Jet niman, mengibetkagak da ngo son si‐kayo ni toon mengikowan ni esel nen Apo Shiyos, tan mengibetkagak ni eshom ma toon edaing nga mantosho ja ondaw son si‐kayo. Nem bono‐en jo ira sota eshom ja idansa shi koros, jet sota eshom son si‐kara, sepsepdaten jo ira shima sa‐nopan jo. Jet emin sota mebay‐an ja eg jo bono‐en, osilen jo pay ira shi ka‐ili‐ili.
Inpaspasing 15:32 - Dibshon Mengi-kan Ni Pansigshan32 Jet si Judas tan si Silas, ja edaing nga mengitosho ni inpa‐amta nen Apo Shiyos son si‐kara, eshakel i inkowan sha so nonta ira emati ja pansigshan sha. Jet mas kimedsang i pamatira nonta intenengan sha. Faic an caibideil |
Inpaspasing 15:32
39 Iomraidhean Croise
Nay‐eshom kayo nodta aramid da nonta ap‐apo jo, isonga agpayso noman sota kowan nen Apo Shiyos ey, ‘Mengibetkagak da ngo son si‐kara ni totoon para padto tan sota eshom ma totoo ja mengikowan ni esel ko. Nem bono‐en sha sota ira eshom, tan pedigaten shay eshom.’ Sajay i inkowan nen Apo Shiyos tep amta to ey tima‐nil kayo ja en‐oges joy toka ibetkag ali son si‐kayo.
Shima Antiok ja kawad‐an ira nonta emati, ẃara son si‐kara sota emengipa‐amta ni panpa‐amta nen Apo Shiyos son si‐kara, tan sota eshom ma para toro, jet sajay iray ngaran sha: si Bernabe, si Simeon ja Tolingan i sakey ya ngaran to, si Lucio ja i‐Sirini, si Manaen ja tagibi ni ama nen Hirodis ja gobinarol shi Galilia, tan ẃara son si‐kara si Saulo.
Jet tinokon sha ira nin sota emati nodtan na dogad ja shinshindan sha, say onkedsang i pamatira. Inkowan sha pay son si‐kara ey, “Karejo ibi‐bi‐jag i pamatiyo angken ngantoy dag‐en ni apil la too son si‐kayo; nemnem jo ey si‐katejon mayda‐kam shi pantoshayan nen Apo Shiyos ket kenshat ta manda‐kam kito ni digat.”
Jet nontan ma, sota ira apostol, tan sota ira pangolo ni emati, tan sota ira emin na esa‐nop nontan, emili ira ni ibetkag shen ondaw shi Antiok, ja meki‐odop so nen Pablo nen Bernabe. Say pinidira ja mekidaw, si Judas ja Barsabas i sakey ya ngaran to, tan si Silas, ta si‐karay sakey ya pangolo nonta ira emati shi Jerusalem.
Isonga say in‐akan nen Apo Shiyos so ni sakey tan sakey son si‐katejo ja itolong shi eshom ma emati, ekalkalasi; jet mesepol la osalen tayon emin. No say in‐akan nen Apo Shiyos ket sota baal mon mengipa‐amta nonta inpa‐amta nen Apo Shiyos son si‐kam, sotan i dag‐en mo, ja may‐enam nodta pamati tayo.
No say ẃara son si‐kam ket sota mengi‐kan ni kedsangan ni pamati ni eshom, si‐katoy dag‐en mo. Sota ẃaray kabaalan ton mengila‐kam ni eshom, man‐imdeng komen mengila‐kam ni eshom. Jet sota pangolo ni emati, alisto komen mengitoshong ni too to, ja eg to baybay‐an i toka pan‐itod‐i. Jet sota amta ton mengaasi, mansi‐met koma ja mengaasi ni eshom.
Isonga iyay i ibilin ko son si‐kam: sota esel nen Apo Shiyos, si‐katoy ishingan mon itoro, angken kompormin timpo, jet angken pay eg sha koston itenengan, pilit ta ikowan mo. No ẃaray ngaaw i shaka pesing ono shaka itoro, bilin mo say metod‐an. Bilin mo pay ira sota ẃaray nankolangan ni pamatira say onkedsang ira shi pamati. Nem sajay, mesepol la metaksholan ni kina‐anos ni moka pengitosho.
Edigat nga agpayso i timpo niman. Isonga si‐kayon pangolo ira nonta emati shi ka‐ili‐ili, iyay i piyan kon ikowan son si‐kayo. Waray kanebengan kon mengikowan niyay ta sakeyak ngon pangolo shi pamati, tan inon‐an kon mismo i inpandigat nen Cristo nonta inkatey to. Asan sakey pay, sakeyak nodta mekila‐kam nonta kaskasshaaw alin pesing nen Apo Shiyos shi toon emati son si‐kato. Jet iyay sota bilin ko.
Saja digat ja joka da‐da‐kami niman, eg mebedjag i panda‐kam jo tep si Apo Shiyos, ja eg nagshengan i toka pengaasi, eg shakejo i‐oway. Si‐katoy emili son si‐kayo say maybidang kayo nodta too tod dangit ingkatod ingka kabol ni inpamatiyo son Cristo. Isonga kenshat ta isingpet tokejo, pan‐odi tokejo nodta sigod ja mapteng nga kasesaad jo, tan pekedsang shakejo.
Sanasan