Inpaspasing 2:23 - Dibshon Mengi-kan Ni Pansigshan

²³ Sigod ja amta nen Apo Shiyos i mepesamak ali son Jesus shiya dobong tep plano to ngoreshan na sigod. Jet siya, intolok ton metey si Jesus. Nem si‐kayon Hodiyos i mismo emono son si‐kato! Inpabonoyo so nonta ira i‐Roma ja nankekedsel jet indansara shi koros.

Inpaspasing 2:23 Iomraidhean Croise

San Mateo 20:19

I‐awat sha‐ak so nonta ira too ja aliẃen kait tayon Hodiyos say si‐karay memebaing son si‐kak. Sepsepdaten sha‐ak pay, asan sha‐ak ilansa ma shi koros. Nem no maykatdon akew, pan‐ongal towak met laeng nen Apo Shiyos.”

San Mateo 26:24

Si‐kak sota kowan ni para padto ey Anak ni Too jet kenshat ta metongpal sota padto ja naysolat nonta bayag da ni maypangkep son si‐kak. Nem kaasi met laeng sotan na toon mengibaag son si‐kak, ta meshosen pasiya! No da‐kaman to sotan na shosa, ikowan to shorog shi bakdang to ey, ‘Agpos et nem ekak koma nay‐anak!’ ”

San Mateo 27:35

Jet indansara ma shi koros. Idi indansara ma, nanbobonot ira sota solsharo no sipay ontompong so nonta baro nen Jesus, asan shaka panbibingayi.

San Marcos 15:24

Jet indansara ma shi koros. Jet idi naksheng nga indansara, nanbobonot sota ira solsharo no sipay ontompong so nonta ira baro nen Jesus, asan shaka panbibingayi.

San Lucas 22:22

Si‐kak sota kowan ni para padto nonta bayag da ey Anak ni Too, jet sigod ja inkesheng nen Apo Shiyos ey mesepol la meteyak. Nem kaasi met laeng sotan na toon mengibaag son si‐kak, ta meshosen pasiya!”

San Lucas 23:33

Idi mimotok ired ma dogad ja kowan sha ey Toktok, indansara mes Jesus, tan sota showen makedsel, shi sanseskey ya koros. Sota sakey, ẃara nodta apit ni kanawan nen Jesus, tan sota sakey, ẃared apit ni kanigid to ngo.

San Lucas 24:20

Nem sota ira apo ni papashi tayo, tan sota ira eshom ma toray ni ili, in‐awat sha so nonta ira toon i‐Roma say mebono koma et binonora ja indansara shi koros.

San Juan 19:18

Jet shiman, indansara nodta koros to. Tan ẃara pay i showa ja in‐inshas sha ja indansa ngo shi sanseskey ya koros: sota sakey, indansara shi apit ni kanigid nen Jesus, jet sota sakey, nodta apit ni kanawan to ngo.

San Juan 19:24

Jet sota ira solsharo, nantatabalan sha ey eg sha pi‐pi‐katen, no diket manbibinonot ira, no sipay ontompong so. Jet sajay ya inpasing sha, sajay i tongpal nonta naysolat ja kowan to ey, “Sota barok, bingbingayen sha, tan sota dopot ja naka ita‐kep, panbibinonotan sha.”

Inpaspasing 13:27

Say piyan kon a‐seden, sajay: sota ira nanbaley shi Jerusalem, tan sota ira toray sha, eg sha inimatonan ey si Jesus sota mismon mengisedakan, tan eg sha ineẃatan sota naysolat ja kowan ni para padto nonta bayag da, ja shaka ibasbasa ni olay no akew wa ngilin tayon Hodiyos. Eg sha ineẃatan sota inkowan ni para padto ey mebono sota mengisedakan ali, nem si‐kara et i timongpal so, nonta binonora si Jesus.

Inpaspasing 15:18

“Sajay, inpa‐amta nen Apo Shiyos nonta bayag da;

Inpaspasing 2:36

“Isonga si‐kayon emin ja kait kon Hodiyos, mesepol la amta‐an jon pasiya ey si Jesus ja inpaidansayo shi koros, si‐kato sota inpanbalin nen Apo Shiyos ni Apo tayon emin! Si‐kato sota singsingked tayon inkari nen Apo Shiyos ey ibetkag to din mengisedakan!” Sajay i kowan nen Pedro.

Inpaspasing 3:18

Nem sajay i ketongpal nonta inpaipadto nen Apo Shiyos nonta bayag da, ey sota inkari to ja ibetkag to alin mengisedakan, da‐kaman toy digat ni ketey to.

Inpaspasing 4:28

Nansaksakey ira ja ondaga ni piyan sha. Sajay ngoreshan i planom et dingkara shi timpon inkesheng mo.

Inpaspasing 5:28

“Apay nga eg jokami pati‐en? Inkowan mi met son si‐kayo ey kenshat ta ibi‐jag joy joka pengitosho ni maypangkep so nonta joka itorotoro, nem niman, joka et ma‐ma‐a, nakol ni inamta‐an ni emin na totoo shi Jerusalem! Say piyan jo, si‐kamiy pebesolan sha ni inkabono nonta toon joka ingadngadni?”

