Inpaspasing 2:22 - Dibshon Mengi-kan Ni Pansigshan

²² “Si‐kayon kait kon Hodiyos, itnengi jo iya ikowan ko son si‐kayo! Si Jesus ja i‐Nasarit, inpandaga nen Apo Shiyos ni kaskasshaaw wa milagro, ja inon‐an jon mismo, jet si‐katoy pengamta‐an jo ey si‐katoy inbetkag nen Apo Shiyos. Amtayon emin iyay.

Inpaspasing 2:22 Iomraidhean Croise

San Mateo 12:28

Nem enshi: say naka osalen pebtik so ni dimonyo, sota Ispirito Santo nen Apo Shiyos, jet sotan i amta‐an jo so ey say pantoshayan nen Apo Shiyos, ẃara ma son si‐kayo.

San Mateo 2:23

Jet siya, dimaw ired man et nan‐iyan ired ma siyodad ja kowan sha ey Nasarit. Sajay i edaga say metongpal sota naypadto nonta bayag da ja kowan to ey, “Si‐kato, mayngadnan ey i‐Nasarit.”

San Mateo 9:8

Idi inon‐an ira nonta totoo sotan na edaga, naykel‐eẃan ira, nem inshayaw shes Apo Shiyos, tep ineẃatan sha ey panakabalin nen Apo Shiyos gayam sotan na inon‐an shen edaga ja inpiyal nen Apo Shiyos so ni kait shen too.

San Lucas 11:20

Nankamali kayo. Si Apo Shiyos i kaontolong son si‐kak ja pebtik so ira ni dimonyo. Jet sotan i amta‐an jo so ey say pantoshayan nen Apo Shiyos, ẃara ma son si‐kayo.

San Lucas 18:37

Kowan sha son si‐kato ey, “Si Jesus ja i‐Nasarit, ondabas alid jay.”

San Lucas 24:18

Jet sota sakey, ja nanngaran ni Kliopas, kowan to ey, “Wara ka gayam shi Jerusalem niman ey eg mo amtay epasemak da nonta sajay den edabas sa akew?”

San Juan 1:45

Jet si Felipe, simbi tos Natanael, jet inkowan nen Felipe son si‐kato ey, “Wara ma niman sota inpadto nen Moises ja insolat tod dinteg tan insolat nonta ira para padto. Jet inaspol mi! Say ngaran to, Jesus. Si‐kato ket i‐Nasarit ja potot nen Jose.”

San Juan 10:37

No say naka pandag‐a ket aliẃen sota piyan nen Amak, mebedin na angken eg jowak pati‐en.

San Juan 11:47

Jet nontan ma, sota ira Parisiyo, tan sota apo ira ni papashi, nanmimiting ira nonta toray ni Timplo, jet kowan sha ey, “Ngantoy pesing tayo aya so nen Jesus? Eshakel ma i dingdingka to ja kaskasshaaw.

San Juan 12:17

Sota ira eshakel la too ja engasas ni inpanbiyag son Jesus so nen Lazaro nodta diyang, si‐karay engikowan so ni eshom ma totoo; isonga eshakel aliy dimaw ja en nay‐aspol so nen Jesus.

San Juan 15:24

No eg sha inon‐an i dingkak ja kaskasshaaw, ja eg mebedin na dag‐en ni angken sipa, istay mebedin na ikowan sha ey enshiy basol sha. Nem angken na inon‐an sha iyay ya dingkak, iso met laeng nga kontra sha‐ak, tan kontra sha pay si Amak.

San Juan 19:19

Jet si Pilato, ẃaray inpaisolat to ja kowan to ey, “Sajay si Jesus, ja i‐Nasarit, ja ari ni Hodiyos.” Sajay ya inpaisolat to, sha inpakpak shima koros nen Jesus.

