Inpaspasing 20:24 - Dibshon Mengi-kan Ni Pansigshan

²⁴ Nem si‐kak, say biyag ko, ekak ibilang ey epateg ono ebanol son si‐kak. Say ẃared nemnem ko, piyan kon meksheng sota obda ja in‐awat nen Apo Jesus son si‐kak ja mengitosho ni mapteng nga shamag pangkep ni kaasi nen Apo Shiyos.

Inpaspasing 20:24 Iomraidhean Croise

San Lucas 16:28

Ta ẃaray agik ka dima et to ira banshaanan, say eg sha ngo peshasan iya digat shiya kawad‐an ko niman.’

San Juan 15:27

Jet si‐kayo pay i mengikowan ni maypangkep son si‐kak, ta si‐kayo, naysigod ja naykadẃa kayo son si‐kak, nonta ikayshogik so pay laeng nonta obdak shiya dobong.”

San Juan 17:4

Sota obda ja inkowan mo son si‐kak ey dag‐en ko shiya dobong, kinsheng ko jet si‐katoy nayshayawan mo.

Inpaspasing 11:23

Idi mimotok shiman, inon‐an to ey kinaasi‐an ngo ira nen Apo Shiyos sota aliẃen Hodiyos jet ebadeg ma i imdeng to. Jet nontan, binidin to ira ey ki‐deten sha sotan na pamatira son Apo Jesus.

Inpaspasing 13:25

Jet idi shanshanin meksheng ma i obda nen Juan, inbag‐an to ira sota totoo ja kowan to ey, ‘Kowan jo emo ey si‐kak sota joka sesseskeren mengisedakan. Nem apil. Wara aliy maysa‐dat son si‐kak jet ekak pay maykeshi ja angken baga‐en to koma ja mengkal ni sapatos to.’

Inpaspasing 14:3

Jet sota ira apostol, nan‐iyan ired man ni ebayag ga timpo, jet etoled ira ja mengikowan ni maypangkep so nen Apo Jesucristo. Jet si Apo, tinodongan to ira ja mandeka ni milagro tan kaskasshaaw wa banag, tep sajay i inpasing ton engipa‐sas ey podno sota inkowan sha, ey ebadeg i kaasi to so ni totoo.

Inpaspasing 15:7

Jet sota kowan ni eshom ey pilit i pengonod ni ogadi ni Hodiyos, asdeg ton nansosongbatan sha. Idi ebayag malen ireka mansosongbat, dimayat si Pedro, jet inkowan to son si‐kara ey, “A‐akik shi pamati, amtayo met ey nonta epangdon akew da, si‐kak i pinidi nen Apo Shiyos ja mengikowan ni mapteng nga shamag pangkep son Jesus so ni toon aliẃen Hodiyos, say amta‐an sha, tan say memati ira ngo.

Inpaspasing 18:5

Idi mimotok si Silas nen Timoteo ja edapod Masidonia, tinopog ma nen Pablo ja mantosho so ira nonta Hodiyos ni maypangkep son Jesus. Sajay i intoro to: si Jesus, si‐kato sota naypadton mengisedakan ja ibetkag ali nen Apo Shiyos.

Inpaspasing 20:21

Inkowan ko so ni Hodiyos, tan toon aliẃen Hodiyos, ey manbebawi ira ni basol sha et si Apo Shiyos i toshongen sha, tan inkowan ko son si‐kara ey pati‐en sha si Jesucristo, ja Apo tayo.

Inpaspasing 20:23

Say amtak bengat, sota inpa‐amta ni Ispirito Santo nen Apo Shiyos shi emin na ilin dinaẃan ko: say toka ikowan ni olay, badoran tan digat i emansessesked son si‐kak.

Inpaspasing 20:32

“Jet niman, ipiyal takejo ma son Apo Shiyos ja si‐katoy mengajowan son si‐kayo. Ipiyal takejo pay so nonta esel nen Apo Shiyos ja emaytosho ni olay son si‐kayo, ta sotan i penemnem so ni kaasi nen Apo Shiyos. No pati‐en jo, sotan i mengi‐kan ni kedsang ni pamatiyo, tan sotan ma i kebindisiyonan jo, ja inges toy kepesing nen Apo Shiyos so ni eshom ma too ton pinidi to.

Inpaspasing 21:13

Nem si Pablo, say kowan to et, “Ngantoy joka pannengisi? Joka pansekiti et bengat i nemnem ko. Si‐kak, aliẃen na sota kaybedod ko bengat i emansessesked son si‐kak, no diket esagana‐ak pay ja angken metey shi Jerusalem, pangkep ni naka pansilbi son Apo Jesus.”

