Inpaspasing 15:13 - Dibshon Mengi-kan Ni Pansigshan

¹³ Jet idi naksheng iren nan‐esel, naysa‐dat ngos Santiago ja nan‐esel. Kowan to ey, “A‐akik shi pamati, nemnem jo kari iyay.

Inpaspasing 15:13 Iomraidhean Croise

San Marcos 15:40

Wara ngo iray bibii nodta naybabetaw ja engikadmang niyay ya epasemak. Jet say ngaran ira nonta eshom ma bibii ja ẃara nodtan, sajay: si Maria Magdalena, si Salome, tan si Maria ja ina ira nonta si Jose tan si Santiago ja inbeshayan shen Orishiyan.

Inpaspasing 12:17

Nem si Pedro, sininjasan to ira ey on‐eg‐eket ira, jet inistoriya to sota inpasing nen Apo ja engibo‐day son si‐kato shi badoran. Jet inbilin to ey ikowan sha sotan na epasemak so nen Santiago, tan so nonta ira eshom ja a‐akira shi pamati. Jet nontan ma, indekjas to ira ja dimaw shi apil la ili.

Inpaspasing 15:14

Si Simon Pedro, inkowan to la nonta ekay i inpasing nen Apo Shiyos ja emili ni toon aliẃen Hodiyos nonta pilmiro ja manbedin ira ni too to.

Inpaspasing 2:14

Sota sampolo tan showa ja apostol, si Pedro i tima‐shel son si‐kara ja nan‐esel, jet inkedsang toy esel to ja kowan to ey, “Si‐kayon totoo ja i‐Jodia, tan si‐kayon emin na eman‐iyan shiya Jerusalem, mesepol la amta‐an jo iyay! Itnengi jon pasiya iya ikowan ko son si‐kayo!

Inpaspasing 2:22

“Si‐kayon kait kon Hodiyos, itnengi jo iya ikowan ko son si‐kayo! Si Jesus ja i‐Nasarit, inpandaga nen Apo Shiyos ni kaskasshaaw wa milagro, ja inon‐an jon mismo, jet si‐katoy pengamta‐an jo ey si‐katoy inbetkag nen Apo Shiyos. Amtayon emin iyay.

Inpaspasing 2:29

Jet si Pedro, intoloy to ja kowan to so nonta totoo ey, “A‐akik, idawag ko son si‐kayoy olog nonta padto nen Ari David ja makapoli son si‐katejo. Etey si David jet naybeka, jet sota dobok to, ẃara shiya kad‐an tayo ingkato niman.

Inpaspasing 21:18

Nonta maykadẃen akew, nan‐o‐odop kamid Pablo, ja mi inon‐an si Santiago. Jet emin ira sota pangolo nonta ematid man, ẃara ira ngo.

Inpaspasing 22:1

Jet kowan to ey, “A‐aki, a‐ama, itnengi jo iya idawag ko son si‐kayo!”

Inpaspasing 7:2

Nem si Esteban, eg to sinongbatan sota salodsod, no diket say inkowan to son si‐kara, kowan to ey, “A‐akik, a‐amak, nemnem jo kari iya inpaspasing nen Apo Shiyos son si‐katejon Hodiyos manipod nonta timpon Abraham ingkato niman. Si Apo Shiyos ja Kangeto‐an, nanpa‐sas son Abraham ja apo tayo, nonta ẃara pay laeng shi Misopotamia ni eg to nin indaw shi Haran.

I-Galasia 1:19

Nem enshiy eshom ma nak inon‐an ja apostol, nem eg si Santiago bengat, ja agi nen Apo Jesus.

I-Galasia 2:12

Emanbinaliw met i toka pesing! Ta nonta eg pay laeng mimotok sota ira inbetkag nen Santiago ja edapod Jerusalem, ekipengpengan si Pedro so nonta ira aliẃen Hodiyos. Nem idi mimotok ira di sota kait ton Hodiyos, inbi‐jag ton mekipengan so nonta ira aliẃen Hodiyos et in‐apil toy bakdang to son si‐kara. Ta emanshanag ey bedawen ira nonta emengipidit ni ogadi ni Hodiyos, no shemagen sha iyay ya inpasing to.

I-Galasia 2:9

Jet si Santiago, si Pedro nen Juan, ja emaybidang nga pangolo, ineẃatan sha ey si Apo Shiyos, kinaasi‐an towak ngo, ja inpiyal nen Apo Shiyos son si‐kak iyay ya obda. Isonga sinemano‐an shakamin Bernabe, jet sotan i ka‐asan to ey podnon sankagait kami shi pamati son Cristo. Jet kowan sha ey, “Siya, itodoy joy obdayo so nonta ira aliẃen Hodiyos, jet si‐kami ngoy mengitosho so nonta ira Hodiyos.” Kowan sha,

Santiago 1:1

Si‐kak si Santiago ja makasolat niyay, ja mismon inbetkag nen Apo Shiyos tan si Apo Jesucristo ja mansilbi son si‐kara, jet sajay ya solat ko, para son si‐kayon emin na too nen Apo Shiyos ja nayẃaris shiya intiron dobong. Sapay koma ta mapteng kayon emin.

Santiago 1:19

Si‐kayon a‐akik shi pamati, iyay komay nemnemnemen jo. Mesepol la esagana kayon mantetneng ni bilin nen Apo Shiyos. Eg jo koma iba‐ngat i notnot; nemnem jo nin i ikowan jo asan joka bekasa. Karekayo onbonget ta shagos,