Inpaspasing 22:14 - Dibshon Mengi-kan Ni Pansigshan

¹⁴ Jet kowan to ma son si‐kak ey, ‘Si Apo Shiyos ja inshayaw ni appo tayo da nontan, pinidi toka ja mengamta ni piyan to; isonga inon‐an mon mismo sota shinotokan to ja si Jesus, tan intenengan mo pay ya mismo i esel to.

Inpaspasing 22:14 Iomraidhean Croise

San Juan 15:16

Aliẃen si‐kayoy emili son si‐kak ja maistoro jo, nem si‐kak i emili son si‐kayo. Jet ibetkag takejo so ni totoo ja en mengikowan ni maypangkep son si‐kak, jet sota dag‐en jo, ebadeg i panbenagan to, ja eg mepokaw. Jet no ngantoy sheẃaten jo son Amak, pangkep ni joka pengi‐edagey son si‐kak, i‐akan to son si‐kayo.

Inpaspasing 13:17

Si Apo Shiyos, ja keshedjawa ni tood Israel, si‐katoy emili nonta apo tayo da, jet si‐kato met laeng i engi‐kan son si‐kara ni kayshedjawan sha nonta ẃara pay laeng ired Egypt. Jet si Apo Shiyos met laeng i timolong son si‐karen engilekjas ni Egypt.

Inpaspasing 22:15

Ta say si‐kam i mengikowan so ni emin na totoo ni maypangkep nonta inon‐an mo tan intenengan mo.

Inpaspasing 22:18

Inon‐an kos Apo Jesus sa mismo, jet say inkowan to son si‐kak, ‘Kano‐im, ilekjas mo shagos iya Jerusalem, ta saja ira tood jay, eg sha pati‐en i ikowan mo ja maypangkep son si‐kak.’

Inpaspasing 24:14

Say amtak bengat, ja naka eẃata ey podno, naka emanshedjaw so nen Apo Shiyos, ja kepanshedjawi ira da nonta amma mi, nem say naka pesing nga manshedjaw niman ket saja badon pamati ja kebedawa iren jay. Nem si‐kak, naka pati‐en emin sota kowan ni bilin nen Apo Shiyos nonta bayag da tan sota emin na kowan ni para padto nen Apo Shiyos nonta bayag da ja naysolat.

Inpaspasing 26:16

Nem angken dayat ka, ta say nanpa‐sasan ko son si‐kam, si‐kam i shinotokan ko ja mansilbin mengikowan ni maypangkep son si‐kak. Si‐kam i onpaneknek ni in‐asas mowak so niman, tan ẃara pay aliy banag ja ipa‐sas ko son si‐kam, jet si‐kam i mengikowan so ni eshom.

Inpaspasing 5:30

Tan kowan pay nen Pedro ey, “Si Apo Shiyos ja pinati ira nonta ametayo da nonta bayag, inpan‐ongal to si Jesus, ja binonoyon indansa shi koros.

Inpaspasing 7:52

Sipay amtayo ja para padto nen Apo Shiyos nonta bayag da ja eg pinedigat ni appoyo? Enshiy sha binaybay‐an! Binonoren emin ira sota engipadto nonta bayag da ey ẃaray ibetkag ali nen Apo Shiyos ja mengisedakan! Jet idi nay‐agpayso sota padto ni indaw ali nen Cristo, si‐kato sota inpa‐shel jo jet inpabonoyo, ey enshiy basol to.

Inpaspasing 9:15

Jet kowan mowan nen Apo Jesus son si‐kato ey, “Kenshat ta ondaw ka, ta pinidik si Saulo ey si‐katoy mengikowan ni maypangkep son si‐kak so ni totoo ja aliẃen Hodiyos, tan sota a‐ashira, tan angken so ni kait jon Hodiyos ja eg emati.

Inpaspasing 9:17

Jet si Ananias, dimaw, ja tinongpal to sota inkowan nen Jesus. Simekep nodta kad‐an nen Saulo, jet to insakpal i takday to son si‐kato, jet kowan nen Ananias ey, “Agi Saulo, si Apo Jesus, ja nanpa‐sas son si‐kam ni indaw mo alid jay, si‐kato met laeng i engibetkag ali son si‐kak shiyay, say man‐esas ka mowan, tan say man‐iyan son si‐kam i Ispirito Santo nen Apo Shiyos.” Kowan nen Ananias.

