Inpaspasing 16:5 - Dibshon Mengi-kan Ni Pansigshan

⁵ Jet nontan ma, sota ira emati nodta dinawdaẃan sha, kimedsang i pamatira, jet inakew wa ẃaray emankai‐shom son si‐kara ja memati.

Inpaspasing 16:5 Iomraidhean Croise

Inpaspasing 11:21

Jet si Apo Jesus, tinodongan to ira jay jet eshakel i totoo ja emati so nen Apo Jesus, ja inbi‐jag sha mala sota ogadin kinapagano.

Inpaspasing 12:24

Manipod ma nontan, sota esel nen Apo Shiyos, emankaiweshis shi eshakel la dogad jet emansha‐kel la emansha‐kel i ememati so.

Inpaspasing 15:41

Jet si Pablo nen Silas, dimaw ira, ja nanshalan shi Siria tan shi Silisia, ja en engitosho so nonta ira emin na ematid man, say mas pay onkedsang i pamatira.

Inpaspasing 2:47

Si Apo Shiyos ni olay i shaka ishayshayaw, jet angken sota emin na totoo, kowan sha ey mapteng ira sota emati. Jet si Apo Shiyos, inakew ja ẃaray toka i‐eshom son si‐kara ja maysedakan.

Inpaspasing 4:4

Nem eshakel mala iray toon emati nonta inteneng sha sota inkowan nen Pedro nen Juan pangkep so nen Jesus, jet say kabebilang ira nonta ematin daleki, dimen dibo.

Inpaspasing 5:14

Nem asdeg to ngoy daleki tan bibii ja nay‐eshom so nonta ira sigod ja emati, jet mas shimakel ira.

Inpaspasing 6:7

Jet nontan ma, emankaiweshis sota esel nen Apo Shiyos maypangkep son Jesus shi eshom ngon dogad, jet angken shi Jerusalem met laeng, ẃara ni olay i emankai‐shom ja emati so nonta ira sigod ja emati. Tan ẃara pay i eshakel la papashi ni Hodiyos ja emati.

Inpaspasing 9:31

Jet nontan ma, sota ira emati shi intiron Jodia, Galilia, tan shi Samaria, eg ira medigdikatan. Jet sajay ira, kimedsang i pamatira, tan shimakel pay ira. Nontan, si Apo Jesus ni olay i shaka nemnemnemen panshedjawan, tan tinodongan pay ira ni Ispirito Santo nen Apo Shiyos.

I-Roma 16:25

Niman, mayshedjaw koma si Apo Shiyos, ta si‐kato bengat i makabaal ja mengi‐kan ni kedsang jo shi pamati, jet say toka osala ja emengi‐kan ni kedsang jo, sota naka itoro ja kosto pangkep so nen Jesucristo. Istay ya enshiy maka‐amta so niyay ya sigod ja nemnem nen Apo Shiyos nonta bayag da, tep eg to inpa‐amta so ni angken sipen too.

1 I-Korinto 15:58

Isonga niman ma, si‐kayon a‐akik shi pamati ja ensemek ko, iki‐det joy pamatiyo, say enshiy jo ka‐eẃisan na kompormin adilaw. Pan‐alisto kayo et ja man‐obda para son Apo Jesus, ta amtayo met ey asdeg toy kon‐oren jo din sobadit ni obdayo maypangkep son si‐kato.

I-Galasia 5:1

Isonga niman, aliẃen singa baga‐en kito ma ja inpokok ni bilin nonta bayag da, ta inbolos shakito nen Cristo. Jet eg to koston on‐oli kiton manngeshan mowan ni baga‐en. Isonga karejo itolok ja pesakbat shay digat ni bilin nonta bayag da son si‐kayo.

I-Kolosas 2:6

Niman, ta si Cristo Jesus i pinatiyo ja Apo jo, mesepol la si‐katoy piyalen jo ja mengiredan ni joka panbiyag ni inakew.

1 I-Tisalonika 3:13

Si‐katoy ontolong son si‐kayo, say eki‐det i nemnem jo et say eg kayo manbesol so nen Apo Shiyos ja Ametayo, ja kosto‐an tokejo, ingkatod idaw ali nen Jesus ja Apo tayo. Jet sajay alin idaw to, may‐odop ma son si‐kato sota emin na emati son si‐kato.

2 I-Tisalonika 2:16

Jet niman, say shawat mi, sapay koma ta si Apo Jesucristo, tan si Apo Shiyos ja Ametayo, si‐karay pekedsang so ni nemnem jo, say eg kayo medismaya, tan say mapteng ni olay i dag‐en jo, tan ikowan jo. Sajay i shawat mi ja pesing nen Apo Shiyos, ta ensemek shakito, tan si‐katoy mismon engaasi son si‐katejo ja engi‐kan ni naynay ya kedsang ni nemnem, tan sota ebadeg ga namnama.

Hodiyos 13:9

Isonga karejo itolok ja on‐onod shi apil la toro, ono sota badbadon toro, say eg kayo may‐eshawi nodta koskoston inamta‐an jo. Mapmapteng no say mengi‐kan ni kedsang ni pamati tayo ket mandepo ngo eshan nodta kaasi nen Apo Shiyos, aliẃen sota kowan ni Hodiyos ey mengidin i eshom ma mekan. Ta enshi met i en intolong nontan son si‐kara.

1 San Pedro 5:10

Saja digat ja joka da‐da‐kami niman, eg mebedjag i panda‐kam jo tep si Apo Shiyos, ja eg nagshengan i toka pengaasi, eg shakejo i‐oway. Si‐katoy emili son si‐kayo say maybidang kayo nodta too tod dangit ingkatod ingka kabol ni inpamatiyo son Cristo. Isonga kenshat ta isingpet tokejo, pan‐odi tokejo nodta sigod ja mapteng nga kasesaad jo, tan pekedsang shakejo.