Inpaspasing 22:21

Nem say songbat to son si‐kak, kowan to ey, ‘Daw ka, ibetkag taka shima araẃin dogad ja kawad‐an ni toon aliẃen Hodiyos, jet si‐karay itod‐an mo ni maypangkep son si‐kak.’ ”

Inpaspasing 9:15

Jet kowan mowan nen Apo Jesus son si‐kato ey, “Kenshat ta ondaw ka, ta pinidik si Saulo ey si‐katoy mengikowan ni maypangkep son si‐kak so ni totoo ja aliẃen Hodiyos, tan sota a‐ashira, tan angken so ni kait jon Hodiyos ja eg emati.

I-Roma 11:6

Nem sota toon pinidi nen Apo Shiyos, dibshiy inkaasi to, aliẃen sobadit nonta mapteng nga dingkara. Ta no say pemidi nen Apo Shiyos so ni too to ket, sota sobadit nonta mapteng ja dingkara, aliẃa malen kaasi sotan.

I-Roma 4:4

Arig to sota dagbo ni sakey ya toon nan‐obda. Aliẃen in‐akan nonta toon nandagbo‐an ja kaasi to son si‐kato, no diket indigatan nonta nandagbo.

1 I-Korinto 15:58

Isonga niman ma, si‐kayon a‐akik shi pamati ja ensemek ko, iki‐det joy pamatiyo, say enshiy jo ka‐eẃisan na kompormin adilaw. Pan‐alisto kayo et ja man‐obda para son Apo Jesus, ta amtayo met ey asdeg toy kon‐oren jo din sobadit ni obdayo maypangkep son si‐kato.

2 I-Korinto 12:10

Isonga niman ma, napnekak; angken ekapoyak, enosan ko. Jet enosan ko pay no bebaingan sha‐ak, ono pedigaten sha‐ak, ono angken nganton digat i da‐kaman ko. Ta amtak ey emin iyay ja emedegdeka son si‐kak, pangkep so nen Cristo ja naka pansilbi‐i. Amtak ey no timpon ikapoy ko, si Cristo met laeng i mengi‐kan ni kedsang ko.

2 I-Korinto 4:1

Si Apo Shiyos, kinaasi‐an tokami jet si‐katoy engipedaw son si‐kami ni sajay ya obda. Isonga eg kami medismaya.

2 I-Korinto 4:12

Isonga no patey i emansessesked son si‐kami, pansigshan jo, tep biyag ngoy emansessesked son si‐kayo.

2 I-Korinto 5:8

Nem makedsang i namnama tayo, jet say piyan tayo, angken maydekjas iya bakdang tayo say on‐akad shima kad‐an nen Apo Jesus.

2 I-Korinto 7:4

Ebadeg i namnamak pangkep son si‐kayo, jet ebadeg pay i naka pengiredjaw son si‐kayo. Si‐kayo met i emengi‐kan ni kedsang ko. Angken naka medigdikati, ebadeg ngo eshan i imdeng ko.

I-Galasia 1:1

Si‐kak si Pablo ja makasolat niyay, jet sajay ya solat ko, para son si‐kayon kait ko ja emati son Cristo ja emesa‐sa‐nop shita ka‐ili‐ili ni probinsiya ni Galasia. Itnengi jo iya ikowan ko ta apostol towak nen Cristo et aliẃen too iray enotok son si‐kak ja manbedin ni apostol, ono engisekot son si‐kak, no diket saja inpan‐apostol ko, mismon edapo son Jesucristo, tan si Apo Shiyos ja Ama, ja inpan‐ongal son Jesus. Sota ira a‐aki tayod pamati ja kait kod jay, inkowan sha ey pekikowan koy semek sha son si‐kayo.

I-Ipiso 1:6

ja man‐iyaman kito son si‐kato nonta ebadeg ga kaasi to ja asdeg ton in‐akan to son si‐katejo, ta ẃara kitejo so nen Jesucristo ja epateg ga Anak to.

I-Ipiso 3:13

Isonga say kowan ko, karekayo medismaya pangkep ni saja naka pandigdigat pangkep son si‐kayo, ta sajay, pansigshan jo.

I-Pilipos 2:17

Angken bono‐en sha‐ak, man‐imdengak pay laeng. Arig toy ogadi min Hodiyos, ja no mandeton kami ni animal son Apo Shiyos, mika iso‐jat met laeng sota shaleto nodta bakdang ton emankaileton say ma‐enay. Jet singa inges to ngo sota shalak, ja si‐kato ngoy mayso‐jat nodta daton jo. Nem sota mismon daton jo, si‐kato sota joka pandigdikat ni maypangkep ni pamatiyo. Siya, man‐imdengak et meki‐imdeng kayo ngo son si‐kak.

I-Pilipos 2:30

Ta say kabol la istay keteyan to, sota obda ton embel‐at maypangkep so nen Cristo. Inposta toy biyag to ja timolong son si‐kak, ta sota obden kowan jo ey itolong jo son si‐kak, si‐kato noman i dimaga so.

