Inpaspasing 17:25 - Dibshon Mengi-kan Ni Pansigshan

²⁵ Si Apo Shiyos, enshiy mesepol tod too, ono eg to mesepol i tolong ni too, ta si‐katoy mismon engi‐kan ni biyag ni too tan emin na ẃara son si‐kara, isonga ireka emanjasjas.

Inpaspasing 17:25 Iomraidhean Croise

San Mateo 5:45

Ta no sajay i pesing jo, ingesen joy ogadi nen Apo Shiyos ja Amejo shi dangit. Ta si Apo Shiyos, nan‐i‐inges sa mapteng i toka pesing so ni angken sipen too, inges to no mapteng i aramid to ono ngaaw. Nan‐inges ja toka peskit i akew shi kad‐an sha, tan inges ton toka pa‐oshan.

Inpaspasing 14:17

Nem angken binaybay‐an to ira, ẃara mangoy amta‐an so ni too ni kina‐Shiyos to. Isonga mapteng i dingdingka to son si‐kayo: inpan‐oran to ali shi dangit, jet sinibogan toy molejo; isonga engapit kayo ma ni kosto, ẃara may kenen jo, tan kayoka eman‐imdeng ma ja pasiya.” Kowan nen Pablo.

Inpaspasing 17:28

ta mismon si‐katoy emengajowan son si‐katejo ni emin na tayoka dagdag‐a ono tayoka nemnemnema ni timpon tayoka panbiyag. Sajay met laeng i inkowan ni sakey ya kait jon nan‐ashal nonta bayag da, ja kowan to ey, ‘Si‐katejo, annak shakito ni shiyos.’ Kowan to.

I-Roma 11:35

Jet angken sipa, enshiy to inpa‐otang son Apo Shiyos, ja to ikowan ey bayshan nen Apo Shiyos son si‐kato.”

1 Timoteo 6:17

Ikowan mo so nonta ira bebaknang nin niman na sibibiyag ired ja dobong ey aliẃen ira ondastog, tan aliẃen sota pilak shay sha en panshindan, ta aliẃen sigorado. Isonga say panshindan sha koma, si Apo Shiyos, ja emengi‐kan ni emin na kasapolan tayo, ja tayoka kenkenasa.