Inpaspasing 18:23 - Dibshon Mengi-kan Ni Pansigshan

²³ Jet idi ẃaray pigen akew tod man, indekjas to mowan ira sota ematid Antiok, jet dimaw shi Galasia asan shi Prigia. Inekad ton emin i sakop iren jay ya dogad, ja to intod‐an ira sota ematid man, say onkedsang i pamatira.

Inpaspasing 18:23 Iomraidhean Croise

San Lucas 1:3

Jet niman Teofilo, peshasen ko ngon isolat. Ninemnem ko ey mapteng emo nem si‐kak pay i sakey ya mengisodat tep inashal kon pasiyen emin sota edagdaga manipod nonta nanshogi‐an to ingkatod ka‐onoran. Isonga siningpet kon insolat iyay para son si‐kam,

San Lucas 22:32

Mebedin na ma‐adilaw ka Simon, ni sanka‐atikan, nem inshawat ko son Apo Shiyos ey eg mekolpin onkapoy i pamatim. Jet no may‐odi mowan i pamatim son si‐kak, si‐kam ngoy pekedsang so ni kait mo.”

San Lucas 22:43

Waray anghil ja edapod dangit jet to tinodongan si Jesus say onkedsang.

Inpaspasing 14:22

Jet tinokon sha ira nin sota emati nodtan na dogad ja shinshindan sha, say onkedsang i pamatira. Inkowan sha pay son si‐kara ey, “Karejo ibi‐bi‐jag i pamatiyo angken ngantoy dag‐en ni apil la too son si‐kayo; nemnem jo ey si‐katejon mayda‐kam shi pantoshayan nen Apo Shiyos ket kenshat ta manda‐kam kito ni digat.”

Inpaspasing 15:32

Jet si Judas tan si Silas, ja edaing nga mengitosho ni inpa‐amta nen Apo Shiyos son si‐kara, eshakel i inkowan sha so nonta ira emati ja pansigshan sha. Jet mas kimedsang i pamatira nonta intenengan sha.

Inpaspasing 15:41

Jet si Pablo nen Silas, dimaw ira, ja nanshalan shi Siria tan shi Silisia, ja en engitosho so nonta ira emin na ematid man, say mas pay onkedsang i pamatira.

Inpaspasing 16:40

Jet si Pablo nen Silas, indekjas sha sota badoran jet dimaw ira shi baley nen Lydia. Inon‐an shen emin ira sota a‐akira shi pamati, jet tinokon sha ira, asan shaka ira ilekjas.

Inpaspasing 16:6

Istay ondaw si Pablo shi Asiya, nem eg inpalobos ni Ispirito Santo nen Apo Shiyos ja sha ikowan i esel nen Apo Shiyos shiman; isonga nanshalan ira shi Prigia, tan shi Galasia.

Inpaspasing 19:1

Nonta ẃares Apolos shi Korinto, nan‐akad ngo si Pablo ja edapod Prigia ingkatod Ipiso. Jet nonta simabid Ipiso, ẃaray simbi tod man ja eshom ma emati.

Inpaspasing 2:10

Prigia, Pampilia, Egypt, tan sakop ni Libya ja naysakop ngo shi Sirini. Wara pay i eshom son si‐katejo ja bisita alid Roma, ja Hodiyos i eshom, tan sota ira eshom, aliẃen Hodiyos ja etod‐an ja manshedjaw son Apo Shiyos.

1 I-Korinto 16:1

Niman, iyay i pesing jo nonta alos ja itolong jo so nonta ira kait tayon emati shi Jodia. Onoshiyo sota inkowan ko so nonta ira emati shi Galasia ja pesing sha.

I-Galasia 1:9

Sajay met laeng sota inkowan mi son si‐kayo nontan da. No ẃaray mengitosho son si‐kayo, nem apil i kowan sha, ja aliẃen inges to sota intenengan jo son si‐kak nonta pilmiro, kenshat ta shosa‐en nen Apo Shiyos ira.

I-Galasia 4:14

Nem angken ekapoy i bakdang ko nontan, inenosan jowak, eg jowak binedaw, ono dinamsis. Sajay i sakey ya kepeshasan jo no eẃaten jowak, nem ineẃat jowak ja ẃaray pateg ko son si‐kayo; inbilang jowak pay ja singa anghil nen Apo Shiyos, ono si Cristo Jesus ja mismo.

1 I-Tisalonika 4:18

Jet niman ma, sajay ya inkowan ko la, si‐katoy idiwdiwa jo so nonta ira emandeshingit ja eteyan ja kait jon emati.

1 I-Tisalonika 5:14

Iyay i bilin mi son si‐kayo ja a‐aki mi shi pamati ja pesing jo say na‐olnos kayo: togon jo ira sota esarot ja eg man‐obda, pakedsang joy nemnem ira nonta edismaya, jet sota ira ekapoy i pamatira, tolongiyo ira. Anosiyon emin ira jay.