I-Kolosas 1:24

Jet niman, angken naka emedigdikati pangkep son si‐kayo, ebadeg i imdeng ko, tep saja naka pandikat, toloy ni inpandigat nen Cristo, pangkep nonta emati ja may‐eshig ey bakdang to.

1 I-Tisalonika 2:2

Nonta inpanshalan mid Pilipos ja ondaw shita kad‐an jo, ngaaw i inpaspasing ni tood man son si‐kami; binebaingan shakami. Nem amtayo, in‐aknan shakami nen Apo Shiyos tayo ni toled ja mengikowan son si‐kayo nonta mapteng nga shamag ja edapo so nen si‐kato. Eshakel shitan i makakontra son si‐kami maypangkep ni mika pan‐ikowan, nem angkena.

1 I-Tisalonika 3:3

say enshi komay en medismaya son si‐kayo pangkep ni saja digat ja tayoka da‐da‐kamin emin. Amtayo met ey si‐katejon emati, ẃaren kenshat i digat ja da‐kaman tayo.

2 Timoteo 1:12

jet sajay i kabol la naka da‐da‐kami so ni digat niman. Nem ekak ibaing ta amtak ka mismo i pinatik, jet ebadeg i namnamak ey eg towak baybay‐an pangkep nonta obden inpiyal to son si‐kak, ingkatod imotok to di, ta kabaalan ton emin.

2 Timoteo 3:11

Amtam pay sota digat ja naka da‐da‐kami. Amtam met ta emin sota edagdaga son si‐kak shi Antiok, shi Ikoniom, tan shi Listra. Epaladon pasiya sotan na digat ja dina‐da‐kaman ko, nem si Apo Jesus, insalakan towak ni olay.

2 Timoteo 4:17

Nem eg towak met laeng binaybay‐an nen Apo Jesus nonta indekjas sha‐ak so nonta eshom, no diket tinodongan towak, jet in‐aknan towak pay ni kedsang ko ja mengipedawag ni maypangkep son si‐kato, say itenengan nonta ira totoo ja aliẃen Hodiyos. Sota ira makakontra son si‐kak ket istay piyan shen bono‐en sha‐ak, nem insalakan towak nen Apo Shiyos.

Tito 1:3

Sajay ya inkari to, inpa‐amta to nonta inkayẃadsak ni esel to, ta nontan may koston timpo ni kaytosho to. Jet si‐kak i inpiyal ton en mengitosho nonta esel to. Sajay i inbilin nen Apo Shiyos son si‐kak, ta si‐katoy Mengisedakan.

Tito 2:11

Ta sota kaasi nen Apo Shiyos, inpa‐sas to ma niman, jet sotan i mebedin na onbaal ja mengisedakan ni angken sipen too.

Hodiyos 10:34

Ta kinaasi‐an jo met sota ira naybalod ja kait jo. Jet idi pinidiw sha sota kokowayo, intolok jo, ja eg kayo nandaringit, ta amtayo ey ẃara aliy kokowayon mapmapteng, ja eg ma‐omas, ja ẃara ni olay ingkatod ingka, ja emansessesked son si‐kayo.

1 San Pedro 5:12

Say timolong son si‐kak ja engisodat niyay, si Silas, ja naka ikarin epateg ga agik shi pamati. Sajay ya entikey ya solat ko ket si‐katoy mengipa‐amta ni kepesing nen Apo Shiyos ja mengaasi, isonga karejo ibi‐jag sota joka panshinel nodta kaasi to.

1 San Juan 3:16

Jet say amta‐an tayo so ni podnon semek, sajay. Si Cristo, intolok toy bakdang ton metey shi koros say ikaro toy basol tayo; isonga kasta met koma son si‐katejo, sajay i mesepol la onoran tayo. Itolok tayo koma ngoy biyag tayo ni pansigshan ni kait tayo.

Inpa-Amta Nen Jesucristo 12:11

Inebak nonta a‐aki tayod pamati si Satanas et say kabol la inebakan sha so, sota shala nonta Kalniro ja imayos nonta inkatey to, tan sota esel nen Apo Shiyos ja inkowan sha. Sajay i edaga ta eg sha tinepi i biyag sha ja angken metey ira.

Inpa-Amta Nen Jesucristo 6:11

Idi sotan, nay‐aknan iren emin ni empotin baro et inkowan nen Apo Shiyos son si‐kara ey, “Pan‐anos kayo nin; pansalsheng kayo nin ni otik ka timpo ingkatod ma‐anay sota bilang ni kait jon mebono. Ta sotan iren a‐akiyo shi pamati, ẃara ira pay laeng niman ja emansilbi son si‐kak.”