Inpaspasing 23:14 - Dibshon Mengi-kan Ni Pansigshan

¹⁴ Dimaw ira jay ya totoo so nonta ira apo ni papashi ni Hodiyos, tan so nonta ira eshom ma pangolo ni Hodiyos, jet kowan sha ey, “Insangba mi ey eg kami nin mengmengan ingkatod meksheng nga bono‐en mi si Pablo.

Inpaspasing 23:14 Iomraidhean Croise

Inpaspasing 23:12

Idi nonta eẃa‐ẃa ma, sota ira Hodiyos ja enshiy pamatira son Jesus, nantotodag ira, jet insangbara ey eg ira nin mengmengan tan eg ira mengin‐inom ingkatod meksheng nga bono‐en sha si Pablo.

Inpaspasing 23:13

Jet sajay iren too ja nantotodag, esolok iren epat ta polo.

Inpaspasing 23:20

Simongbat sota balodaki, ja kowan to ey, “Sota ira Hodiyos, nantotodagan sha ey nem kabasan ket sha ikowan son si‐kam ey paidaw mo si Pablo so nonta ira pangolo min Hodiyos, ja singa agpayso konon ẃara pay i piyan shen amta‐en pangkep nonta kaso to.

Inpaspasing 23:21

Nem karam kari patpati‐en ira, ta ẃaray esolok ka epat ta polon too sha ja emansessesked son si‐kato shi shalan ja piyan shen bono‐en, jet sajay ira, insangbara ey eg ira nin mengmengan ono eg ira man‐in‐inom, ingkatod meksheng nga bono‐en sha si Pablo. Nansagana ira, ja shaka segsegsha bengat sota ikowan mo so ni solsharom ey idaw sha si Pablo.”