Inpaspasing 5:30

Tan kowan pay nen Pedro ey, “Si Apo Shiyos ja pinati ira nonta ametayo da nonta bayag, inpan‐ongal to si Jesus, ja binonoyon indansa shi koros.

Inpaspasing 7:52

Sipay amtayo ja para padto nen Apo Shiyos nonta bayag da ja eg pinedigat ni appoyo? Enshiy sha binaybay‐an! Binonoren emin ira sota engipadto nonta bayag da ey ẃaray ibetkag ali nen Apo Shiyos ja mengisedakan! Jet idi nay‐agpayso sota padto ni indaw ali nen Cristo, si‐kato sota inpa‐shel jo jet inpabonoyo, ey enshiy basol to.

I-Roma 2:12

Emin ira sota toon nanbasol ja eg maka‐amta nonta bilin nen Apo Shiyos, meshosa met laeng ira, nem eg maybetay nodtan na bilin. Jet sota ira maka‐amta nonta bilin nen Apo Shiyos nem nanbasol, meshosa ngo ira ja maybetay nodtan na bilin.

I-Roma 4:17

Owen, si‐katoy ametayon emin ja emati, jet naytotop iyay nodta naysolat nonta bayag da ja kowan to ey, “Si‐kam Abraham i panbedin kon ama ni tood ka‐ili‐ili.” Si Apo Shiyos i makakowan niyay, isonga amta tayo ey si‐katejon emati, shakitoka ibilang ey poli nen Abraham, ta angken si Abraham, emati son Apo Shiyos ja ememiyag nonta nanketey, tan emengikowan ey mepalsowa i angken nganto, jet siya, emayto‐to‐ẃa.

1 I-Tisalonika 2:15

Sota apo ira niya Hodiyos, si‐karay bimono so nonta ira para padto nen Apo Shiyos nonta bayag da. Jet niman, sajay ngo iren annak sha, si‐karay bimono so nen Apo Jesus et si‐kara pay i emaligat son si‐kami. Nem eg kosto nen Apo Shiyos iya shaka dagdag‐a. Eg sha pay nemnemen i pansigshan ni kait shen too shiya dobong,

1 San Pedro 1:2

Si Apo Shiyos ja Ametayo, sigod ja pinidi shakejo ja manbedin ni too to, jet sota Ispirito Santo to, si‐katoy mengitoshong son si‐kayo say enshiy jo kebedawan tan say memati kayo ni olay nonta bilin nen Jesucristo. Sigod ja ninemnem nen Apo Shiyos ey sota shala nen Cristo ja imayos shi koros nonta inkatey to, si‐katoy on‐omas so ni basol jo. Say shawat ko son Apo Shiyos, sapay koma ta sota kaasi tan talna ja in‐akan to son si‐kayo, si‐kato komay ontoltoloy ya ma‐shoman. Si‐kak i sakey ya apostol nen Jesucristo, isonga itnengi jon pasiya iya ikowan ko.

1 San Pedro 1:20

Nonta eg pay laeng epalsowa iya dobong, ẃara ngo eshan shi nemnem nen Apo Shiyos ey si Cristo i mengisedakan ali son si‐katejo. Eg nin nayto‐to‐ẃa nontan da iyay, nem niman den ka‐onoran na timpo i nayto‐to‐ẃa‐an ni indaw ali nen Cristo, say maysedakan kayo.

1 San Pedro 2:8

Jet ẃara pay i naypadto nonta bayag da ja esel nen Apo Shiyos met laeng ja kowan to ey, “Sajay sota baton inba‐ngat ira nonta tooy katin jet naysokbab ira et eto‐dang ira.” Sotan i kowan nonta padton mepesamak son si‐kara ta oltimon eg ira memati nonta esel nen Apo Shiyos. Nem sigod ja amta nen Apo Shiyos ey sotan i medeka son si‐kara.

San Judas 1:4

Sajay i naka pan‐i‐adok ta ẃara iray toon nandibas ja nay‐eshom son si‐katejon emati, jet apil i toro sha maypangkep nonta kaasi nen Apo Shiyos. Say kowan sha, si Apo Shiyos, manangaasi, isonga angken memii kito kono ono mekileki, eg shakito shosa‐en nen Apo Shiyos. Eg sha pay pati‐en ey si Jesucristo, si‐kato bengat i Apo tayo. Sajay iren itsora ni totoo, si‐katoy kaytoshongan nonta naypadto nonta bayag da ja kowan to ey say toshongen sha, shima dogad ja insagana nen Apo Shiyos ja shosa‐an.

Inpa-Amta Nen Jesucristo 13:8

Jet emin na tood ja dobong, sotan i shedjawen sha, nem say eg manshedjaw so nontan, sota ira naysolat i ngaran sha shima dibshon dista‐an ni toon nay‐aknan ni biyag ja enshiy to engintegan. Sajay ya dibsho, ẃara so nonta Kalniron naykoros nontan da jet sota toon naydista nodtan, sigorado ngoreshan i kaysedakan sha, angken nonta eg pay laeng epalsowa i dobong.