Inpaspasing 16:16 - Dibshon Mengi-kan Ni Pansigshan

¹⁶ Idi sakey ya akew, kamika emandaw nodta kilig ni pa‐dok ja pansheẃatan son Apo Shiyos; ẃaray biin baga‐en ja engaspol son si‐kami. Sajay ya bii, ẃaray pimeket ta dimonyo son si‐kato; isonga amta ton memedad ni mepesamak ali shi totoo. Sota ira apo to, ebadeg i pilak ka shaka pan‐al‐a ni toka pemedad.

Inpaspasing 16:16 Iomraidhean Croise

Inpaspasing 16:13

Jet nonta akew wa ngilin ni Hodiyos, bimo‐day kamid ma siyodad jet dimaw kamid ma kilig ni pa‐dok, ta ẃaray pangkep mi ey ẃared man i pansheẃatan son Apo Shiyos. Wara nga agpayso i simbi mi nodtan na bibiin esa‐nop, jet timongaw kamin ekitbal son si‐kara.

Inpaspasing 16:18

Jet sajay i toka ikelkeljaw ni pigen akew, ey kaontenetened son si‐kami. Jet anongosto ma ey imekdas si Pablo, jet kowan to ey, “Si‐kam ma dimonyo! Inbetkag towak nen Jesucristo, isonga ikowan ko son si‐kam ey, betik ka so nita bii!” Jet nontan met laeng nga engikowanan nen Pablo, bimetik ka shagos sota dimonyo ja pimeket so nonta bii.

Inpaspasing 16:19

Jet idi inamta‐an nonta ira apo nonta biin baga‐en ey enshi malay sha panpidakan so nontan na bii, inshel sha si Pablo nen Silas, jet inkoyod sha ja in‐ilaw so nonta ira toray ni ili shima plasa.

Inpaspasing 19:24

Say engibalnay niyay ya kolo, si Demetrio ja emenelbit ni palata ja toka emaga ni engkokonting nga sinan timplo nen Artimis ja sinan shiyos sha. Asdeg toy toka idako, jet ebadeg i kanansiya ira nonta toka pandagbo‐i.

I-Galasia 5:20

panshedjaw shi sinan shiyos, panmantala, sota igem, babakal, apal, bonget, isew, eg peki‐olnos shi eshom,

1 Timoteo 6:10

Jet sota pengamkam ni pilak, si‐katoy panshoki‐i ni emin na ngaaw. Agpayso ey sota ira eshom ma engamkam ni pilak, inbi‐jag sha may pamatira. Nem anongosto ma ey ensakit i nemnem sha, ta naydaw‐an iren pasiya nodtan na dingkara.

2 Timoteo 3:8

Sajay iren ma‐o‐owap pa too, inges sha ira da ja si Janis nen Jambris nonta bayag da. Sajay den showen too, sinokil shes Moises ja eg sha pinati, jet niman, sajay ngo iren ma‐owap, eg sha ngo pati‐en sota maypangkep ni podno, ta bimakiy nemnem sha jet o‐owap i pamatira.

2 San Pedro 2:3

Sajay iren o‐owap i toro sha, pilak i shaka nemnemnema. Isonga say pesing sha son si‐kayo, tapngan shakejo ni en‐amis sa esel ja o‐owap say panpidakan shakejo. Nem emansessesked i keshosara ja singa eman‐a‐agag ni imotok sha, ta sigod ja inkesheng nen Apo Shiyos ey kenshat ta meshosa ira.