Inpaspasing 2:45 - Dibshon Mengi-kan Ni Pansigshan

⁴⁵ Jet indako shay bo‐day sha, angken pay sota ira kompormin kokowara, jet inẃaris sha sota nandako‐an sha so nonta ira makasapol.

Inpaspasing 2:45 Iomraidhean Croise

San Mateo 19:21

Simongbat si Jesus mowan ja kowan to ey, “No piyan mo ja enshiy mo pankodangan, ilekom ira sota kokowam jet sota dako to, i‐kan mo so nonta ira nankebiteg. No sajay i pesing mo, say kawad‐an ni kabaknang mo ma, naytalo shi dangit. Jet no meksheng nga sotan i pesing mo, kay‐eshom ka di so ira niya took!”

San Lucas 16:9

Osal joy ẃaren kokowayo ja ontolong ira niya toon maligdigat niman na timpo et no ma‐bosan kayo, si Apo Shiyos i onsobadit son si‐kayo shi dangit.

San Lucas 18:22

Idi intenengan nen Jesus iyay, kowan to ey, “Wara pay laeng i sakey ya kolang mo. Ilekom ira sota kokowam et sota dako to, iweshis mo so nonta ira nankebiteg. No sajay i pesing mo, say kawad‐an ni kabaknang mo ma, naytalo shi dangit. Jet no meksheng nga sotan i pesing mo, kay‐eshom ka di so ira niya took!”

San Lucas 19:8

Nem say kowan nen Sakio son Jesus, kowan to ey, “Apo, ninemnem koy pesing ko niman! I‐akan koy kagashowa ni kokowak shi nankebiteg, tan no sipa ira sota inda‐karan ko ni singil ni bowis, bayshan ko ira ni memin‐epat.”

Inpaspasing 11:29

Jet nontan ma, sota ira emati, ninemnem ni sakey tan sakey son si‐kara ey ipakat shay kabaalan sha ja mengi‐kan ni tolong sha so nonta kakaasin a‐akira shi pamati ja ẃared Jodia.

Inpaspasing 4:34

Emin ira sota emati, enshiy nankolang son si‐kara ni mesepol sha, ta sota ira ẃaray bo‐day to, ono baley to, indako sha,

Inpaspasing 4:35

jet sota nandako‐an sha, in‐awat sha so nonta ira apostol ja si‐karay maka‐amta ja mengiweshis nonta pilak so nonta ira makasapol.

2 I-Korinto 9:1

Sota maypangkep ni alos ja mika pan‐olnonga ja i‐akan mi so nonta ira kait tayod pamati ja maligdigat shi Jodia, eg mesepol la isolat ko son si‐kayo.

2 I-Korinto 9:9

Sotan i kaytoshongan nonta naysolat nonta bayag da ja kowan to ey, “Sota toon maekan so nonta nankebiteg, eg ma‐enshi‐an; isonga eg ngo mepospos sota pandeka to ni mapteng.” Kowan nonta naysolat.

1 San Juan 3:17

No kaspangarigan ey ẃaray toon kostoy biyag to, tan ẃara ngoy toon ebiteg, jet saja sakey ya toon kostoy biyag to, amta to ey sajay ya ebiteg, maligdigat, ita et mangon ikowan to ey ẃaray semek to son Apo Shiyos ket eg to met kaasi‐an i kait to?