Inpaspasing 22:24 - Dibshon Mengi-kan Ni Pansigshan

²⁴ Jet sota apo ni solsharo, inkowan to so nonta solsharo to ey isekep sha nodta kowartil sha, jet shiman konoy kebistigalan to. Asan kowan to pay ey sepdaten sha, ta piyan ton amta‐en no ngantoy kabol la kepanbongeti ira nonta Hodiyos son si‐kato.

Inpaspasing 22:24 Iomraidhean Croise

San Juan 19:1

Jet nontan ma, in‐awat nen Pilato si Jesus so nonta ira solsharo et sinepsepdat sha.

Inpaspasing 16:37

Nem si Pablo, say kowan to et son si‐kara, kowan to ey, “Sinepsepdat shakami met shi karakdan ni too ey enshiy bistigal, ket si‐kami, too kamid Roma! Inbalod shakami pay, jet niman say piyan sha, idigod shen pebo‐day shakami shiya badoran say enshiy en on‐amta so? Eg mebedin! Si‐karay ondaw ali ja en mengibodos son si‐kami.”

Inpaspasing 21:34

Sota ira eshakel la totoo, ireka onkaneljaw, jet nan‐inapil i pan‐ikeljaw ni sakey tan sakey. Sota apo ni solsharo, eg to tongolan no ngantoy kabol, ta ireka mannoteng bengat ni keljaw sha jet say inpasing to, inkowan to so nonta solsharo to ey idaw shes Pablo shima kowartil sha.

Inpaspasing 21:37

Idi shanshani ma ja isekep sha si Pablo nodta kowartil sha, inkowan to so nonta apo ni solsharo ey, “Mebedin na ẃaray ibagak son si‐kam?” Jet sota apo ni solsharo, simongbat ja kowan to ey, “Amtam gayam ma man‐a‐sel ni Grigo?

Inpaspasing 23:10

Ema‐men makedsang i shaka pansosongbat. Jet sota apo ni solsharo, entakot ey debniken shes Pablo, isonga engibetkag ni solsharo to ja en ali engigojod so nen Pablo so nodta totoo, jet in‐oli sha si Pablo shima kowartil sha.

Inpaspasing 23:27

Sajay ya toon inpaitolod ko la son si‐kam, singkel ira ni Hodiyos shiyay, jet istay ya bono‐en sha. Nem inodop ko iray solsharok et mi insalakan si‐kato tep inamta‐an ko ey si‐kato, i‐Roma gayam.

Inpaspasing 28:18

Binistigal sha‐ak ni toray ja i‐Roma, jet kinshengan sha ey enshiy basol kon nak kebono‐an. Isonga sajay iren toray ja i‐Roma, piyan shen istay ibolos sha‐ak.

Hodiyos 11:35

Jet sota ira bibii, tep emati ira, nanpawil la ebiyag ira sota etey ya partidos sha, jet nay‐oli ira met laeng son si‐kara. Sota ira eshom, eg sha koston mebodos; insikal shay shangkas, ja kowan sha ey angken metey ira ta amtara ey mebiyag met laeng ira di, jet mapmapteng pay sotan na biyag ja maysa‐dat ali.