Inpaspasing 20:26 - Dibshon Mengi-kan Ni Pansigshan

²⁶ Isonga niman na akew, ikowan ko son si‐kayo, no sipa son si‐kayo i eg emati ja shosa‐en nen Apo Shiyos, enshiy nak songbatan.

Inpaspasing 20:26 Iomraidhean Croise

San Juan 12:17

Sota ira eshakel la too ja engasas ni inpanbiyag son Jesus so nen Lazaro nodta diyang, si‐karay engikowan so ni eshom ma totoo; isonga eshakel aliy dimaw ja en nay‐aspol so nen Jesus.

San Juan 19:35

(Sota mismon engasas niyay ya edaga so nen Jesus, insodsod to la iyay say memati kayon memasa niyay. Sigoradon eg panshowashowa‐an ta amta to ey podno ni olay i toka ikowan.)

Inpaspasing 18:6

Nem sota ira too nodtan, eg sha kosto ja itenengan i kowan nen Pablo, tan ngaaw pay i shaka ikokowan son si‐kato. Jet say inpasing ma nen Pablo, pinokpok to sota depok shi baro to ja si‐katoy banshaan son si‐kara, jet kowan to ey, “Niman, no shosa‐en shakejo nen Apo Shiyos, enshiy nak kaybiyangan son si‐kayo! Ta eg jo kosto iya naka pan‐itoro. Ondawak ma ja en mantosho so ni toon aliẃen Hodiyos.” Kowan nen Pablo.

I-Roma 10:2

Waray mapteng mango son si‐kara, ta say ẃared nemnem sha, kowan sha ey mansilbi ira son Apo Shiyos. Nem aliẃen kostoy shaka pansilbi, ta bimaki ira.

2 I-Korinto 1:23

Saja naka pan‐ikowan pay laeng, sota maypangkep ni ekak da nin dinaẃan son si‐kayo. Si Apo Shiyos, amta to i ẃared nemnem ko, ja ekak man‐o‐owap. Say kabol la ekak da dinaẃan na shagos son si‐kayo, ekak koston bigla‐an takejon sekitan ni pemidin ko son si‐kayo.

2 I-Korinto 7:2

Say kowan ko, semek jokami ngo, ta amta mi ey enshi met i ngaaw wa mi dingka so ni angken sakey son si‐kayo; enshi met i mi shineshal son si‐kayo, ono mi pinidiw i kokowa to son si‐kayo.

2 I-Korinto 8:3

Kinshaw sha son si‐kami ey piyan shen pasiya ja ontolong ni kasapolan ira nonta emati ja i‐Jodia ja maligdigat. Jet say inpasing shen engi‐kan ni alos sha, aliẃen sota kabaalan sha bengat i in‐akan sha, no diket sinodokan sha pay. Inon‐an ko ey masi‐met iren ondaga so niyay, enshiy emilit son si‐kara.

1 Timoteo 5:22

Kareka man‐a‐agag ja menotok ni mengipangolo ira nonta emati, ta baka manbesol sotan na too; nakol ni mayda‐kam ka nonta ngaaw wa dingka to. Nemnem mo nin asan moka dag‐a say eshalos ka ni olay.