pedeka to son si‐kak, jet mas kaskasshaaw wa pasiya nem say sota dingkak niman, jet si‐kayo, messhaaw kayo.

San Juan 9:3

Si Jesus, simongbat ja kowan to ey, “Aliẃen sota basol niyay ya too, ono sota basol ni maka‐anak i ekoraban to, no diket inpalobos nen Apo Shiyos, say si‐kato met laeng i mengekas son si‐kato, say amta‐en ni totoo ey ebadeg i panakabalin to.

San Juan 9:8

Jet sota ira inaskang to, tan sota ira eshom ma toon maka‐amta son si‐kato ni toka pankekkekshaw nontan da, kowan sha ey, “Apay aliẃen sajay aya sota toon emantetongaw ni olay ja emankekkekshaw?”

Inpaspasing 2:12

Jet emin ira, ireka messhaaw ta eg sha eẃatan iyay, jet kowan sha ey, “Ngaranto emo iya emankepasemak niman?”

Inpaspasing 2:7

Jet sota ira totoo, ireka emesshaaw, ta eg sha eẃatan no ngantoy inpasing niyay, jet kowan sha ey, “Apay sajay iren emin na eman‐a‐sel ket, i‐Galilia met ira?

Inpaspasing 3:2

Nodta sakepan shi Timplo ja kowan sha ey Memapteng nga Sakepan, ẃaray toon emankekekshaw ni pilak so nonta toon emanseskep. Sajay ya too, nay‐anak ka epilay ja eg maka‐akad, jet inakew wa shaka idaw nodtan.