Inpaspasing 22:12 - Dibshon Mengi-kan Ni Pansigshan

¹² “Shi Damasko, ẃaray kait tayon Hodiyos ja manngeshan ni Ananias; toka tongpala ni olay i emin na kowan nonta bilin nen Apo Shiyos, jet emin na kait tayon Hodiyos ja ẃared man na dogad, asdeg ton shaka ibaingi.

Inpaspasing 22:12 Iomraidhean Croise

San Lucas 2:25

Jet nontan, ẃaray tood man ja si Simeon i ngaran to ja nanbaley shi Jerusalem. Makedsang i pamati to son Apo Shiyos, tan eshayaw ey mapteng nga too. Jet toka sesseskera i ketongpal nonta kari nen Apo Shiyos ey ẃaray ibetkag ton mengisedakan ni tood Israel. Jet say Ispirito Santo nen Apo Shiyos, ẃara son si‐kato.

Inpaspasing 10:22

Jet sota ira tedon daleki, inkowan sha son Pedro ey, “Inbetkag shakami nen Cornelio, ja kapitan ni solsharo ni gobirnod Roma, ja mika odopen. Saja si Cornelio, mapteng i ogadi to. Si Apo Shiyos bengat i toka panshedjawi, jet angken emin na Hodiyos, shaka ikowan ey mapteng noman. Waray anghil nen Apo Shiyos ja nanpa‐sas son si‐kato, jet inkowan to ey pa‐odop toka ja ondaw shi baley to, say itenengan toy ikowan mo son si‐kato. Isonga dimaw kami ali.”

Inpaspasing 17:4

Jet nontan ma, ẃara iray na‐awis ja nay‐eshom so nen Pablo nen Silas ja emati. Asdeg to son si‐karay toon aliẃen Hodiyos sa sigod, ja etod‐an ja manshedjaw son Apo Shiyos, tan eshakel pay iray ematin bebaknang nga bibii.

Inpaspasing 6:3

Isonga si‐kayon a‐aki mi shi pamati, pamidi kayo ni piton daleki son si‐kayo ja sajay i ẃara son si‐kara: ẃaray amtara, mapteng i shamag sha shi karakdan, tan inshalan ira ni Ispirito Santo. Jet si‐kara i maka‐amta ja mengiweshis ni mekan ni inakew.

Inpaspasing 8:2

Nem ẃaray eshom ma ebay‐an ja makedsang i pamatira, jet si‐kara i en engibka so nen Esteban. Epaladoy shaka pannengis ni daringit sha pangkep son si‐kato.

2 I-Korinto 6:8

Sota ira eshom, inshayaw shakami, jet sota ira eshom, binedaw shakami. Sota ira eshom, kowan sha ey ngaaw kami, nem sota ngo ira eshom, kowan sha ey mapteng kami. Nem enshi met i ngaaw wa dingka min kabol ja shakami so bedawan. Agpayso i mika ikowan, nem kowan ni eshom kono ey ma‐owap kami.

1 Timoteo 3:7

Say mengipangolo, sota enshiy embalaw ni too son si‐kato, agdalo sota ira eg memati, say enshiy sha ikokowan na ngaaw pangkep son si‐kato, tan say enshiy osalen nen Satanas ja mengadilaw son si‐kato ni toka pengipangolo.

Hodiyos 11:2

Say kinosto‐an so nen Apo Shiyos so nonta too to nonta bayag da, sota inpamatira son si‐kato.

3 San Juan 1:12

Si Demetrio i sakey ya onoran jo. Eshakel i emengikowan ey mapteng i aramid to, jet say ka‐asan to, sota in‐onod to so ni podno. Jet angken si‐kami, mika ikowan ey agpayso ja mapteng i aramid to et amtayo met ey say mika ikowan, podno.