Inpaspasing 16:6 - Dibshon Mengi-kan Ni Pansigshan

⁶ Istay ondaw si Pablo shi Asiya, nem eg inpalobos ni Ispirito Santo nen Apo Shiyos ja sha ikowan i esel nen Apo Shiyos shiman; isonga nanshalan ira shi Prigia, tan shi Galasia.

Inpaspasing 16:6 Iomraidhean Croise

San Lucas 1:2

jet inonod sha ni olay sota intoro met laeng nonta apostol nen Jesus, tep si‐karay sigod ja eki‐odo‐odop son si‐kato, si‐karay engasas ni inpaspasing to, tan si‐kara pay i inbetkag ton engitosho ni esel to.

Inpaspasing 10:19

Jet nontan, kenemnemnema nen Pedro no ngantoy olog nonta inon‐an ton inpa‐sas nen Apo Shiyos son si‐kato. Jet ẃaray inkowan ni Ispirito Santo nen Apo Shiyos son si‐kato ey, “Asas mo, ẃaray tedon too ja emengenap son si‐kam.

Inpaspasing 11:12

Jet sota Ispirito Santo nen Apo Shiyos, inkowan to son si‐kak ey ekak manshowashowa ja mekidaw son si‐kara. Jet siya, angken saja enem ma a‐aki tayo shi pamati ja i‐Jopa, ekidaw ira son si‐kak, jet si‐kamin emin i dimaw shi baley nen Cornelio.

Inpaspasing 16:7

Jet idi simbira sota eteg ni Misia tan Galasia, inparas shen ondaw shi Bitinia, nem iso met laeng nga eg inpalobos ira ni Ispirito nen Jesus, ja ondaw ira nodtan.

Inpaspasing 18:23

Jet idi ẃaray pigen akew tod man, indekjas to mowan ira sota ematid Antiok, jet dimaw shi Galasia asan shi Prigia. Inekad ton emin i sakop iren jay ya dogad, ja to intod‐an ira sota ematid man, say onkedsang i pamatira.

Inpaspasing 19:10

Showen tawen ja sajay i dingdingka to, jet emin ira sota Hodiyos tan aliẃen Hodiyos ja nanbaley shi probinsiya ni Asiya, inteneng sha may esel nen Apo Shiyos maypangkep so nen Apo Jesus.

Inpaspasing 20:16

Ta si Pablo, ja ondaw shi Ason, ta say kowan nen Pablo, man‐a‐aspol kamid man. Sajay i inbilin to ey pesing mi, ta si‐kato mango, piyan to ninemnem ton dabsan i Ipiso, say eg mebedjag shi sakop ni Asiya, ta piyan ton aboten, no mebedin, sota kaipiyasta‐i ni Hodiyos shi Jerusalem ja kowan sha ey Pintikostis.

Inpaspasing 20:28

“Isonga niman, si‐kayon pangolo, asas joy bakdang jo shorog, tan asas jo pay sota ira emati son Apo Jesus ja inpiyal ni Ispirito Santo son si‐kayo ja bantayan jo. Singpet joy bantay son si‐kara ta kokowa ira nen Apo Shiyos. Nemnem jo ni olay ey kowinta ey binayshan to ira ni shala nonta Anak to ja imayos shi koros.

Inpaspasing 20:4

Say kait to nontan, si Sopatir ja anak nen Piro, ja i‐Biria, si Aristarko, si Segundo ja i‐Tisalonika, si Gayo ja i‐Dirbi, si Timoteo, si Tikiko tan si Tropimo ja showen i‐Asiya.

Inpaspasing 21:27

Jet idi shanshanin mepospos sota piton akew ja dag‐anan sha so nonta ogadira, sota ira Hodiyos ja edapod Asiya, inon‐an sha si Pablo shima Timplo, jet sinogsogan sha ma ira sota eshakel la too, jet inba‐ngat shay eshel so nen Pablo.

Inpaspasing 6:9

Nem nontan, ẃara iray emekisongbati son si‐kato ja Hodiyos ja i‐Sirini i eshom, tan i‐Alejandria. Saja ira ekisongbat so nen Esteban, Hodiyos ira ja emekisa‐nop nodta sa‐nopan ni totoon istay baga‐en. Wara pay iray Hodiyos ja i‐Silisia tan i‐Asiya, ja nay‐eshom ira ngon emekisongbat son Esteban.

Inpaspasing 8:29

Jet si Felipe, inshalan ni Ispirito Santo nen Apo Shiyos ja en mekilokan son si‐kato nodta kalisa.

I-Roma 16:5

Pakikowan jo pay i semek ko so nonta ira emin na ematin emesa‐nop shima baley nen Priscilla nen Akila, jet angken si Ipinito, ja pilmiron emati so nen Cristo shi Asiya.

