Inpaspasing 28:4 - Dibshon Mengi-kan Ni Pansigshan

⁴ Jet sota ira too nodtan na dogad, inon‐an sha sotan na oleg ja nanba‐jat shi takday nen Pablo jet kowan sha ey, “Enshiy showashowa, sigoradon sajay ya too, bimono ni too. Agpayson indasat toy biyag to alid baybay, nem kenshat ta eg maypedobos ja manbiyag.”

Inpaspasing 28:4 Iomraidhean Croise

San Mateo 23:35

Isonga meshosa kayo di ja ikaro jo sota inkabono ira nonta emin na maronong nga too ja naybokbok i shalesha shi intiron dobong manshoki so nen Abel ja mapteng nga too, ingkato so nen Sakarias ja anak nen Barakias, ja binono ni too nonta bayag da ja kait jon Hodiyos shima naydaem ni Timplo, ja nay‐esop shima kowan sha ey altar.

San Mateo 27:25

Jet emin ira sota totoo, kowan sha ey, “Owen, si‐kamiy maka‐amta, tan saja annak mi di!”

San Lucas 13:2

Si Jesus, simongbat ja kowan to ey, “No kasta, say kowan jo emo, ‘Isonga binonora ira ta ebadeg i basol sha nem say sota eshom ma tood Galilia; inkaro sha emo.’

San Lucas 13:4

Asan say sakey pay, ngantoy kowan jo nonta sampolo tan ẃalon edisgrasiya shi Siloam ja etedteshan ja etey? Kowan jo mowan ey si‐katoy ka‐asan to ey ebadeg i basol sha nem say sota eshom ma tood Jerusalem?

San Juan 7:24

Aliẃen jo iba‐ngat ey ngaawak pangkep nonta inon‐an jon dingkak, no diket nemnem jo koma sota dingkak ja panmaptengan ni too.”

Inpaspasing 28:2

Jet sota too nodtan na dogad, masmek ira; siningpet shakami noman na emin. Nan‐apoy ira jet inpanangshang shakamin emin, ta eman‐oshan ma mowan et teg‐in.

Inpaspasing 28:3

Si Pablo, en engolnong ali ni eshakel la pating jet inpongpong to nodta apoy. Idi pimetang sota pating, ẃaray bimo‐day alin oleg nodtan et kindat toy takday nen Pablo.

Inpaspasing 28:5

Nem si Pablo, inpelki to et sota oleg nodta apoy, jet pesed ja eg na‐an‐ano si Pablo.

Inpa-Amta Nen Jesucristo 21:8

Nem no sota ira makedsel, say toshongen sha, shima singa baybay ja asoprin emanshedang. Jet sajay ira sota ontorong shiman: sota entapi shay bakdang shen metey maypangkep son Cristo, sota ira eg memati son si‐kato, sota ira edogit i shaka dagdag‐a, sota ira mabono, sota ira mabii ono maleki, sota ira manmantala, sota ira manshedjaw ni inemag met laeng ni too ja sinan shiyos, tan sota ira ma‐olbod. Sota kaykespig ira niyay shima apoy ya emanshedang ingkatod ingka, sotan i maykadẃen patey.”