Inpaspasing 14:1 - Dibshon Mengi-kan Ni Pansigshan

¹ Idi mimotok ired Ikoniom, dimaw ira nodta baley ya sa‐nopan ni Hodiyos shiman. Jet eshakel i toon emati nonta inkowan sha — Hodiyos man ono aliẃen Hodiyos.

Inpaspasing 14:1 Iomraidhean Croise

San Juan 12:20

Angken sota ira aliẃen Hodiyos, ẃaray eshom ma dimaw shi Jerusalem ja en manshedjaw son Apo Shiyos nonta timpo ni piyasta ni Hodiyos ja Paskowa.

San Juan 7:35

Jet sota pangolo ni Hodiyos, idi intenengan sha iyay ya inkowan nen Jesus, kowan sha ey, “Towa konoy dogad ja daẃan to? Ampet siya ey, ondaw shima dogad ja nay‐araẃi ja nayẃarisan ira nonta kait tayon Hodiyos, jet mengitoshod man so nonta ira aliẃen Hodiyos. Jet mebedin noman na eg tayo ma on‐an.

Inpaspasing 11:21

Jet si Apo Jesus, tinodongan to ira jay jet eshakel i totoo ja emati so nen Apo Jesus, ja inbi‐jag sha mala sota ogadin kinapagano.

Inpaspasing 13:43

Jet idi bimo‐day ya emin sota too nodta baley ya sa‐nopan ni Hodiyos, eshakel iray Hodiyos tan sota ira aliẃen Hodiyos ja etod‐an ja manshedjaw son Apo Shiyos, ja sha simbi si Pablo nen Bernabe. Jet si Pablo nen Bernabe, tinokon sha ira ey itoloy shen nemnemnemen sota intenengan shen pangkep ni kaasi nen Apo Shiyos.

Inpaspasing 13:46

Nem si Pablo nen Bernabe, mas timoled ira ja man‐a‐sel, jet kowan sha ey, “Mesepol la si‐kayon Hodiyos nin i kaykowanan ni esel nen Apo Shiyos, nem niman ta binedaw jo, ja endedamsis jo sota biyag ja enshiy to engintegan ja eg jo koston eẃaten, ondaw kami ma shi toon aliẃen Hodiyos jet si‐kara may pengitosho‐an mi.

Inpaspasing 13:5

Jet idi mimotok ired Salamis ja siyodad ni Cyprus, dimaw ira shima baley ya sa‐nopan ni Hodiyos, jet intoro shay esel nen Apo Shiyos so ni totood man pangkep son Jesus. Wara si Juan Marcos shiman ja eki‐odop son si‐kara jet timolong shiman.

Inpaspasing 13:51

Nem say inpasing nin nen Pablo nen Bernabe, pinokpok sha sota pimeket ta depok shi sedira ja si‐katoy pengamta‐an ni tood man ey enshi may biyang sha son si‐kara. Jet dimaw ira ma shi Ikoniom.

Inpaspasing 14:19

Nem nontan met laeng, ẃaray Hodiyos ja eg emati, ja edapod Antiok, tan edapod Ikoniom. Sajay iren too, apil i insodsod sha so nonta ira totoon i‐Listra pangkep son Pablo nen Bernabe, jet sinogsogan sha sota totood Listra ey bono‐en sha kono si Pablo ja kespigan sha ni bato. Jet kinespigan sha nga agpayso, asan shaka ibo‐day nodta siyodad et kowan sha emo ey etey.

Inpaspasing 14:2

Nem sota ira Hodiyos ja eg memati, apil mowan i shaka isodsodsod so nonta toon aliẃen Hodiyos pangkep so nen Pablo tan si Bernabe, pati sota ira badon emati, jet nakol ni ngimaaw ngo may dekna nonta ira aliẃen Hodiyos son si‐kara.

Inpaspasing 14:21

Inkowan shay mapteng nga shamag pangkep so nen Jesucristo nodtan na siyodad jet eshakel i emati. Jet say inpasing sha, nay‐oli ired Listra, shi Ikoniom, asan shi Antiok da.

Inpaspasing 16:1

Si Pablo, dimaw shi Dirbi, asan shi Listra. Jet shi Listra, ẃaray simbi ton daki ja emati son Cristo ja anak ni biin Hodiyos ja emati met laeng son Cristo, nem say ama niyay, aliẃen Hodiyos. Jet say ngaran niyay ya anak sha, si Timoteo.

