Inpaspasing 2:17 - Dibshon Mengi-kan Ni Pansigshan

¹⁷ ja esel met laeng nen Apo Shiyos, ja kowan to ey, ‘Shi ka‐onoran alin timpo, sajay i pesing ko: pan‐iyan ko i Ispiritok so ni emin na totoo jet sota ira annak sha, mengipadto ira ni maypangkep son si‐kak, jet ẃaray pa‐amtak so ni bedoleki tan nankedakay shi kokokip sha.

Inpaspasing 2:17 Iomraidhean Croise

San Lucas 3:6

Jet emin na too, asen shay mengisedakan ja medepo ali son Apo Shiyos.”

San Juan 17:2

Ta si‐kam Ama i engi‐kan son si‐kak ni panakabalin na mengitoshay so ni emin na too, jet si‐kak i mengi‐kan ni biyag ja enshiy to engintegan so nonta totoon piyan mon meẃad‐an ni biyag.

San Juan 7:39

(Sajay ya inkowan nen Jesus, piyan ton ikowan ey si‐katoy kedepo‐an nonta Ispirito Santo nen Apo Shiyos ja eẃaten ira di nonta memati son si‐kato. Nem aneng nin, ta mesepol la metey si Jesus, jet manbiyag mowan. Ondaw pay shi dangit, asan toka i‐eẃat ma sota Ispirito Santo.)

Inpaspasing 10:45

Jet sota ira ematin Hodiyos ja i‐Jopa ja ekidaw son Pedro, ireka emesshaaw, ta sota ira toon aliẃen Hodiyos, engawat ngo ira ni Ispirito Santo ja in‐akan nen Apo Shiyos.

Inpaspasing 11:27

Jet nontan, ẃara iray para padto ja edapod Jerusalem ja dimaw shi Antiok.

Inpaspasing 11:28

Jet sakey son si‐kara i manngeshan ni Agabo. Sajay ya too, inshalan ni Ispirito Santo nen Apo Shiyos jet inpadto to ey ẃara aliy bitil shi emin na sakop ni dobong. (Jet epasemak iyay nga agpayso nonta timpo ni inpantoray nen Claudio shi Roma.)

Inpaspasing 2:16

Sajay sota tongpal ni inpadto nen Joel nonta bayag da,

Inpaspasing 2:18

Owen, angken sota ira daleki tan bibii ja mansilbi son si‐kak ni sajay alin timpo, pan‐iyan koy Ispiritok son si‐kara, jet si‐karay mengikowan ni ipa‐amtak son si‐kara.

Inpaspasing 2:33

Jet niman, ẃared apit ni kanawan nen Apo Shiyos; isonga in‐akan nen Ameto sota Ispirito Santo son si‐kato ja inkari to, jet sajay ya Ispirito Santo iya intenengan jo niman tan inon‐an jo ja in‐awat ngo nen Jesus son si‐kami.

Inpaspasing 21:9

Si Felipe, ẃaray potot ton epat ta bibiin para padto ja eg engaseẃa.

I-Roma 5:5

Jet sota tayoka namnama‐a ja tayoka sesseskera, agpayson tongpalen nen Apo Shiyos, ta ebadeg ga pasiyay semek to son si‐katejo. In‐akan nen Apo Shiyos i Ispirito Santo to son si‐katejo, isonga amta tayo ey ebadeg i semek to son si‐katejo.

1 I-Korinto 12:10

Sota ira eshom, toka i‐akni ira ni baal shen mandeka ni milagro, jet sota ira eshom, toka itorong ja mengipa‐amta nonta inamta‐an sha son Apo Shiyos. Sota ira eshom, toka i‐akni ira ni panakabalin sha ja mengilesin nonta ira eman‐a‐sel shima esa‐nop pa emati, no agpayson intorong ni Ispirito Santo sotan, ono enshi. Sota ira eshom, toka i‐akni ira ni panakabalin shen manshedjaw son Apo Shiyos ni kalkalasin esel ja eg ma‐eẃatan, jet sota ira eshom, toka i‐akni ira ni daing ja mengi‐odog nontan na ekalkalasin esel.

1 I-Korinto 12:28

jet na‐na‐jew i obdayo. Si Apo Shiyos, ẃara iray shinotokan to son si‐katejon emati. Jet say mesepol la pasiya, sota apostol; say maykadẃa, sota mengitosho ni inpa‐amta nen Apo Shiyos son si‐kara; say maykatdo, sota eshom ma mengitosho; asan ẃara pay iray mandeka ni milagro, pemapteng so ni mansekit, ontolong, mengolnos ni kasapolan ni emati, asan sota man‐a‐sel ni ekalkalasin esel.

Hodiyos 1:2

nem niman ma, simabi sota koston timpo, isonga ẃaray inpa‐amta to son si‐katejo ngo jet sota Anak ton mismo i inosal ton engipa‐amta son si‐katejo. Si‐katoy inpandaga nen Apo Shiyos ni dobong, jet si‐kato pay i shinotokan to ja makakokowa ni emin ingkatod ingka.

Santiago 5:3

Sota balitok jo tan pilak jo, nandati et sota dati to, si‐katoy ka‐amta‐an to shorog ey in‐emot jo bengat, ja eg jo intolong so ni makasapol. Jet no onsabi ali sota pandikat jo, sotan na inpangikot jo ni kokowayo i kabol la kepokawan jo, ja singa mepoolan kayo ni apoy. Shanshani ali sota ka‐onoran na akew et nganto emo aliy pesingan jo so ira nita kokowayo?

2 San Pedro 3:3

Say epateg ga nemnemnemen jo koma, sota maypangkep ni ka‐onoran alin timpo. Ta no sajay alin timpo, kenshat ta ẃara aliy onbo‐day ya totoon dedamsis bengat i amtara, ta sota pipiyan sha bengat i shaka kosto‐i ja dag‐en.