Inpaspasing 23:18 - Dibshon Mengi-kan Ni Pansigshan

¹⁸ Jet sota kapitan, inpangdo to sota balodaki so nonta apo sha, jet kowan to ey, “Tina‐ẃal towak nonta balod ja si Pablo i ngaran to, jet kowan to ey ipangdok iya balodaki son si‐kam ta ẃara konoy ikowan to son si‐kam.”

Inpaspasing 23:18 Iomraidhean Croise

San Lucas 7:40

Si Jesus, kowan to son si‐kato ey, “Simon, ẃaray ikowan ko son si‐kam.” Kowan nonta Parisiyo ey, “Ngantoy ikowan mo apo?”

San Juan 18:12

Jet inshel ma ira nonta solsharo, pati sota apo sha, tan sota kowadja ni Timplo si Jesus, jet binedod sha.

Inpaspasing 16:25

Nem idi shanshanin kawa ni dabi, emansheẃat si Pablo nen Silas son Apo Shiyos, tan ireka mankankansiyon pay ni shayaw sha son Apo Shiyos. Jet intenengan nonta eshom ma balod iyay.

Inpaspasing 23:17

Jet si Pablo, tineẃal to i sakey so nonta ira kapitan ni solsharo, jet inkowan to ey, “Ipangdoyo ka iya balodaki so ni apo jon solsharo, ta ẃaray ikowan to kono son si‐kato.”

Inpaspasing 23:19

Jet sota apo ni solsharo, inegni‐an toy takday nonta balodaki, jet inbag‐an to ni abos sha, ja kowan to ey, “Ngarantoy ikowan mo son si‐kak?”

Inpaspasing 27:1

Idi enaksheng nga kinshengan sha ey onda‐jat kamin ondaw shi Roma, in‐awat sha ma si Pablo tan sota ira eshom ma balod so nonta kapitan ni solsharo ja si Julio, ja si‐katoy maka‐amta son si‐kara. (Say gropon solsharo ja nay‐eshoman nen Julio, sota epilin solsharo ni ari.)

Inpaspasing 28:17

Idi ẃaray tedon akew nen Pablo shiman, inpa‐odop to ira sota pangolo ni Hodiyos shiman, jet idi esa‐nop ira, nan‐esel si Pablo ja kowan to son si‐kara ey, “Si‐kayon kait ko ja Hodiyos, enshiy amtak ja nak dingka ja maykontra so ni kait tayon Hodiyos, ono maykontra so nonta ogadi ira ni amma tayo da nontan. Nem say inpasing sha son si‐kak, inshel sha‐ak shi Jerusalem. Jet in‐awat sha‐ak so ni i‐Roma.

I-Ipiso 3:1

Sajay ira day kabol la naka pansheẃati so nen Apo Shiyos. Si‐kak, ebaloshak maypangkep ni naka pengitosho ni esel nen Cristo Jesus son si‐kayon aliẃen Hodiyos.

I-Ipiso 4:1

Ebaloshak tep naka mengitosho ni maypangkep so nen Apo Jesus, isonga iyay iray sheẃaten ko son si‐kayo. I‐enam jo komay ogadiyo shi piyan nen Apo Shiyos ja dag‐en ira nonta pinidi ton too to.

Filemon 1:9

nem enshi, ekak osalen iyay ya kanebengan ko tep ensemek taka. Nem iyay et mango i sheẃaten ko son si‐kam, jet nemnem mo ey si‐kak, agpayson inbetkag towak nen Cristo Jesus ja mengitakshel son si‐kato, jet ebaloshak pay pangkep ni naka pengitosho shi totoo ni maypangkep son si‐kato.