Inpaspasing 2:29 - Dibshon Mengi-kan Ni Pansigshan

²⁹ Jet si Pedro, intoloy to ja kowan to so nonta totoo ey, “A‐akik, idawag ko son si‐kayoy olog nonta padto nen Ari David ja makapoli son si‐katejo. Etey si David jet naybeka, jet sota dobok to, ẃara shiya kad‐an tayo ingkato niman.

Inpaspasing 2:29 Iomraidhean Croise

Inpaspasing 13:36

Sajay ya inkowan nen David, aliẃen si‐kato met laeng ja engikowan i kaytoshongan to, ta si David, idi enaksheng nga nansilbi son Apo Shiyos nonta ẃared biyag, etey ja to simbiy ap‐apo to la, jet sota bakdang to, eboyok.

Inpaspasing 2:28

Inpa‐amtam i shalan son si‐kak ja ontorong shi biyag, jet enapno‐ak ni imdeng ta ẃara ka son si‐kak.’ Kowan ni padto nen Ari David.”

Inpaspasing 22:5

Sota kangeto‐an na pari, tan sota ira kait ton toray, amtara iyay ya dingkak, jet mebedin na peneknekan sha iyay, ey saja naka pan‐ikowan niman ket podno. Ta si‐kara pay ya mismo i engamag nonta ira solat ja para so nonta ira kait shen pangolo ja ẃared Damasko. Kowan sha nodta solat sha ey ipalobos sha sota ira emati son Jesus shi Damasko ja a‐shelen ko ira, jet i‐ilaw ko ira did jay kono, jet shiyay i keshosa‐an sha.

Inpaspasing 26:26

Say karinelan kon mengikowan niya maypangkep son Jesus, amta nen Apo Agripa ja emin iyay ya banag. Amtak ey emin iyay den edaga ja naka pan‐ikowan, amta to, ta aliẃen shima nay‐emot i edaga‐an to, no diket naypalantaro.

Hodiyos 7:4

Si Milkisidik, eg medamsis, ta angken si Abraham ja eshayaw ngon too ket in‐aknan to si Milkisidik ni ikasampolon parti nodta inda ton kokowa nonta inebak to. Isonga ka‐eẃatan ngarod ey engatoy saad to ngoreshan ey say si Abraham,