Inpaspasing 2:42 - Dibshon Mengi-kan Ni Pansigshan

⁴² Jet sajay ira, intoloy sha ja tinod‐an ira nonta apostol. Nontan ma, ireka mesa‐sa‐nop ni olay ja manshedjaw tan mansheẃat son Apo Jesus, jet ireka pay mandilikob ja mengan.

Inpaspasing 2:42 Iomraidhean Croise

San Lucas 24:30

Ekisengo si Jesus son si‐kara shi damisaan, jet nontan, say inpasing to, inda to sota tinapay et nan‐iyaman son Apo Shiyos et pinet‐ing to, asan toka i‐ẃat son si‐kara.

San Lucas 24:35

Jet insodsod ngo nonta showa i emin na epasemak nonta inkay‐olop nen Jesus son si‐kara shi shalan, tan kowan sha ey, “Jet inimatonan min pasiya nonta pinet‐ing to sota tinapay!”

Inpaspasing 1:14

Emin ira jay, tan sota ira bibii, pati si Maria ja ina nen Jesus tan sota ira a‐aki nen Jesus, ireka mesa‐sa‐nop ni olay ja mansheẃat son Apo Shiyos.

Inpaspasing 11:23

Idi mimotok shiman, inon‐an to ey kinaasi‐an ngo ira nen Apo Shiyos sota aliẃen Hodiyos jet ebadeg ma i imdeng to. Jet nontan, binidin to ira ey ki‐deten sha sotan na pamatira son Apo Jesus.

Inpaspasing 14:22

Jet tinokon sha ira nin sota emati nodtan na dogad ja shinshindan sha, say onkedsang i pamatira. Inkowan sha pay son si‐kara ey, “Karejo ibi‐bi‐jag i pamatiyo angken ngantoy dag‐en ni apil la too son si‐kayo; nemnem jo ey si‐katejon mayda‐kam shi pantoshayan nen Apo Shiyos ket kenshat ta manda‐kam kito ni digat.”

Inpaspasing 2:46

Inakew ja ireka ondaw shi Timplo, jet shima balebaley sha, ireka mandilikob, jet ebadeg i imdeng sha ni shaka pengan, ta saksakey i nemnem sha son Jesucristo.

Inpaspasing 20:11

Jet si Pablo, nay‐oli mowan nodta naykayang ali, jet nandilikob kami nin ja engan, asan ma makitbal son si‐kara ingkato nonta na‐akew ma, asan toka ira ilekjas.

Inpaspasing 20:7

Idi shimanon ma sota akew ja panshedjaw son Apo Jesus, na‐olnong kamin nandilikob ja si‐katoy penginemneman mi son si‐kato. Jet si Pablo, ta piyan ton onda‐jat mowan no meẃa‐ẃa, nan‐esel shi sango‐an ira nonta totoo, jet inshokey ton nandiskolso ni mama‐shem ingkato nonta kawa ni dabi.

Inpaspasing 4:23

Jet nonta ebolos si Pedro nen Juan, imoli iren shagos shima kad‐an ni kagajem sha jet inkowan sha son si‐kara i emin na dingka ira nonta apo ni papashi tan sota eshom ma pangolo ni Hodiyos son si‐kara.

Inpaspasing 4:31

Jet idi naksheng nga nanshawat ira son Apo Shiyos, kimiwed sota baley ya esa‐nopan sha, jet emin ira, enapno ira ni Ispirito Santo jet etoled ma ira ja mengikowan ni esel nen Apo Shiyos.

Inpaspasing 6:4

Jet say metopog ga dag‐en mi ngo ni olay ja apostol, sota mansheẃat, tan en mengitosho nonta esel nen Apo Shiyos maypangkep so nen Jesus.”

I-Roma 12:12

Pan‐imdeng kayo tep ẃaray namnama jo ali son Cristo. Isonga no ẃaray memedigat son si‐kayo, anosiyo. Jet panshawat kayo ni olay son Apo Shiyos.

1 I-Korinto 10:21

ta eg mebedin na showay kayda‐kaman jon peki‐inoman ono pekipenganan. Mesepol la manpidi kayo nodta showa: shi panshedjawan so nen Apo Shiyos, ono panshedjawan so ira ni dimonyo.

1 I-Korinto 11:2

Ebadeg i naka pengiredjaw son si‐kayo, ta jowakka nemnemnema ni olay, jet angken pay sota intorok son si‐kayo, si‐katoy joka on‐onora.

1 I-Korinto 14:6

Si‐kayon a‐akik shi pamati, kaspangarigan ey ondawak da son si‐kayo jet manshedjawak son Apo Shiyos ni esel la eg jo eẃatan, singa enshiy silbi to, ta enshiy nak inkowan ja panmaptengan jo. Mebedin na ẃaray silbi to no ẃaray ipa‐amtak ja inpa‐amta ngo nen Apo Shiyos son si‐kak, ono itorok et ngo sota inashal ko.

