Inpaspasing 24:11 - Dibshon Mengi-kan Ni Pansigshan

¹¹ Intenengan mo nonta ekay i kowan sha ey eshakel la basol ko. Nem toway inpasing ko ja nandaga niyay, ey sampolo tan showen akew ko bengat shi Jerusalem? Sajay, mebedin na mo sho‐peten no agpayso. Say dinaẃan kod Jerusalem, nak nanshayaw bengat son Apo Shiyos.

Inpaspasing 24:11 Iomraidhean Croise

Inpaspasing 21:18

Nonta maykadẃen akew, nan‐o‐odop kamid Pablo, ja mi inon‐an si Santiago. Jet emin ira sota pangolo nonta ematid man, ẃara ira ngo.

Inpaspasing 22:30

Nem sota apo ni solsharo, piyan to met laeng nga amta‐en no apay nga sota ira Hodiyos ket kowan sha ey ẃaray basol nen Pablo. Isonga idi eẃa‐ẃa, inkowan to so nonta ira apo ni papashi ni Hodiyos tan sota ira eshom ma pangolo ni Hodiyos ey ma‐olnong ira. Inpa‐kal to sota balod nen Pablo, jet inbo‐day to say mekitongtong son si‐kara.

Inpaspasing 23:11

Jet nontan na dabi, nanpa‐sas si Apo Jesus so nen Pablo, ja kowan to ey, “Pakedsang moy nemnem mo, kareka medismaya. Inkowan moy maypangkep son si‐kak shiya Jerusalem, isonga mesepol ngon ikowan moy maypangkep son si‐kak shi Roma.”

Inpaspasing 23:23

Nontan ma, sota apo ni solsharo, tineẃal to sota showen kapitan to, jet kowan to son si‐kara ey, “Pansagana kayo ni showen dasos sa solsharo, tan piton polon solsharon mankebayo, tan showen dasos sa solsharo ja mengita‐jon ni kayang, tep itolod jos Pablo shi Sisaria so nen Gobinarol Felix ni oras ni alas nowibi ni kalebi‐an. Tan pangisagana kayo pay ni kabajo ja pankebayo‐an nen Pablo. Ta kapiditan na imotok jod man ja enshiy mengan‐ano son si‐kato.” Kowan nonta apo ni solsharo,

Inpaspasing 24:1

Idi edabas i dimen akew, mimotok ali sota kangeto‐an na pari ja inodop to aliy eshom so nonta ira pangolo ni Hodiyos, tan si Tirtolo ja mengita‐shel son si‐kara ni kaso sha so nen Pablo, jet inparang sha so nen gobinarol sota kowan sha ey basol nen Pablo.

Inpaspasing 24:17

Ebayag ga tawen na enshi‐ak shi Jerusalem, jet niman na imoli‐ak, aliẃen kowan ko ey nak mankodo, nem say nay‐oli‐an ko, nak mengi‐kan ni inedos min tolong mi so nonta ira kait min Hodiyos ja maligdigat, tan nak mengi‐kan ni daton ko so nen Apo Shiyos.