Inpaspasing 15:36 - Dibshon Mengi-kan Ni Pansigshan

³⁶ Idi ẃaray edabas sa pigen akew, kowan nen Pablo so nen Bernabe ey, “Eti, ondaw kita, ta asen ira sota a‐aki ta shi pamati, shi emin na dogad ja engitosho‐an ta nontan ni esel nen Apo Shiyos, no kas‐ano da ira.”

Inpaspasing 15:36 Iomraidhean Croise

San Mateo 25:36

jet nonta enshiy barok, binesho‐an jowak; nonta nansakitak, jowak binisita, asan nonta naybaloshak, jowak inon‐an.’

San Mateo 25:43

nonta dimawak shi ili jo, ja enshiy amtak ja nak pan‐iyanan eg jowak sinintil, nonta enshiy barok eg jowak binesho‐an, nonta naka mansekit tan nonta naybaloshak, eg jowak binisita.’

Inpaspasing 13:12

Jet sota gobinarol, idi inon‐an to iyay ya epasemak, emati ma son Cristo, ta emesshaaw wa pasiya ey sota toro ja pangkep son Apo Jesus, etaksholan gayam ni panakabalin.

Inpaspasing 13:4

Jet si Bernabe nen Saulo, ja inbetkag ni Ispirito Santo, shimalong ira shi Silosia, jet nandogan ired man shi barko ingkatod Cyprus.

Inpaspasing 13:51

Nem say inpasing nin nen Pablo nen Bernabe, pinokpok sha sota pimeket ta depok shi sedira ja si‐katoy pengamta‐an ni tood man ey enshi may biyang sha son si‐kara. Jet dimaw ira ma shi Ikoniom.

Inpaspasing 14:1

Idi mimotok ired Ikoniom, dimaw ira nodta baley ya sa‐nopan ni Hodiyos shiman. Jet eshakel i toon emati nonta inkowan sha — Hodiyos man ono aliẃen Hodiyos.

Inpaspasing 14:21

Inkowan shay mapteng nga shamag pangkep so nen Jesucristo nodtan na siyodad jet eshakel i emati. Jet say inpasing sha, nay‐oli ired Listra, shi Ikoniom, asan shi Antiok da.

Inpaspasing 14:6

Nem idi inamta‐an nen Pablo nen Bernabe sotan na planora, namtik ira, jet dimaw ira shi Listra, asan shi Dirbi ja sakop ni Likonia, jet dimaw ira pay shima dogad ja nay‐esop nodtan.

Inpaspasing 7:23

“Jet idi ẃaray epat ta polon tawen to, ninemnem ton to asen iray kait ton i‐Israel.

I-Roma 1:11

Tep piyan kon pasiya ja asen takejo, say ikowan ko pay koma son si‐kayo sota intoro ni Ispirito Santo nen Apo Shiyos son si‐kak say onkedsang i pamatiyo son Cristo.

2 I-Korinto 11:28

Jet aliẃen sotan bengat, no diket ina‐akew ja naka nemnemnemen pasiya sota ira emati shi emin na dogad, no kas‐anoy kasesaad sha.

I-Pilipos 1:27

Asas joy itsora ni ogadiyo. Mesepol la may‐enam shi toro pangkep so nen Cristo, say no angken bilang ey ondawak da, ono enshi, mapteng ali komay shamag maypangkep son si‐kayod tan, ja saksakey i nemnem jo; kasta met i pangkep jo. Amta‐en ko koma di ey kayoka mantitinolong, say eg kayo ma‐ebak no kontra‐en shay pamatiyo ja edapo nodta mapteng nga shamag pangkep son Cristo.

1 I-Tisalonika 3:6

Nem niman, ta imoli ali si Timoteo ja edapo son si‐kayo, na‐kepak, ta mapteng i shamag ja inkowan to maypangkep son si‐kayo. Kowan to ey ebadeg i pamatiyo tan semek jo so ni sakey tan sakey jet kowan to pay ey kanayon na jokamika nemnemnema, ja piyan jo ngon pasiyen asen jokami, ja inges toy mika dekna‐a ngo.

2 Timoteo 1:4

Ekak dibkan sota moka pansesaya nonta la na‐onod ja nansi‐janan ta. Isonga dinedabi tan inakew ja takaka nemnemnema jet piyan kon asen taka mowan say mepno‐ak koma ni imdeng.