Inpaspasing 22:22 - Dibshon Mengi-kan Ni Pansigshan

²² Sota ira totoo, siningpet shen nanteneng nin nonta kowan nen Pablo. Nem idi intenengan shay kowan nen Pablo ey piyan nen Apo Shiyos ja maytod‐an ngoy toon aliẃen Hodiyos, kimeljaw ma ira, ja kowan sha ey, “Bono jo itan na too! Enshiy kenkenshat ton manbibiyag shiya dobong!”

Inpaspasing 22:22 Iomraidhean Croise

San Lucas 23:18

Nem emin ira sota eshakel la totoo, eg sha kosto. Shaka pan‐ikeljaw ey, “Enshi! Bono jo iyay ya too! Ibodos jo dis Barabas son si‐kami!”

San Juan 19:15

Sota ira Hodiyos, kimeljaw mowan ira ja kowan sha ey, “Bonom! Bonom! Paidansam et shi koros!” Jet si Pilato, kowan to son si‐kara ey, “Jet piyan jon angken paidansak iya ari jod koros?” Sota ira apo ni papashi, simongbat ira ja kowan sha ey, “Enshiy eshom ma ari mi; sota ari bengat shi Roma!”

Inpaspasing 21:36

Jet sota ira totoo, imonod ira ja ireka onkaneljaw ja kowan sha ey, “Bono jo! Bono jo!”

Inpaspasing 25:24

Jet si Pisto, nandiskolso nin ja kowan to ey, “Apo Ari Agripa, tan si‐kayon emin na ekisa‐nop niman son si‐kami, sajay sota toon kontra ni emin na Hodiyos shi Jerusalem ingkato did ja Sisaria. Kinshaw sha son si‐kak ey mebono; aliẃen anam to konon manbibiyag shiya dobong.

1 I-Tisalonika 2:16

ta shakamika dingdinga ja mengikowan nonta esel nen Apo Shiyos so ira nonta toon aliẃen Hodiyos, say maysedakan ngo ira koma. Sajay i nay‐eshom pay nodta basol sha ja shaka ma‐ma‐ma‐a et anongosto ma ey shanshanin shosa‐en ira nen Apo Shiyos.