Inpaspasing 2:31 - Dibshon Mengi-kan Ni Pansigshan

³¹ Si Ari David, amta toy plano nen Apo Shiyos; isonga inpadto toy maypangkep so nonta amta ton ibetkag ali nen Apo Shiyos ja mengisedakan nonta inkowan to ey, ‘Eg mowak baybay‐an shi dogad ja kawad‐an ni etey’, tan nonta inkowan to ey, ‘Eg mebojok iya bakdang ko.’

Inpaspasing 2:31 Iomraidhean Croise

San Mateo 11:23

“Tan si‐kayo ngon tood Kapirnaom, kowan jo ey ingato jon shorog i bakdang jo ingkatod dangit, nem ayshi, eg mebedin! Maybeba kayod impiyarno. Ta no sota milagro ja edaga shita kad‐an jo ket istay edaga koma shi Sodoma nonta bayag da, sigoradon nanbebawi komay tood man. Jet sotan na dogad, istay ẃara koma niman ja eg pinilshi nen Apo Shiyos.

Inpaspasing 13:35

Tan ẃara pay shi eshom ma salmo i inkowan to ey, ‘Eg mebedin na itolok mo Apo Shiyos, ja mebojok i bakdang nonta shinotokan mo.’

Inpaspasing 2:27

ta eg mowak baybay‐an shi dogad ja kawad‐an ni etey. Jet eg mo ipalobos ey saja bakdang ko ket mebojok, ta ensemek mowak.

1 I-Korinto 15:4

Intorok pay ey naybeka shi diyang, jet nonta maykatdon akew, nanbiyag met laeng. Sajay, naytotop met laeng nodta esel nen Apo Shiyos nonta bayag da.

I-Galasia 3:8

Sigod iyay ya esel nen Apo Shiyos ja naysolat nonta bayag da ja kowan to ey sota ira toon aliẃen Hodiyos, kosto‐an met laeng nen Apo Shiyos ira maypangkep ni pamatira bengat. Kowan met nen Apo Shiyos son Abraham nontan da ey, “Mapteng aliy panpa‐no‐an ni totood emin na ka‐ili‐ili, jet si‐kam Abraham i kabol la kayda‐kaman sha.” Kowan nen Apo Shiyos.