Inpaspasing 25:2 - Dibshon Mengi-kan Ni Pansigshan

² Jet sota ira apo ni papashi, tan sota ira eshom ma pangolo ni Hodiyos, inkowan sha sota kakontra sha so nen Pablo jet shaka panpidita si Pisto,

Inpaspasing 25:2 Iomraidhean Croise

Inpaspasing 24:1

Idi edabas i dimen akew, mimotok ali sota kangeto‐an na pari ja inodop to aliy eshom so nonta ira pangolo ni Hodiyos, tan si Tirtolo ja mengita‐shel son si‐kara ni kaso sha so nen Pablo, jet inparang sha so nen gobinarol sota kowan sha ey basol nen Pablo.

Inpaspasing 25:15

jet nonta dimawak shi Jerusalem, inkowan ira nonta apo ni papashi ni Hodiyos, tan sota ira pangolo sha i maypangkep son si‐kato, jet shaka pay pankekshawa ey kenshat ta meshosa.

Inpaspasing 25:24

Jet si Pisto, nandiskolso nin ja kowan to ey, “Apo Ari Agripa, tan si‐kayon emin na ekisa‐nop niman son si‐kami, sajay sota toon kontra ni emin na Hodiyos shi Jerusalem ingkato did ja Sisaria. Kinshaw sha son si‐kak ey mebono; aliẃen anam to konon manbibiyag shiya dobong.

Inpaspasing 28:17

Idi ẃaray tedon akew nen Pablo shiman, inpa‐odop to ira sota pangolo ni Hodiyos shiman, jet idi esa‐nop ira, nan‐esel si Pablo ja kowan to son si‐kara ey, “Si‐kayon kait ko ja Hodiyos, enshiy amtak ja nak dingka ja maykontra so ni kait tayon Hodiyos, ono maykontra so nonta ogadi ira ni amma tayo da nontan. Nem say inpasing sha son si‐kak, inshel sha‐ak shi Jerusalem. Jet in‐awat sha‐ak so ni i‐Roma.

1 I-Tisalonika 2:16

ta shakamika dingdinga ja mengikowan nonta esel nen Apo Shiyos so ira nonta toon aliẃen Hodiyos, say maysedakan ngo ira koma. Sajay i nay‐eshom pay nodta basol sha ja shaka ma‐ma‐ma‐a et anongosto ma ey shanshanin shosa‐en ira nen Apo Shiyos.