Inpaspasing 23:9 - Dibshon Mengi-kan Ni Pansigshan

⁹ Jet nontan ma, eshakel i kaonkaneljaw, jet sota ira Parisiyo ja ekayang i ashal sha, dimayat ira ja shaka pan‐ibaliẃi si Pablo, ja kowan sha ey, “Enshi met i mi dinoktalan na basol niyay ya too; baka et ey sota eg ma‐sas ono anghil i engitoshong son si‐kato. Isonga eg tayo koma bedawen.”

Inpaspasing 23:9 Iomraidhean Croise

San Marcos 2:16

Nem sota eshom so nonta ira Parisiyo, ja mamaistoro met laeng ni dinteg, idi inon‐an sha ey emekipengan si Jesus so iren ja toon shaka ibilang ey enshiy kenkenshat sha, kowan sha so nonta ira too nen Jesus ey, “Ngantoy! Emekipengan ima apo jo so ira nima para singil ni bowis tan sama eshom ma toon enshiy kenshat sha, ja eshakel i basol sha!”

San Lucas 23:22

Jet kowan nen Pilato ni maykepintedo ey, “Ngantoy? Ngaran ni dingka ton ngaaw aya? Enshi met i sinepolan kon basol ton kebono‐an to. Pesepdat ko bengat et maybodos ma.”

San Lucas 23:4

Jet kowan nen Pilato so ira nonta apo ni papashi tan sota kait shen eshakel ey, “Enshi met i sinepolan kon ngaaw wa aramid niyay ya too.”

San Lucas 5:30

Nem sota ira eshom ma Parisiyo, tan sota mamaistoro ni dinteg ni Hodiyos ja kait sha, inriri sha so nonta ira too nen Jesus ey, “Apay nga kayoka emekipengan tan emeki‐inom so ira nima para singil ni bowis tan sama eshom ma toon enshiy kenshat sha, ja eshakel i basol sha?”

San Juan 12:29

Jet sota eshom ma totoon nay‐esop son Jesus, kowan sha ey kimirol, nem sota eshom, kowan sha ey, “Waray inkowan ni anghil son Jesus.”

Inpaspasing 11:17

Si Apo Shiyos, edawag ey angken sota toon aliẃen Hodiyos, in‐aknan to ngo ira ni Ispirito Santo to, ja inges toy inpasing to son si‐katejo, ni inpamati tayo son Apo Jesucristo. Isonga si‐kak, enshiy kanebengan kon menokil ni piyan nen Apo Shiyos.” Kowan nen Pedro.

Inpaspasing 22:6

“Nem nonta naka eman‐ekad ja nay‐esopak ma shi Damasko, nankawa nontan i akew, jet bigla ja ẃaray makedsang alin similew shi dangit ja emenenili, jet diniktob towak.

Inpaspasing 22:7

Jet nontan, eto‐dangak, jet ẃaray intenengan kon esel ja kowan to ey, ‘Saulo, Saulo, apay nga mowakka pedigata?’

Inpaspasing 23:29

Jet say sinepolan ko ja shaka panpebesoli so, sota maypangkep bengat ni dinteg sha ja Hodiyos, nem enshiy basol to ja kabol la to kebono‐an, ono to kaybedoran.

Inpaspasing 23:8

ta say pamati ira nonta Sadosiyo, kowan sha ey eg manbiyag mowan i etey, tan eg sha pati‐en ey ẃaray anghil, ono sota eshom ma eg ma‐sas; nem sota ira Parisiyo, shaka pati‐a ey say etey, manbiyag mowan, tan shaka pay pati‐a ey ẃaray anghil tan sota eshom ma eg ma‐sas.

Inpaspasing 25:25

Nem enshiy naka doktali ja kebono‐an to. Jet si‐kato ngo, kinshaw to ey sota kaso to, ikamang to so ni ari shi Roma. Jet ninemnem ko ey mapteng nem paitolod kod man.

Inpaspasing 26:31

Jet idi bimano‐day ma ira, kowan sha ni sakey tan sakey son si‐kara ey, “Sajay ya too, enshi met i kabol la to kebono‐an, ono to kaybedoran.”

Inpaspasing 27:23

Ta nonta edabi da, si Apo Shiyos ja makatoo son si‐kak tan naka panshedjawi, engibetkag ni anghil to ali ja nanpa‐sas son si‐kak,

Inpaspasing 5:39

Nem no si Apo Shiyos i edapo‐an to, eg mebedin na ebaken jo ira, no diket si‐kayo et ngo mowan i ememekal son Apo Shiyos.” Jet sota inkowan nen Gamaliel, pinati ira nonta toray.

Inpaspasing 9:4

Jet si Saulo, eto‐dang shi bo‐day. Jet ẃaray intenengan ton esel ja kowan to ey, “Saulo, Saulo, apay nga mowakka pedigata?”

1 I-Korinto 10:22

Apay piyan jon sengkiten si Apo Shiyos, say onbonget? No bilang ey ondaw alin shosa‐en shakejo, apay posi‐en jon disi‐an?