I-Galasia 1:6

Naka messhaaw ni in‐amtak so ey inbi‐jag jon shagos i joka pemati son Apo Shiyos. Si‐kato met i emili son si‐kayo, tan si Jesucristo, ebadeg met i kaasi to son si‐kayo. Nem apil kono may inonod jo — sota toro ni eshom ja kowan sha ey kaysedakan.

I-Ipiso 2:20

Si‐katejon too nen Apo Shiyos, may‐eshig kitod baley ya naypilmid na‐det ta bato. Say arig nonta na‐det ta bato ja naypilmi‐an tayo, sota intoro ira nonta apostol, tan para padto. Si Cristo Jesus i singa enapaja nonta baton naysaashan tayo, jet emin son si‐katejon emati son Apo Jesus, singa nanmomongsan kitejo ngo son si‐kato. Jet no anongosto ma, singa manbedin ni Timplo nen Apo Shiyos.

I-Ipiso 6:18

Panshawat kayo ni olay so nen Apo Shiyos say todongan shakejo, jet karekayo on‐ekdas ja mansheẃat ni olay para so nonta ira emin na emati. Onod jo ni olay sota pengiredan ni Ispirito Santo son si‐kayo ni joka pansheẃat.

I-Pilipos 1:5

Ta ekak dibkan sota inpankakadẃa tayo ja engikowan nonta mapteng nga shamag pangkep so nen Cristo nanshogi nonta badbado kayo nin ja emati, ingkato niman.

I-Kolosas 1:23

Nem mesepol la itoloy joy pamatiyo, karejo ibi‐jag; mesepol la edagshay pamatiyo. Jet mesepol pay ya eg jo itolok ka maysi‐jan nodta esel nen Apo Shiyos ja naytoro son si‐kayo, ta sajay i kawad‐an ni namnama jo. Jet sajay ya esel nen Apo Shiyos, naykowan da shi emin na sakop ni dobong, jet si‐kak i sakey ja kaontolong ja mengikowan so.

I-Kolosas 4:2

Jet iyay i bilin ko son si‐kayo ni maypangkep ni pansheẃat jo son Apo Shiyos. Karejo diẃayan na mansheẃat son si‐kato; karejo ekdasan, tan karejo dibdibkan ja man‐iyaman son si‐kato.

2 Timoteo 3:14

Nem si‐kam, say nemnemen mo et mango, sota maypangkep ni podno ja naytoro son si‐kam, ja pinatim ma pasiya; mesepol la eg mo ibi‐jag. Ta amtam met i itsora nonta ira toon engitosho son si‐kam ni podno.

Hodiyos 10:25

Aliẃen jo diẃayan na man‐a‐aspol ja manshedjaw son Apo Shiyos, jet pantitinoro kayo say enshiy medismaya son si‐kayo, agdalo ta say timpon idaw ali mowan nen Jesucristo ket eman‐a‐sop ma. Inkowan ko iyay son si‐kayo, ta ẃara konoy eshom son si‐kayo ja engibi‐jag ja mekisa‐nop.

Hodiyos 10:39

Nem si‐katejo, aliẃen inges tayo ira sota toon timengdaw ja say panpa‐no‐an sha, mepokaw ira. No si‐katejo, inges tayo ira sota ememati; jet eg kito di meshosa.

1 San Juan 1:7

Nem no si Apo Shiyos komay onoran tayo ni olay, ja mapteng i tayoka pesing, kenshat ta ẃara ngoy mapteng nga pekikadẃa tayo ni sakey tan sakey, jet sota shala ni Anak ton si Jesus ja imayos shi koros, sotan i kaon‐omas so ni emin na basol tayo.

1 San Juan 2:19

Sajay iren too, istay ya singa nay‐eshom ira son si‐katejon emati son Cristo, nem enshi gayam. Isonga tinaynan shakito, ja eg sha ma intoloy ja mekikadẃa son si‐katejo. No agpayson naykait ira son si‐katejo, ka‐onong koma ira niman. Nem indekjas shakito, jet sajay i ka‐amta‐an ton pasiya ey emin ira, apil ira, aliẃa karin kait tayod pamati.

San Judas 1:20

Nem si‐kayon ensemek ko, say kowan ko son si‐kayo, pantitinolong kayo say onkedsang i pamatiyo ja in‐awat nen Apo Shiyos. Panshawat kayo ni olay son si‐kato jet i‐onod jo i pesing ni Ispirito Santon mengitoshong son si‐kayo ni joka pansheẃat.