Inpaspasing 26:2 - Dibshon Mengi-kan Ni Pansigshan

² “Apo Agripa, ebadeg i iyaman ko ni kawasham. Jet niman, songbatan kon emin sota kowan ira ni Hodiyos ey basol ko, say itenengan mo.

Inpaspasing 26:2 Iomraidhean Croise

San Mateo 10:19

Jet no i‐awat shakejod man, karekayo meshanagan no ngarantoy isongbat jo son si‐kara, ono ikowan jo, ta sota isongbat jo, maypa‐amta met laeng son si‐kayo nontan na oras ja shakejosoka pan‐ibag‐i.

San Lucas 12:11

“No idaw shakejon mebistigal shi sango‐an ni toray ni Hodiyos, ono shima engaton toray, karekayo meshanagan no ngarantoy isongbat jo ono ngarantoy ikowan jo son si‐kara,

San Lucas 21:12

“Nem pedigaten shakejo nin ni totoo. Seskelen shakejo et i‐ilaw shakejod baley ya kesa‐nopi ni Hodiyos jet bistigalen shakejod man, jet ibalod shakejo pay. Jet ikoyod shakejo pay shi sango‐an nonta ira ari, tan sango‐an nonta ira gobinarol, ta too takejo.

Inpaspasing 25:26

Nem enshiy koston nak isolat so ni ari shi Roma ni maypangkep niyay ya too, ja dipot kon pekita‐jon ko son si‐kato. Isonga inpa‐odop ko iya si Pablo say asen jon emin, agdalo son si‐kam Apo Ari Agripa. Piyan kon si‐kam i mismon onbistigal so, say amtak i isolat ko so nonta ari shi Roma no meksheng i bistigal.

Inpaspasing 26:1

Jet si Agripa, kowan to son Pablo ey, “Eti, ikowan mon emin niman i podnon dingkam.” Jet si Pablo, sininjasan to ira ey mantetneng ira, jet inta‐shelan toy bakdang to, ja kowan to ey,

Inpaspasing 26:19

“Isonga si‐kak, Apo Agripa, ekak sopngilen sotan na intenengan kon edapo alid dangit.

Inpaspasing 26:26

Say karinelan kon mengikowan niya maypangkep son Jesus, amta nen Apo Agripa ja emin iyay ya banag. Amtak ey emin iyay den edaga ja naka pan‐ikowan, amta to, ta aliẃen shima nay‐emot i edaga‐an to, no diket naypalantaro.

Inpaspasing 26:3

Ta si‐kam, amtam ma emin i ogadi tayon Hodiyos tan sota eg tayo pan‐i‐inawatan. Jet say shawat ko son si‐kam, no mebedin, anosim ja itenengan iya ikowan ko.

Inpaspasing 26:7

Angken sota emin na kait tayon Hodiyos, piyan sha ngon asen i ketongpal niyay ya kari nen Apo Shiyos, isonga masi‐met iren mansilbi son si‐kato ni kalebi‐an man tan ka‐akawan. Nem ngaran gayam ni sajay et i kabol la insharoman sha‐ak so ira nonta kait kon Hodiyos! Say ekak eẃatan, Apo Ari Agripa, apay nga ẃaray eshom son si‐kayo shiyay ja makakowan ey angsan kono ja en panbiyag nen Apo Shiyos mowan i etey?