Inpaspasing 22:25 - Dibshon Mengi-kan Ni Pansigshan

²⁵ Nem idi shaka panbedora si Pablo, inkowan to so nonta solsharo ja nay‐esop son si‐kato ey, “Aliẃen nebeng nga jo ba‐ngaten i sepdat ni toon i‐Roma ja eg nin ebistigal no ẃaray basol to.”

Inpaspasing 22:25 Iomraidhean Croise

San Mateo 10:17

Tanshaaniyo sotan na toon kaydaokan jo, ta sota eshom son si‐kara, si‐kara met laeng i mengidaw son si‐kayo shi oskaro. Tan angken shima sa‐nopan sha, sepsepdaten shakejod man pay.

San Mateo 27:54

Sota kapitan ni solsharo, tan sota kait ton emanbantay son Jesus ja naykoros, dineknara sota jegjeg jet mismon inon‐an shay epasemak. Eta‐kot iren pasiya jet kowan sha ey, “Agpayso gayam ey sajay ya too ket anak ni Shiyos!”

San Mateo 8:8

Nem sota kapitan ni solsharo, simongbat ja kowan to ey, “Nem si‐kak, ekak maykeshi ja ondaw ka shi baley ko. Angken on‐anay sota esel la ikowan mo et onmapteng ma sota baga‐en ko.

Inpaspasing 10:1

Shi siyodad ni Sisaria, ẃaray manngeshan ni Cornelio ja kapitan ni sandasos sa solsharo alid Roma ja poro tima‐nil iren i‐Italia.

Inpaspasing 16:37

Nem si Pablo, say kowan to et son si‐kara, kowan to ey, “Sinepsepdat shakami met shi karakdan ni too ey enshiy bistigal, ket si‐kami, too kamid Roma! Inbalod shakami pay, jet niman say piyan sha, idigod shen pebo‐day shakami shiya badoran say enshiy en on‐amta so? Eg mebedin! Si‐karay ondaw ali ja en mengibodos son si‐kami.”

Inpaspasing 22:26

Idi intenengan nonta solsharo iyay, kinano‐an ton dimaw so nonta apo to et to inkowan son si‐kato ey, “Apay nganto ayay istay dag‐en mo so nonta balod ket i‐Roma met gayam?”

Inpaspasing 23:17

Jet si Pablo, tineẃal to i sakey so nonta ira kapitan ni solsharo, jet inkowan to ey, “Ipangdoyo ka iya balodaki so ni apo jon solsharo, ta ẃaray ikowan to kono son si‐kato.”

Inpaspasing 23:27

Sajay ya toon inpaitolod ko la son si‐kam, singkel ira ni Hodiyos shiyay, jet istay ya bono‐en sha. Nem inodop ko iray solsharok et mi insalakan si‐kato tep inamta‐an ko ey si‐kato, i‐Roma gayam.

Inpaspasing 25:16

Jet say insongbat ko son si‐kara, inkowan ko ey aliẃen ogadi ni gobirnod Roma ja i‐awat i balod shi eshom ma too say si‐karay menosa, ta mesepol nin ja onsango ira di sota engireshom, say ẃara ngoy ẃaya nonta naysharom ja mengitakshel shorog ni bakdang to, ja onsongbat so nonta sharom.

Inpaspasing 27:1

Idi enaksheng nga kinshengan sha ey onda‐jat kamin ondaw shi Roma, in‐awat sha ma si Pablo tan sota ira eshom ma balod so nonta kapitan ni solsharo ja si Julio, ja si‐katoy maka‐amta son si‐kara. (Say gropon solsharo ja nay‐eshoman nen Julio, sota epilin solsharo ni ari.)

Inpaspasing 27:3

Nonta maykadẃen akew, mimotok kamid Sidon, jet si Julio ja kapitan ni solsharo, ta ensemek tos Pablo, intolok ton angken en bisita‐en nen Pablo sota ira kagajem tod man. Jet intolok to pay ya angken aknan sha ni kasapolan to.

Inpaspasing 27:43

Nem sota kapitan ni solsharo, piyan ton mebay‐an si Pablo; isonga inkowan to ey, “Enshi, karejo dag‐en itan!” Jet say inpasing to, inkowan to ey emin ira sota amtaren mannengoy, mepangdo iren onnangoy da nodta kamag‐an.