Inpaspasing 20:3 - Dibshon Mengi-kan Ni Pansigshan

³ Nan‐iyan nin si Pablo shi Akaya ni tedon bolan. Istay nansagana mowan na ondaw shi Siria, nem inamta‐an to ey sota ira Hodiyos ja eg emati, ireka emansessesked nodta barkon pandokanan to ja ngaaw i pangkep sha son si‐kato. Isonga ninemnem to ey may‐odi ja manshedan shi Masidonia.

Inpaspasing 20:3 Iomraidhean Croise

San Mateo 4:24

Isonga nontan, eshamag iyay shi intiron sakop ni Siria, jet indaw sha ali son si‐kato sota ekalkalasiy sakit sha, pati sota ira emankelshas tan sota eg makakeykey i bakdang sha. Tan angken pay sota ira eman‐engaw ja kawad‐an ni dimonyo. Jet si Jesus, inpamapteng to ira jay ya emin.

Inpaspasing 16:12

jet asan ma shi Pilipos, ja kabalkan na siyodad shi probinsiya ni Masidonia. Sajay ya dogad ja dinaẃan mi, eshakel i i‐Roma ja nanbaley shiman. Nan‐iyan kamid man ni pigen akew.

Inpaspasing 16:9

Jet idi nonta edabi, ẃaray inpa‐sas nen Apo Shiyos son Pablo ja singa kokokip, ey ẃaray dimayat ja toon i‐Masidonia, ja kowan to son Pablo ey, “Kaled ja Masidonia, mokami di tolongi.”

Inpaspasing 18:18

Si Pablo, nan‐iyan nin ni pigen akew shi Korinto. Jet idi naksheng iyay, si Pablo tan si Akila ja san‐aseẃa, indekjas sha sota ira a‐aki shi pamati shi Korinto jet nandogan ira shi barko jet dimaw ired Siria. Nem si Pablo nonta ẃared Sinkria, kinoskosan to may toktok to, ta naksheng nga dingka to sota kari to son Apo Shiyos.

Inpaspasing 19:21

Idi naksheng sotan na pasemak, ninemnem nen Pablo ey manshedan shi Masidonia, asan shi Akaya ni idaw tod Jerusalem, tep sotan i inpa‐amta ni Ispirito Santo nen Apo Shiyos. Kowan tod nemnem to ey no meksheng nga ondaw shiman, mesepol ngon ondaw shi Roma.

Inpaspasing 20:1

Idi enshi malay kolo, inolnong nen Pablo ira sota kait ton emati, jet tinokon to ira, asan toka ilekjas ira et dimaw shi Masidonia.

Inpaspasing 20:19

ja mansilbi son Apo Jesus. Naka ibaba ni olay i kasesaad kon too. Naka pay emansesaya no sina‐shom pangkep ni emin na digat ja kepespesing ni Hodiyos son si‐kak.

Inpaspasing 20:2

Shindan toy eshakel la sakop ni Masidonia, jet tinokon to ira sota ematid ma shinshindan to, ni kedsangan ni pamatira, asan ka‐edaw shi Akaya.

Inpaspasing 21:3

Simabi kami nodta mebedin na mayshedmang i Cyprus, jet nanshalan kamid pesaw ni Cyprus, jet timorong kamid Siria, asan kami sabid Tira. Simalsheng sota barko shi Tira ta ẃaray kalka ja isepa to shiman.

Inpaspasing 25:3

ey i‐oli to koma son si‐kara si Pablo shi Jerusalem, ta say ẃared nemnem sha, kowan sha ey seskeren shed shalan et bono‐en sha.

2 I-Korinto 1:15

Ebadeg i namnamak ey si‐kamiy joka pan‐imdengi; isonga ninemnem kon si‐kayo i pilmiron nak da bisita‐en, say singa meminshowa ja mebindisiyonan kayo.

2 I-Korinto 11:26

Asdeg toy inek‐ekad kon dogad, jet eshakel pay i dilikaron dina‐kaman ko: ẃaray dayos, ẃara iray tolisan, jet angken sota ira kait kon Hodiyos, kataktakot i itsora sha no sin‐arom. Angken sota ira aliẃen Hodiyos, iso met laeng ja kataktakot ira no sin‐arom. Jet angken pay shima siyodad, dilikaro‐ak ja man‐ek‐ekad, angken pay shima shonshontog. Dilikaro‐ak ja mandokan shima barko. Jet angken sota ira kowan sha ey a‐aki shi pamati, ja o‐owap kari, kataktakot i itsora sha.

2 I-Korinto 7:5

Nonta mimotok kamid ja Masidonia, emandikat ni olay i nemnem mi, enshiy salsheng mi. Angken towen dogad shiyay ja dinaẃan mi, ẃaray kolo. Shakamika panbekala, jet entakot kami.

I-Galasia 1:21

Idi naksheng nga dimawak shi Jerusalem, dimawak ma shi sakop ira ni dogad ja kowan sha ey Siria tan Silisia, jet nonta ẃara‐ak shiman, araẃi met sota ira kait kon apostol; isonga ayshiy apostol la enolong son si‐kak ja mengashal niya naka pan‐itoro.