1 I-Korinto 12:11

Emin iyay ya pesing, sakey i edapo‐an to: sota Ispirito Santo nen Apo Shiyos bengat. Jet toka i‐akan iyay ja iẃaris so ni sakey tan sakey ya piyan ton pengi‐kanan.

1 I-Korinto 16:1

Niman, iyay i pesing jo nonta alos ja itolong jo so nonta ira kait tayon emati shi Jodia. Onoshiyo sota inkowan ko so nonta ira emati shi Galasia ja pesing sha.

1 I-Korinto 16:19

Sota ira ematid ka‐ili‐ili shi Asiya, piyan shen pekikowan ko shiya solat ko sota semek sha son si‐kayo. Jet angken si Akila nen Prisilla, tan sota ira eshom ma emati ja emesa‐nop shi baley sha, kowan sha ngo ey ebadeg i semek sha son si‐kayon a‐akira shi pamati son Apo Jesus.

2 I-Korinto 1:8

Si‐kayon a‐akik shi pamati, piyan min ipa‐amta son si‐kayo sota dina‐kaman min digat shi probinsiya ni Asiya. Sotan na digat, embel‐at ta pasiya ja singa eg mi itoled, jet angken biyag mi, dinamsis mi ma ja singa enshiy namnama min mebiyag pay laeng.

I-Galasia 3:1

A, nganto et ngoy inpasing jon tood ta Galasia aya? Eg kayo gayam maka‐aw‐awat! Ngantoy? Wara gayam i engawis son si‐kayo shi apil la pamati, ket inpaleẃag mi met son si‐kayo i inkaydansa nen Jesucristo shi koros!

2 Timoteo 1:15

Amtam met ey emin sota ẃared ta Asiya, angken pay si Pigilo nen Hirmoginis, inbiyang sha‐ak ma.

2 Timoteo 4:10

ta mesepol taka. Si Dimas, indekjas towak, ta say ẃara son si‐kato, ja toka nemnemnema, sota ka‐id‐irin shiya dobong; jet dimaw da shi Tisalonika. Jet si Krisinti, dimaw ngo shi Galasia; si Tito, dimaw ngod Dalmasia.

Hodiyos 11:8

Jet si Abraham ngo, tep emati son Apo Shiyos, pinati to sota inkowan nen Apo Shiyos ey ondaw nodta dogad ja inkari ton i‐akan to. Jet dimaw nga agpayso ja indekjas to sota sigod ja dogad to, ey eg to pay nin amta no toway ikowan nen Apo Shiyos ey dogad ja daẃan to.

1 San Pedro 1:1

Si‐kak si Pedro ja makasolat niyay jet sajay ya solat ko, para son si‐kayon emin na too nen Apo Shiyos ja engilekjas ni ili sha, ja nayẃaris shita Ponto, Galasia, Kapadosia, Asiya, tan Bitinia.

Inpa-Amta Nen Jesucristo 1:11

ja kowan to ey, “Emin iya asen mo ali, isodat mod dibsho et ipaw‐it mo so nonta ira esa‐nop pa emati shima piton dogad. Jet sajay ira sotan na dogad: Ipiso, Simirna, Pirgamom, Tiyatira, Sardis, Piladilpia, tan Laodisia.”

Inpa-Amta Nen Jesucristo 1:4

Si‐kak si Juan ja mismon makasolat niyay et sajay ya solat ko, si‐kak i engisodat para son si‐kayon piton gropo ja emati son Cristo shi piton siyodad shi Asiya. Say shawat ko son Apo Shiyos, sapay koma ta sota kaasi, tan talna ja edapo son si‐katon ẃara son si‐kayo, si‐katoy ma‐shoman. Si Apo Shiyos, si‐kato sota sigod ja ẃara ngo eshan, ingkato niman et si‐kato met laeng aliy ondaw shi ma‐onod ja timpo no mantepos iya dobong. Sota Ispirito Santo nen Apo Shiyos, ja eg nagshengan i kabedinan to, ja ẃara nodta sango‐an ni tinongawan to, tan si Jesucristo, sapay koma ta si‐kara met laeng i mengi‐kan ni kaasi tan talna son si‐kayo. Si Jesucristo, agpayso i toka ikowan, tan si‐kato, nanbiyag alid patey, isonga si‐katoy singa pangodowan tayon emin ja manbiyag shi patey. Si‐kato pay i mengitoshay so nonta ira emin na ari shiya dobong. Si Jesucristo, imayos i shaleto ni inkatey to shi koros pangkep nonta ebadeg ga semek to son si‐katejo et sotan i kabol la epakaẃanan ni emin na basol tayo.