Inpaspasing 27:11 - Dibshon Mengi-kan Ni Pansigshan

¹¹ Nem sota kapitan ni solsharo, say toka ngo patpati‐a ket sota kapitan ni barko tan sota makakokowa so, ey aliẃen sota kowan nen Pablo.

Inpaspasing 27:11 Iomraidhean Croise

Inpaspasing 27:21

Idi pigen akew malen eg eng‐engan ira sota totoo, dimaw si Pablo son si‐kara, jet kowan to ey, “No istay pinatiyo koma sota kowan ko nontan, ey eg kito ontoloy nonta ẃara kitod Crete, istay ya enshiy mepilshin kalka tan enshi koma i sajay ya digat ja tayoka panda‐kami niman.

Hodiyos 11:7

Jet si Noe ngo, tep emati son Apo Shiyos, pinati to sota banshaan nen Apo Shiyos, angken eg to pay laeng nin inon‐an nontan i dayos ja kowan nen Apo Shiyos ey mepesamak. Jet say inpasing to, nandaga nonta barko ja nandoganan to tan sota ira pamilja to; isonga eg ira edayos. Jet sotan na dingka to, si‐katoy kinosto‐an so nen Apo Shiyos son si‐kato, ta toka kosto‐i sota ẃaray pamati to; nem sajay ya dingka nen Noe, si‐kato ngoy ka‐amta‐an to ey sota ira eshom ma totoo nonta timpo to ket nankolang ira tep eg ira emati ja inges nen Noe.

Santiago 3:4

Iso met laeng sota kowan sha ey barko shi baybay; nemnem jo kari. Angken ebadeg ga pasiya sota barko, ja kaitolshon ni makedsang nga shagem, mebedin na tetngelen nonta ootik ka singa ipay shi obet to, jet mebedin na itorong nonta emengegni shi piyan ton itorongan.

Inpa-Amta Nen Jesucristo 18:17

Sakey ya oras bengat i inkareshal nonta ebanol la ka‐iri‐irin ja ẃara nodtan!’ “Jet sota ira emin na pangolo nodta bapor, tan sota ira emengitoshong nonta bapor shi daẃan sha, tan angken pay sota ira eman‐obda nodtan, tan angken pay sota ira emanbiyaki ja nandogan, bimetaw ira et binojara.