Inpaspasing 21:1 - Dibshon Mengi-kan Ni Pansigshan

¹ Nandogan kamid barko et indekjas mi ira. Jet sota nandoganan min barko, nandiritso shima Kos, jet nonta maykadẃen akew, simabi kamid Rodas, jet intoloy mi ingkatod mimotok kamid Patara.

Inpaspasing 21:1 Iomraidhean Croise

San Lucas 5:4

Idi naksheng nga nan‐esel si Jesus, inkowan to so nen Simon ey, “Igeẃam iya bangka shima debeng nga shanom et si‐kam tan sama kait mo, i‐kas jo ira ta balshew jo say ẃaray mekna.”

San Lucas 8:22

Idi sakey ya akew, si Jesus, en nandogan shi bangka, pati sota ira too to, jet kowan to son si‐kara ey, “Ondaw kitejo shima piig niya baybay.” Jet dima‐jat ira.

Inpaspasing 27:2

Jet kami nandogan nodta barko ja edapod Adromito, ja manshedan shima ira istasjon shi kilig ni baybay shi probinsiya ni Asiya. Si Aristarko ja i‐Masidonia ja edapo alid Tisalonika, ekidaw son si‐kami.

Inpaspasing 27:4

Jet manshokid man, nanshalan kamid sedong ni Cyprus, say mesa‐dinan kami, ta makedsang i shagem, ja toka pan‐aspola sota barko ja nandoganan mi.

1 I-Tisalonika 2:17

Si‐kayon a‐akik shi pamati, simpi‐an mikejo, isonga piyan min pasiya ja asen mikejo mowan. Angken nonta ikaydekjas mikejo so, ingkato niman na nan‐i‐inaraẃi kito, epaladoy nemnem mi son si‐kayo.