Inpaspasing 14:21 - Dibshon Mengi-kan Ni Pansigshan

²¹ Inkowan shay mapteng nga shamag pangkep so nen Jesucristo nodtan na siyodad jet eshakel i emati. Jet say inpasing sha, nay‐oli ired Listra, shi Ikoniom, asan shi Antiok da.

Inpaspasing 14:21 Iomraidhean Croise

San Mateo 28:19

Isonga ikowan ko son si‐kayo ey daw kayo shi emin na ili shiya dobong, jet itoshoyo i maypangkep son si‐kak say memati ira. Bonjagi jo ira shi ngaran nen Apo Shiyos ja Amak, shi ngaran ko ja Anak to, tan shi ngaran ni Ispirito Santo.

Inpaspasing 13:14

Jet si Pablo nen Bernabe, manshokid Pirga, intoloy shen dimaw, jet simabi ira nodta apil ngon Antiok, ja sakop ngo ni Pisidia. Jet nonta simabi sota akew wa ngilin ni Hodiyos, dimaw ira ja en ekitongaw so nonta ira ẃared sa‐nopan ni Hodiyos shiman na ili.

Inpaspasing 13:51

Nem say inpasing nin nen Pablo nen Bernabe, pinokpok sha sota pimeket ta depok shi sedira ja si‐katoy pengamta‐an ni tood man ey enshi may biyang sha son si‐kara. Jet dimaw ira ma shi Ikoniom.

Inpaspasing 14:1

Idi mimotok ired Ikoniom, dimaw ira nodta baley ya sa‐nopan ni Hodiyos shiman. Jet eshakel i toon emati nonta inkowan sha — Hodiyos man ono aliẃen Hodiyos.

Inpaspasing 14:15

“Apay nga satan i pesing jo son si‐kami? Si‐kami, too kami bengat ja inges jo! Say dinaẃan mi alid jay, mi ikowan son si‐kayo i mapteng nga shamag ja edapo so ni podnon Shiyos, say ibi‐jag jon manshedjaw so niya enshiy silbi ton sheshijos jo, tan say amta‐an joy podnon Shiyos ja sibibiyag. Si‐katoy pimalsowa so ni dangit, dobong, baybay, tan sota emin na ẃara so iren jay.

Inpaspasing 14:19

Nem nontan met laeng, ẃaray Hodiyos ja eg emati, ja edapod Antiok, tan edapod Ikoniom. Sajay iren too, apil i insodsod sha so nonta ira totoon i‐Listra pangkep son Pablo nen Bernabe, jet sinogsogan sha sota totood Listra ey bono‐en sha kono si Pablo ja kespigan sha ni bato. Jet kinespigan sha nga agpayso, asan shaka ibo‐day nodta siyodad et kowan sha emo ey etey.

Inpaspasing 14:26

Jet manshokid man, nandogan ired barko ja imolid Antiok, ja edapo‐an sha nonta pilmiro, ta sota ematid man, si‐karay engibetkag son si‐kara nontan. Inshawatan sha pay sota ira apostol nontan ey si Apo Shiyos, eg to koma ira baybay‐an ni shaka pan‐eka‐ekad, no diket todongan to et koma ira nonta obdara. Jet niman men kinsheng sha, nay‐oli ired Antiok.

Inpaspasing 14:6

Nem idi inamta‐an nen Pablo nen Bernabe sotan na planora, namtik ira, jet dimaw ira shi Listra, asan shi Dirbi ja sakop ni Likonia, jet dimaw ira pay shima dogad ja nay‐esop nodtan.

Inpaspasing 14:7

Jet intoro shed man sota mapteng nga shamag pangkep so nen Jesus.

Inpaspasing 14:8

Jet nonta ẃara ired Listra, ẃaray toon emantetongaw ja epilay ya sigod nonta inkay‐anak to, jet sajay ya too, eg maka‐akad.

Inpaspasing 15:36

Idi ẃaray edabas sa pigen akew, kowan nen Pablo so nen Bernabe ey, “Eti, ondaw kita, ta asen ira sota a‐aki ta shi pamati, shi emin na dogad ja engitosho‐an ta nontan ni esel nen Apo Shiyos, no kas‐ano da ira.”

Inpaspasing 16:2

Saja si Timoteo, emin ira sota emati shi Listra tan shi Ikoniom, enshiy shaka bedawa son si‐kato.

Inpaspasing 2:47

Si Apo Shiyos ni olay i shaka ishayshayaw, jet angken sota emin na totoo, kowan sha ey mapteng ira sota emati. Jet si Apo Shiyos, inakew ja ẃaray toka i‐eshom son si‐kara ja maysedakan.

2 Timoteo 3:11

Amtam pay sota digat ja naka da‐da‐kami. Amtam met ta emin sota edagdaga son si‐kak shi Antiok, shi Ikoniom, tan shi Listra. Epaladon pasiya sotan na digat ja dina‐da‐kaman ko, nem si Apo Jesus, insalakan towak ni olay.