San Juan 3:2

Sajay ya too, dimaw son Jesus ni edabi, jet kowan to ey, “Maistoro, si‐kam, amta mi ey inbetkag token Apo Shiyos ja menosho son si‐kami, ta angken sipa, enshiy ondaga so nonta dingkam ma kaskasshaaw, no enshis Apo Shiyos son si‐kato.”

San Juan 4:48

Jet si Jesus kowan to so nonta toray ey, “No enshiy mo asen na dag‐en kon kaskasshaaw, ono milagro, eg ka memati?”

San Juan 5:36

Si Juan, inkowan to i maypangkep son si‐kak, nem sota mismon dingdingkak, sotan i epateg ja ka‐amta‐an to ey inbetkag towak ali nen Amak, ta si‐kak i shinotokan ton ondaga so ni obda to.

San Juan 6:14

Sota ira totoo, idi inon‐an sha iyay ya dingka nen Jesus, ja inpara‐kel to sota mekan, nasshaaw ira, jet kowan sha ey, “Kinapodpodno to ey sajay sota para padto ja inpadtora nonta bayag da ey ondaw alid ja dobong.”

San Juan 6:27

Aliẃa komen sota mekan i jo kamkamkaman, ta say mekan, ema‐bos. Isonga say kamkaman jo koma ja jo enapen, sota may‐eshig ey mekan ja mengi‐kan ni biyag ja enshiy to engintegan. Sajay ya mekan na naka pan‐ikowan, sota kowan sha ey Anak ni Too, si‐kato i mengi‐kan son si‐kayo. Say ka‐amta‐an to ey ẃaray in‐akan nen Apo Shiyos ja kanebengan kon mengi‐kan ket inpa‐sas to ey towakka kosto‐i.”

San Juan 7:31

Nem sota eshakel la too, ẃara ngoy eshakel la emati so nen Jesus, jet say kowan sha, “Enshiy eshom ma toon tayoka sesseskesha ja ibetkag ali nen Apo Shiyos. Si‐kato iyay ya too, ta no bilang ey ẃaray ondaw ali ja eshom, eg to ingesen i dingdingka niyay ya too.”

San Juan 9:33

No sotan na too ket aliẃen si Apo Shiyos i edapo‐an to, istay eg to koma mebedinan na pan‐esas i toon ekorab.”

Inpaspasing 13:16

Jet dimayat si Pablo asan toka sinjasi ira ey mantetneng ira nonta ikowan to, jet kowan to ey, “Si‐kayon totoo ja kait kon Hodiyos, tan si‐kayon aliẃen Hodiyos ja etod‐an ja manshedjaw son Apo Shiyos, nemnem jo iyay ya ikowan ko.

Inpaspasing 14:27

Idi mimotok ira, inolnong shen emin ira sota ematid man et inkowan sha son si‐kara sota dingdingka nen Apo Shiyos son si‐kara nonta maramen shaka pantongpala sota obden inpiyal nen Apo Shiyos son si‐kara; kowan sha ey si‐katoy engipedobos ni pantoshora so nonta ira aliẃen Hodiyos say memati ira ngo.

Inpaspasing 2:19

Waray ipa‐sas ko so ni totoo ja medeka shi naykayang nga kaskashaaw, tan angken shiya dobong, ẃaray ipa‐sas ko son si‐kara ja panakabalin ko: ẃaray maybokbok ka shala tan ẃaray apoy ya eposkol i dowet to.

Inpaspasing 2:43

Jet sota ira apostol, eshakel i kaskasshaaw wa dingkara jet nontan, emin ira sota totoo, etakot ira tep ineẃatan sha ey panakabalin gayam nen Apo Shiyos iyay.

Inpaspasing 21:28

Kimeljaw ira ja kowan sha ey, “Si‐kayon kait min Hodiyos, tolong kayo! Sajay sota too ja eman‐eka‐ekad shi emin na dogad ja emantosho ni emaykontra son si‐katejon Hodiyos, maykontra shi dinteg tayo, tan emaykontra pay so niyay ya Timplo! Tan ẃara pay konoy inta‐jon ton aliẃen Hodiyos shiya Timplo, jet nakol ni edo‐shis ma iyay ya Timplo!”

