Inpaspasing 15:11 - Dibshon Mengi-kan Ni Pansigshan

¹¹ Nem say tayoka pati‐a, maysedakan kito ta kinaasi‐an shakito nen Apo Jesus, jet angken sota ira aliẃen Hodiyos, inges to met laeng nga sotan i kaysedakan sha.” Sajay i inkowan nen Pedro.

Inpaspasing 15:11 Iomraidhean Croise

I-Roma 3:24

Nem niman si Apo Shiyos, kosto‐an shakito ta ebadeg i kaasi to, jet sajay ya kaasi to, dibshi; aliẃen sobadit ni dingka tayo. Sajay i dag‐en to, ta inkaro nen Cristo Jesus shi koros sota istay keshosa tayo.

I-Roma 5:15

Nem sota kaasi nen Apo Shiyos ja inpateẃid nen Jesucristo, tan sota basol, ja inpateẃid ngo nen Adan, araẃin enshiy sha nan‐ingesan. Ta agpayson eshakel i emetey maypangkep ni basol ja inpateẃid nen Adan, nem ebadbadeg ngo eshan sota kaasi nen Apo Shiyos ja memekawan ni basol, jet eshakel i totoon nayda‐kam nodta kaasi to.

I-Roma 6:23

Isonga say sobadit ni basol, patey ingkatod ingka, nem ẃaray dibshin i‐akan nen Apo Shiyos so nonta ira ẃara son Cristo Jesus ja Apo tayo; si‐kato sota biyag ja enshiy to engintegan.

1 I-Korinto 16:23

Jet say shawat ko son Apo Shiyos, sota kaasi nen Apo Jesus, ja ẃara son si‐kayo, sapay koma ta si‐katoy ma‐shoman.

2 I-Korinto 13:14

Jet say shawat ko son Apo Shiyos, sota kaasi nen Apo Jesucristo, tan sota semek nen Apo Shiyos, ja ẃara son si‐kayon emin, sapay koma ta si‐katoy ma‐shoman, tan kasta met sota inpankagait jo ta ẃara sota Ispirito Santo nen Apo Shiyos so ni sakey tan sakey son si‐kayo.

2 I-Korinto 8:9

Eg mesepol la piditen takejo ta amtayo met sota maypangkep ni kaasi nen Jesucristo ja Apo tayo. Si‐kato, baknang nontan da shi dangit, nem inbaba toy bakdang to ja nanbalin ni ebiteg kabol ni pansigshan jo. Jet niman ma, si‐kayoy may‐eshig ey baknang.

I-Galasia 1:6

Naka messhaaw ni in‐amtak so ey inbi‐jag jon shagos i joka pemati son Apo Shiyos. Si‐kato met i emili son si‐kayo, tan si Jesucristo, ebadeg met i kaasi to son si‐kayo. Nem apil kono may inonod jo — sota toro ni eshom ja kowan sha ey kaysedakan.

I-Galasia 2:16

Nem enshiy mi nandasinan shi eshom, ta edawag ey say kekosto‐i so nen Apo Shiyos so ni sakey ya too, sota pamati to bengat so nen Jesucristo, aliẃen sota pengonod to nonta bilin ja in‐awat nen Apo Shiyos so nonta apo min Hodiyos nonta bayag da. Jet angken si‐kami, emati kami son Jesucristo, jet si‐katoy kabol la kinosto‐an shakami nen Apo Shiyos; aliẃen sota pengonod ni bilin nonta bayag da. Ta sota toon emengonod bengat ni bilin nen Apo Shiyos nonta bayag da, ey enshiy pamati to son Cristo, angken sakey, enshiy en kosto‐an nen Apo Shiyos son si‐kara.

Tito 2:11

Ta sota kaasi nen Apo Shiyos, inpa‐sas to ma niman, jet sotan i mebedin na onbaal ja mengisedakan ni angken sipen too.

Inpa-Amta Nen Jesucristo 5:9

Jet sajay ira, nankansiyon ira ni badon kansiyon, ja kowan sha ey, “Si‐kam i anam ton mengeda nonta ekopikop pa solat et si‐kam i anam ton on‐okas so nonta bedbed to, ta si‐kam, inkoros shaka et sota shalam ja imayos nontan, sotan i engi‐sop ni totoo so nen Apo Shiyos, say too to ma ira, jet angken sipen kalasin too, enshiy to dinabsan.