Inpaspasing 21:40 - Dibshon Mengi-kan Ni Pansigshan

⁴⁰ Sota apo ni solsharo, in‐aknan to ni palobos. Dimayat si Pablo nodta agshan et sininjasan to ira sota totoo ey on‐eket ira. Idi imeket ira, nan‐esel si Pablo ni esel shen Hodiyos.

Inpaspasing 21:40 Iomraidhean Croise

San Lucas 23:38

Tan ẃaray naysolat nodta koros to shi petek ni toktok to ja kowan to ey, “Sajay sota ari ni Hodiyos.”

San Juan 19:13

Si Pilato, inbo‐day to mowan ali si Jesus ta intenengan to sota kowan ira nonta toray ni Hodiyos, jet en timongaw nodta dogad ja shaka pengigshengi ni ẃaray basol to, ja minetalan sha ni bato, ja kowan sha ni esel ni Hodiyos ey Gabata.

San Juan 19:17

Jet sota ira Hodiyos, indara ma si Jesus jet inbo‐day sha jet inpasakbat sha son si‐kato sota koros to, jet indaw sha nodta dogad ja kowan sha ey Toktok, ja no shi esel ni Hodiyos, kowan sha ey Golgota.

San Juan 19:20

Sajay ya inpaisolat nen Pilato, eshakel i Hodiyos ja bimasa so, ta sota dogad ja indansa‐an sha so nen Jesus, nay‐esop shi ili. Say inpangisolat nen Pilato, ekalkalasin esel — esel ni Hodiyos, esel ni i‐Roma, tan sota esel ni Grigo ja si‐katoy shaka pan‐i‐inawatid man na dogad.

San Juan 5:2

Shi Jerusalem, ẃaray shanom ma binneng sha ja kowan sha ey Bitisda shi esel ni Hodiyos. Sajay ya nabneng, nay‐esop nodta sakepan ni kalniro shi siyodad ja pasbol. Waray dimen sishoman ja nay‐esop nodta nabneng,

Inpaspasing 1:19

Inamta‐an ni emin na totoo shi Jerusalem iyay ya inpanbono nen Judas; isonga sajay ya bo‐day, inpanngaran sha ni Akildama, ja say olog to, ‘Baley ni shala.’

Inpaspasing 12:17

Nem si Pedro, sininjasan to ira ey on‐eg‐eket ira, jet inistoriya to sota inpasing nen Apo ja engibo‐day son si‐kato shi badoran. Jet inbilin to ey ikowan sha sotan na epasemak so nen Santiago, tan so nonta ira eshom ja a‐akira shi pamati. Jet nontan ma, indekjas to ira ja dimaw shi apil la ili.

Inpaspasing 13:16

Jet dimayat si Pablo asan toka sinjasi ira ey mantetneng ira nonta ikowan to, jet kowan to ey, “Si‐kayon totoo ja kait kon Hodiyos, tan si‐kayon aliẃen Hodiyos ja etod‐an ja manshedjaw son Apo Shiyos, nemnem jo iyay ya ikowan ko.

Inpaspasing 19:33

Kowan ira nonta emankodo ey ida‐kam sha sota ira Hodiyos ja i‐Ipiso; isonga sota ira Hodiyos met laeng shiman, indara si Alejandro ja mengita‐shel son si‐kara ja onsango so nonta ira totoon emankodo. Jet si Alejandro, sininjasan to ira sota totoo ey on‐eket ira, ta ẃaray piyan ton ipaleẃag.

Inpaspasing 21:35

Idi insabi shes Pablo nodta agshan ja ondaw shi kowartil, dini‐bit ira nonta solsharo, ta epaladoy kepesing ira nonta totoo son si‐kato ja emanngedawngaw.

Inpaspasing 22:2

Idi intenengan sha ey esel ni Hodiyos gayam i kepan‐a‐sel nen Pablo, imeket iren pasiya. Jet intoloy to ma ja nan‐esel la kowan to ey,

Inpaspasing 26:14

Jet emin kami, eto‐dang kami jet ẃaray intenengan kon esel, ja esel tayon Hodiyos i toka pan‐a‐sel, ja kowan to ey, ‘Saulo, Saulo, apay nga mowakka pedigata? Enshiy baal mon mengebak son si‐kak; katideg ka.’

Inpaspasing 6:1

Idi emanshekel la pasiya sota ira emati, kepan‐ikotot nonta ira sa‐bon Hodiyos ja Grigo i esel sha sota ira koston Hodiyos. Ta sota ira Grigoy esel sha, kowan sha ey sota nankebalo son si‐kara, ediwayan ja eg ira nay‐aknan nonta mekan ja emankaiweshis ni inakew.

Inpa-Amta Nen Jesucristo 9:11

Waray ari sha jet si‐kato sota anghil ja emanbantay nonta naybaloshan ni dimonyo. Say ngaran to shi esel ni Hodiyos, kowan sha ey Abadon et shi esel ni Grigo ngo, kowan sha ey si Apolyon.