I-Roma 1:1

Si‐kak si Pablo ja makasolat niyay, ja mismon inbetkag nen Jesucristo ja mansilbi son si‐kato. Si‐kak, shinotokan towak nen Jesucristo ja manbedin ni apostol to, say nak mengitosho nonta mapteng nga shamag ja edapo son Apo Shiyos.

1 I-Korinto 11:23

Nemnem jo sota intorok son si‐kayo maypangkep ni pandilikob tayon emati ja penginemneman son Apo Jesus. Ineẃat ko sotan na toro son Apo Jesus, ja epasemak nonta edabin en inbaag ni sakey ya too to so nodta makakontra son si‐kato. Nontan, engala ni tinapay,

1 I-Korinto 15:3

Sota kapatkan ja intorok son si‐kayo, si‐kato ngo sota ineẃat ko ja kowan to ey si Cristo, etey ja engikesho ni basol tayo, jet sajay ya edaga, nay‐agpayso sota esel nen Apo Shiyos ja naysolat nonta bayag da.

1 I-Korinto 15:8

Shi ka‐onoran, nanpa‐sas ngo son si‐kak. Si‐kak, singa nay‐anakak shi aliẃen timpo to, ta nanbalinak ni apostol nen Jesus jey ekak nin nay‐olo‐olop son si‐kato.

1 I-Korinto 9:1

Angken si‐kak, palobos met ja dag‐en koy pansigshan ko, nem ekak inpakat. Ẃaray nandasinan ko met so ni eshom ma emati, tep apostolak; inon‐an ko met ta mismo si Apo Jesus! No kowan ni eshom ey aliẃen apostolak, istay amtayo koma mango, ta si‐kak i kabol la emati‐an jo son Apo Jesus. Jet sotan i ka‐asan to ey si‐kak, agpayson apostolak.

2 I-Korinto 5:21

Si Cristo, enshin polos i ngaaw wa aramid to, nem si Apo Shiyos, inkowan to ey si‐kato et ngo mowan i mengikesho nonta basol tayon totoo, say no memati kito son si‐kato, ibilang shakito ma nen Apo Shiyos ey mapteng kito, ja inges ni ogadi tayoy ogadi to met laeng.

I-Galasia 1:12

Ta aliẃen too i ineẃatan ko so; enshiy engitosho son si‐kak, no diket mismon si Jesucristo i engipa‐amta son si‐kak.

I-Galasia 1:15

Nem angken nonta ekak pay laeng gayam nay‐anak, sigod ja ninemnem nen Apo Shiyos ey kaasi‐an towak ali, ja ẃaray insagana to ja piyan ton dag‐en ko di, jet niman, si‐kato ma iyay.

2 Timoteo 1:1

Si‐kak si Pablo ja makasolat niyay, jet sajay ya solat ko, si‐kam Timoteo i daẃan to, ja naka ikarin anak ko shi pamati ja ensemek ko. Si Apo Shiyos i mismon enotok son si‐kak ja manbedin ni apostol nen Cristo Jesus, say si‐kak i mengitosho ni maypangkep nonta inkari ton biyag ja i‐akan to so ni memati son Cristo Jesus. Jet say shawat ko son Apo Shiyos, sapay koma ta sota kaasi, tolong, tan talna ja ẃara son si‐kam ja edapo so nen Apo Shiyos ja Ametayo tan si Apo Jesucristo, si‐kato komay ma‐shoman.

Tito 1:1

Si‐kak si Pablo ja makasolat niyay. Si Apo Shiyos i mismon engibetkag son si‐kak ja mansilbi son si‐kato, jet mismon si Jesucristo i enotok son si‐kak ja manbedin ni apostol to. Say kabol la eshotokan ko ket say si‐kak i menosho so nonta ira pinidi nen Apo Shiyos ja too to, say onkedsang i pamatira jet say amta‐en sha ngo sota podnon toro. Saja naka pan‐itoro, nay‐anam shi eshiyosan na biyag,

1 San Pedro 2:22

Si Cristo, enshin polos i basol to, tan angken sipa, enshiy emengikowan ey ẃaray intenengan ton o‐owap ja inkowan to.

1 San Juan 2:1

Si‐kayon singa annak ko, sajay i isolat ko son si‐kayo, say eg kayo mandeka ni ngaaw wa aramid. Nem no bilang ey ẃaray manbesol ja kait jo, mebedin na may‐odi sota toka pekikadẃa mowan son Apo Shiyos, ta ẃaray mengitakshel son si‐katejo shi sango‐an nen Ametayo ja si Apo Shiyos, ja si Jesucristo. Kabaalan ton dag‐en iyay tep enshin polos son si‐kato i basol.