Inpaspasing 2:37 - Dibshon Mengi-kan Ni Pansigshan

³⁷ Jet idi intenengan sha iyay, nandaringit ira, ja kowan sha so nen Pedro tan sota eshom ma apostol ey, “A‐aki, ngaranto ngarod i pesing mi?”

Inpaspasing 2:37 Iomraidhean Croise

San Lucas 3:10

Jet sota ira totoo, nansalodsod ira ja kowan sha ey, “Nganto ngarod i pesing mi?”

San Lucas 3:12

Angken sota ira para singil ni bowis, dimaw ira ngon manpabonjag, jet inbag‐an sha ngo si Juan ja kowan sha ey, “Maistoro, ngaranto ngoy pesing mi?”

San Lucas 3:14

Jet sota ira solsharo, kowan sha ngo ey, “Si‐kami ngay? Ngaranto ngoy pesing mi?” Si Juan, simongbat ja kowan to ey, “Sota sowilshoyo, si‐katoy enosan jo. Ibi‐jag joy joka pesing nga mengeda ni pilak ni too ja joka ira ta‐ta‐kota tan joka pebesoli ira angken enshiy basol sha.”

San Juan 8:9

Jet sota toon mamaistoro ni dinteg ni Hodiyos tan sota ira Parisiyo, idi intenengan sha sota inkowan nen Jesus, esa‐sa‐key iren engilekjas so nonta esa‐nop pa totoo, nanshogi nodta pangolo sha, jet say ebay‐an nodtan, si Jesus tan sota bii bengat.

Inpaspasing 1:16

ja kowan to ey, “A‐akik shi pamati, sota insolat nen Ari David nonta bayag da ja inshalan ni Ispirito Santo nen Apo Shiyos, etongpal da nonta inpangdo nen Judas Iskariote sota ira makakontra son Jesus ni in‐eshel sha so. Jet sajay ya si Judas i istay sakey son si‐kamin pinidi nen Jesus ja meki‐obda son si‐kamin apostol to nontan. Sajay i edaga ta mesepol la metongpal sota naypadto.

Inpaspasing 22:10

Jet sota eman‐a‐sel, inbag‐an ko ja kowan ko ey, ‘Apo, ngantoy dag‐en ko?’ Simongbat si Apo ja kowan to son si‐kak ey, ‘Dayat ka, jet daw ka shi Damasko, jet ẃaray mengikowan son si‐kam shiman ni emin na piyan nen Apo Shiyos sa dag‐en mo.’

Inpaspasing 5:33

Jet idi intenengan ira nonta toray ni Hodiyos iyay ya inkowan nen Pedro, epaladoy bonget sha so nonta ira apostol, ja piyan sha iren bono‐en.

Inpaspasing 7:54

Jet idi intenengan ira nonta toray ni Hodiyos sota inkowan nen Esteban, dimeshang ira ja emanngedetnget i sangi sha ni bonget sha son si‐kato.

I-Roma 7:9

Nontan da, angken si‐kak naka manbibiyag ja ekak amta sota maypangkep nonta sigod ja bilin jet ekak panshanagan i emin na naka dagdag‐a. Nem idi simabi ali sotan na bilin son si‐kak, singa ebangon sota sigod ja ngaaw wa ẃared nemnem ko jet inamta‐an ko may basol. Jet nontan i in‐amtak so ey meshosa gayam ingkatod ingka sota toon manbesol.