Inpaspasing 22:8

Simongbatak ja kowan ko ey, ‘Sipa ka apo?’ Waray simongbat mowan ja kowan to ey, ‘Si‐kak si Jesus ja i‐Nasarit ja maybidang ey moka panpedigata, ta epaladoy moka pesing so ira nonta emati son si‐kak.’

Inpaspasing 24:5

Sajay ya too, sinokalan mi ey makedsel; emengi‐kan ni kolo shi emin na kad‐an ni Hodiyos. Tan sakey pay, si‐katoy pangolo nonta badon sinan pamati ja intoro kono nonta sakey den toon i‐Nasarit.

Inpaspasing 26:26

Say karinelan kon mengikowan niya maypangkep son Jesus, amta nen Apo Agripa ja emin iyay ya banag. Amtak ey emin iyay den edaga ja naka pan‐ikowan, amta to, ta aliẃen shima nay‐emot i edaga‐an to, no diket naypalantaro.

Inpaspasing 26:9

“Si‐kak nonta pilmiro, kowan ko ngo ey mapteng no kontra‐en kon emin sota banag ja maypangkep so nen Jesus ja i‐Nasarit.

Inpaspasing 3:12

Jet idi asen nen Pedro ey eshakel aliy totoon emankesa‐nop ali son si‐kara, kowan to so nonta totoo ey, “Si‐kayon kait kon Hodiyos, apay nga kayoka messhaaw niyay ya banag? Apay nga jokamika iningning? Karejo ipangkep ey ẃaray panakabalin mi, ono eshiyosan kami, ja si‐katoy kabol la nan‐akashan niyay ya too.

Inpaspasing 3:6

Nem si Pedro, kowan to ey, “Enshiy pilak ko, nem ẃaray itolong ko son si‐kam ja medepo so nen Jesucristo ja i‐Nasarit. Isonga niman, pan‐akad ka!”

Inpaspasing 4:10

pa‐amta mi son si‐kayo, pati pay sota eshom ma totoon Hodiyos, ey si Jesucristo ja i‐Nasarit ja binonoyon indansa shi koros, inpanbiyag mowan nen Apo Shiyos, jet si‐katoy kabol la minaptengan niyay ya toon istay epilay ja ẃara niman shi sango‐an jo.

Inpaspasing 5:35

kowan to so nonta kait ton toray ey, “Si‐kayon kait kon Hodiyos, karejo iba‐ngat ja dag‐en i piyan jon dag‐en son si‐kara.

Inpaspasing 6:14

Sajay i intenengan min kowan to: si Jesus kono ja i‐Nasarit, sheshalen to di ja Timplo, tan sa‐datan to kono pay ya emin i ogadi tayon tineẃid tayo so nen Moises!”

2 I-Korinto 12:12

Say ka‐asan to ey koskoston apostolak, ẃara met i koston dingkak ja kaskasshaaw tan milagro nonta kawashak son si‐kayo, tan sakey pay, inenosan ko i eshom son si‐kayo ja makakontra son si‐kak.

Hodiyos 2:4

Jet angken si Apo Shiyos, pineneknekan to ey agpayso iyay, nonta inpalobos ton nandaga sota ira too nen Jesus ni kaskasshaaw, tan eshakel la kilasin milagro. Jet ẃara pay i inẃaris to so ni emati ja amta‐an so ni karakdan ey podno sota esel ton emankaitoro, jet sajay ya inẃaris to, kilasin daing, ja osalen nonta nayẃarisan to shi pansigshan ira ni eshom ma emati jet sajay ya inẃaris nen Apo Shiyos, in‐akan ni Ispirito Santo so nonta piyan nen Apo Shiyos ja pengi‐kanan.