Inpaspasing 17:1 - Dibshon Mengi-kan Ni Pansigshan

¹ Nanshalan shi Pablo shi Ampipolis, asan shi Apolonia, jet mimotok ira shi Tisalonika, ja kawad‐an ni sakey ya sa‐nopan ni Hodiyos.

Inpaspasing 17:1 Iomraidhean Croise

Inpaspasing 14:1

Idi mimotok ired Ikoniom, dimaw ira nodta baley ya sa‐nopan ni Hodiyos shiman. Jet eshakel i toon emati nonta inkowan sha — Hodiyos man ono aliẃen Hodiyos.

Inpaspasing 15:21

Ta sota bilin ja inpateẃid nen Moises son si‐katejon Hodiyos, sigod ja emaybasbasa no akew wa ngilin tayon Hodiyos shi emin na sa‐nopan tayod ka‐ili‐ili. Jet no eg onoren ni toon aliẃen Hodiyos iyay ja inkowan ko la, kenshat ta ngaaw i dekna ira nonta Hodiyos ja kait shen emati son Cristo.” Kowan nen Santiago.

Inpaspasing 16:13

Jet nonta akew wa ngilin ni Hodiyos, bimo‐day kamid ma siyodad jet dimaw kamid ma kilig ni pa‐dok, ta ẃaray pangkep mi ey ẃared man i pansheẃatan son Apo Shiyos. Wara nga agpayso i simbi mi nodtan na bibiin esa‐nop, jet timongaw kamin ekitbal son si‐kara.

Inpaspasing 17:10

Jet idi edabi, sota ira a‐aki shi pamati shi Tisalonika, inkowan sha ey angken idekjas nen Pablo nen Silas ira ja angken ondaw ired Biria. Jet idi mimotok ired man, dimaw ira shima baley ya sa‐nopan ni Hodiyos.

Inpaspasing 17:11

Sota ira Hodiyos shiman na dogad, mapteng i ogadira ey say sota ira Hodiyos shima Tisalonika. Ta sajay ira, pipiyan shen itenengan sota toro nen Pablo nen Silas, ta piyan shen eẃatan na pasiya. Inakew ja shaka singpeten basbasa‐a sota inpaisolat nen Apo Shiyos nonta bayag da, ta piyan shen amta‐an no agpayso sota intoro nen Pablo nen Silas.

Inpaspasing 17:13

Nem sota ira Hodiyos shi Tisalonika, ja eg emati, idi inamta‐an sha ey ẃares Pablo shi Biria ja emengitosho ni esel nen Apo Shiyos shiman, dimaw ira di ja mengeẃis ni totoo nodtan ja onkontra son Pablo.

Inpaspasing 20:4

Say kait to nontan, si Sopatir ja anak nen Piro, ja i‐Biria, si Aristarko, si Segundo ja i‐Tisalonika, si Gayo ja i‐Dirbi, si Timoteo, si Tikiko tan si Tropimo ja showen i‐Asiya.

Inpaspasing 27:2

Jet kami nandogan nodta barko ja edapod Adromito, ja manshedan shima ira istasjon shi kilig ni baybay shi probinsiya ni Asiya. Si Aristarko ja i‐Masidonia ja edapo alid Tisalonika, ekidaw son si‐kami.

I-Pilipos 4:16

Jet angken nonta ẃara‐ak shi Tisalonika, eminshowa ja engi‐kan kayo son si‐kak.

1 I-Tisalonika 1:1

Si‐kak si Pablo ja makasolat niyay jet say kait ko si Silas nen Timoteo. Jet sajay ya solat ko, para son si‐kayod ta siyodad ni Tisalonika ja kait min emati so nen Apo Shiyos ja Ametayo, tan si Apo Jesucristo. Sapay koma ta ma‐shoman sota kaasi, tan talna ja ẃara son si‐kayo ja edapo met laeng so nen Apo Shiyos.

1 I-Tisalonika 2:2

Nonta inpanshalan mid Pilipos ja ondaw shita kad‐an jo, ngaaw i inpaspasing ni tood man son si‐kami; binebaingan shakami. Nem amtayo, in‐aknan shakami nen Apo Shiyos tayo ni toled ja mengikowan son si‐kayo nonta mapteng nga shamag ja edapo so nen si‐kato. Eshakel shitan i makakontra son si‐kami maypangkep ni mika pan‐ikowan, nem angkena.

2 I-Tisalonika 1:1

Si‐kak si Pablo ja makasolat niyay et say kadẃak, si Silas nen Timoteo. Sajay ya solat, para son si‐kayon tood ta Tisalonika ja kait min emati son Cristo, ja ẃara ma son Apo Shiyos ja Ametayo, tan si Apo Jesucristo.

2 Timoteo 4:10

ta mesepol taka. Si Dimas, indekjas towak, ta say ẃara son si‐kato, ja toka nemnemnema, sota ka‐id‐irin shiya dobong; jet dimaw da shi Tisalonika. Jet si Krisinti, dimaw ngo shi Galasia; si Tito, dimaw ngod Dalmasia.