Inpaspasing 2:3 - Dibshon Mengi-kan Ni Pansigshan

³ Jet ẃaray inon‐an shen nay‐epeng nga simepa son si‐karen emin, ja apoy ja singa shila i itsora to.

Inpaspasing 2:3 Iomraidhean Croise

San Mateo 3:11

Jet kowan pay nen Juan ey, “Nem si‐kak, dimawak ali ja shanom i inpamonjag ko son si‐kayo, ni inpanbebawi jo, nem ẃaray ondaw alin maysa‐dat son si‐kak ja ebadbadeg i panakabalin to nem say si‐kak. Jet ekak pay maykeshi ja angken baga‐en to koma ja mengkal ni sapatos to. Sotan aliy onbonjag son si‐kayo ni Ispirito Santo nen Apo Shiyos, asan pay ya apoy.”

San Mateo 3:15

Nem si Jesus, simongbat ja kowan to ey, “Eti, dagam et niman. Bonjagimak ma. Mapteng i itongpal ta so ni bilin nen Apo Shiyos maypangkep niyay.” Jet si Juan, timolok.

San Lucas 24:32

Kowan shen showa ey, “Aliẃa aya ja singa ẃaray dinekna ten singa apoy shi poso ta nonta tokitaka pantabtabala shi shalan, tan nonta toka pengi‐odog ni naypadto nontan da?”

Inpaspasing 1:15

Idi edabas i pigen akew, ẃaray esa‐nop pa sandasos tan showen polo ja emati son Jesus. Jet nontan, dimayat si Pedro shi sango‐an sha jet nan‐esel,

Inpaspasing 2:11

Sota ira eshom, edapo ired Crete tan shi Arabia!” Jet sajay iren totoo ja edapod ja kalkalasin dogad, kowan sha ey, “Amta met iren jay i esel tayon kalkalasi. Si‐katoy shaka pan‐a‐sel ni maypangkep ni kaskasshaaw wa inpaspasing nen Apo Shiyos.”

Inpaspasing 2:2

Jet ebigla ja ẃaray emanbongog alid dangit ja singa shagem, jet pinno ton emin sota baley ya kawad‐an sha ja shaka pantetongawi.

Inpaspasing 2:4

Jet nontan ma, enapno ira ni Ispirito Santo nen Apo Shiyos, jet nan‐esel ira ni ekalkalasin esel ja aliẃen sigod ja esel sha. Nan‐esel ira ni apil ngon esel tep inshalan ira ni Ispirito Santo.

1 I-Korinto 12:10

Sota ira eshom, toka i‐akni ira ni baal shen mandeka ni milagro, jet sota ira eshom, toka itorong ja mengipa‐amta nonta inamta‐an sha son Apo Shiyos. Sota ira eshom, toka i‐akni ira ni panakabalin sha ja mengilesin nonta ira eman‐a‐sel shima esa‐nop pa emati, no agpayson intorong ni Ispirito Santo sotan, ono enshi. Sota ira eshom, toka i‐akni ira ni panakabalin shen manshedjaw son Apo Shiyos ni kalkalasin esel ja eg ma‐eẃatan, jet sota ira eshom, toka i‐akni ira ni daing ja mengi‐odog nontan na ekalkalasin esel.

Santiago 3:6

Isonga say shila, asdeg ton ememilshi ja singa apoy. Si‐katoy emengilenod ni bakdang to shorog. Say esel la medepod shila, inges toy apoy, ja singa apoy alid impiyarno.

Inpa-Amta Nen Jesucristo 11:3

Nem ẃaray ibetkag kon showen too ja en mengikowan ni esel ko nontan na timpo met laeng. Jet say baro ira nontan, sota baro ni emandeshingit.”

Inpa-Amta Nen Jesucristo 14:6

Jet ẃaray inon‐an kon sakey mowan na anghil ja emantedjab shima kawa ni naykayang, ja en mengikowan ni mapteng nga shamag so ni emin na tood dobong, say amta‐en ni emin na toon ẃared ja ka‐ili‐ili, ja ekalkalasiy esel sha. Sajay ya shamag ja to ikowan, sajay sota sigod ja shamag ja ẃara ni olay ingkatod ingka.