Inpaspasing 26:24 - Dibshon Mengi-kan Ni Pansigshan

²⁴ Jet nonta marama pay laeng ja eman‐a‐sel si Pablo, biglen kimeljaw si Pisto ja kowan to ey, “Nayda‐kad i ashal mo, isonga inpan‐angaw toka!”

Inpaspasing 26:24 Iomraidhean Croise

San Marcos 3:21

Idi amta‐an nonta a‐aki nen Jesus, dimaw iren kowan sha ey i‐akad sha tep kowan sha ey na‐kal i nemnem to.

San Juan 7:15

Jet sota ira eshom ma pangolo ni Hodiyos, ja engitneng ni inkowan nen Jesus, ireka messhaaw, jet kowan sha ey, “Toway inpasing niyay ya toon dimaing, ey ootik met i ashal to?”

San Juan 8:48

Jet idi intenengan nonta ira Hodiyos iyay ya inkowan nen Jesus, kowan sha ey, “Agpayso gayam sota kowan mi ey i‐Samaria ka ja makakontra son si‐kamin Hodiyos. Tan agpayso gayam sota kowan mi ey ẃara son si‐kam i dimonyo.”

San Juan 8:52

Jet sota ira Hodiyos, kowan sha son Jesus ey, “Niman amta mi ma ey agpayson ẃaray dimonyo son si‐kam. Toway inpasing nitan? Si Abraham ket etey met da; angken pay sota ira para padto, etey da ngo ira. Nem si‐kam, say kowan mo, sota memati ni esel mo, eg metey?

Inpaspasing 17:32

Idi intenengan sha iyay ya inkowan nen Pablo, ja maypangkep nonta panbiyag mowan ni toon etey, sota eshom, nan‐esdan sha ni ngaaw, nem sota ira eshom, timekem ira, ja piyan sha pay mowan ja itenengan sota inkowan to la.

Inpaspasing 22:1

Jet kowan to ey, “A‐aki, a‐ama, itnengi jo iya idawag ko son si‐kayo!”

Inpaspasing 24:25

Jet si Pablo, intoro to ey say too, mesepol la nemnemen toy panmaptengan ni eshom, tan mesepol la tetngelen to shorog i bakdang to ja eg koma manbesol, asan kowan to pay ey ẃara aliy ma‐onod ja timpo ja onsangon emin i totoo son Apo Shiyos, jet si‐katoy pengigsheng nen Apo Shiyos no sipay maysedakan. Jet si Felix, timakot, jet kowan to ey, “Angken ondaw ka nin; no ẃaray ẃayak, pa‐odop taka mowan.”

Inpaspasing 24:27

Idi edabas may showen tawen, si Porsio Pisto i naysa‐dat so nen Gobinarol Felix. Si Felix, piyan ton sesmeken ni Hodiyos; isonga binaybay‐an to si Pablo shi badoran.

Inpaspasing 26:11

Jet sota ira emati son Jesus, eminshakel la ẃaray shinosak son si‐kara shima balbaley ya sa‐nopan tayon Hodiyos shi kedogadogad, ta piyan kon piditen iren mengibi‐jag ni pamatira son Jesus. Ebadeg i bonget ko son si‐kara nontan; dimawak pay shima ira nay‐araẃin siyodad ja kawad‐an ira nonta emati son Jesus ja nak ira pinedigat.”

1 I-Korinto 1:23

Nem say mika pan‐itoro, sota maypangkep so nen Cristo ja naydansa shi koros, jet sajay ya inkaydansa nen Jesus shi koros, endedamsis ira ni Hodiyos, jet no sota ira Grigo, shaka ngo ikokowan ey enshiy kowinta to.

1 I-Korinto 4:10

Ta si‐kami, say kowan ni too, enshi konoy amta mi, tep say toro mi, sota maypangkep son Cristo. Nem si‐kayo, kowan sha ey dimaing kayo ma ni inpamatiyo son Cristo. Siya, ekapoy kami mango jet makedsang kayo! Eshayaw kayo, nem si‐kami, endedamsis sha.

2 I-Korinto 5:13

Jet no bilang ey kowan sha ey edabas i mika pesing, ja singa kamika man‐engaw, mebedin; nem dingka mi sotan maypangkep so nen Apo Shiyos. Nem niman, no koskosto iyay ya mika pan‐ikowan son si‐kayo, ja aliẃen edabas, pansigshan jo met laeng.

2 Timoteo 3:15

Manshoki nonta kanga‐ngam, etod‐an ka nonta maypangkep ni naysolat ja esel nen Apo Shiyos, jet si‐katoy engitoshong son si‐kam shi pamati so nen Cristo Jesus; jet sotan na inpamatim i naysalakanan mo.