Inpaspasing 16:2

Saja si Timoteo, emin ira sota emati shi Listra tan shi Ikoniom, enshiy shaka bedawa son si‐kato.

Inpaspasing 17:12

Jet nontan ma, say nanbanagan to, eshakel iray Hodiyos ja emati son Cristo, pati pay sota ira dalekin aliẃen Hodiyos, tan eshakel ngoy bibiin bebaknang, ja aliẃen Hodiyos.

Inpaspasing 17:17

Jet nontan ma, ekisongbat si Pablo so nonta ira Hodiyos shima baley ya sa‐nopan sha tan so nonta ira aliẃen Hodiyos ja etod‐an ja manshedjaw son Apo Shiyos. Dimaw pay shima dako‐an, jet angken pay sota toon simbi tod man, ekisongbat son si‐kara. Jet inakew wa sajay i dingdingka to.

Inpaspasing 17:4

Jet nontan ma, ẃara iray na‐awis ja nay‐eshom so nen Pablo nen Silas ja emati. Asdeg to son si‐karay toon aliẃen Hodiyos sa sigod, ja etod‐an ja manshedjaw son Apo Shiyos, tan eshakel pay iray ematin bebaknang nga bibii.

Inpaspasing 18:4

Si Pablo nonta ẃared man, no akew wa ngilin ni Hodiyos, kaondaw shima baley ya sa‐nopan ni Hodiyos ja mantosho son si‐kara, jet toka pan‐eẃisa ira sota Hodiyos tan aliẃen Hodiyos ja memati son Jesus.

Inpaspasing 18:8

Si Krispo ja pangolo nodta baley ya sa‐nopan ni Hodiyos shiman, emati son Apo Jesus, pati sota ira pamilja to, tan ẃara pay iray eshakel la i‐Korinto ja emati, jet nanpabonjag ira.

Inpaspasing 19:10

Showen tawen ja sajay i dingdingka to, jet emin ira sota Hodiyos tan aliẃen Hodiyos ja nanbaley shi probinsiya ni Asiya, inteneng sha may esel nen Apo Shiyos maypangkep so nen Apo Jesus.

Inpaspasing 19:17

Jet sota ira emin na Hodiyos tan aliẃen Hodiyos, ja nanbaley shi Ipiso, shinemag sha iyay ya epasemak jet timakot ira. Jet nontan ma, sota ngaran nen Apo Jesus i shaka ma ishayaw.

Inpaspasing 19:8

Jet nontan, say kedaẃi nen Pablo ni oneg ni tedon bolan, shima baley ya sa‐nopan ira ni Hodiyos jet etoled ja mantosho son si‐kara, tan mengi‐adok ni maypangkep ni pantoshayan nen Apo Shiyos.

Inpaspasing 2:47

Si Apo Shiyos ni olay i shaka ishayshayaw, jet angken sota emin na totoo, kowan sha ey mapteng ira sota emati. Jet si Apo Shiyos, inakew ja ẃaray toka i‐eshom son si‐kara ja maysedakan.

Inpaspasing 20:21

Inkowan ko so ni Hodiyos, tan toon aliẃen Hodiyos, ey manbebawi ira ni basol sha et si Apo Shiyos i toshongen sha, tan inkowan ko son si‐kara ey pati‐en sha si Jesucristo, ja Apo tayo.

Inpaspasing 21:28

Kimeljaw ira ja kowan sha ey, “Si‐kayon kait min Hodiyos, tolong kayo! Sajay sota too ja eman‐eka‐ekad shi emin na dogad ja emantosho ni emaykontra son si‐katejon Hodiyos, maykontra shi dinteg tayo, tan emaykontra pay so niyay ya Timplo! Tan ẃara pay konoy inta‐jon ton aliẃen Hodiyos shiya Timplo, jet nakol ni edo‐shis ma iyay ya Timplo!”

Inpaspasing 9:20

Jet manshoki ma nontan, dimaw shima baley ya sa‐nopan ira ni Hodiyos jet intoro toy maypangkep son Jesus, ey si‐kato ket podnon Anak nen Apo Shiyos.

I-Roma 1:16

Ta angken towen dogad ja daẃan ko, ekak ibaing ja mengikowan nonta mapteng nga shamag maypangkep so nen Jesucristo, ta sajay ya mapteng nga shamag i kawad‐an ni panakabalin nen Apo Shiyos. No pati‐en ni too iyay, si‐katoy kaysedakan sha. Jet say pilmiro nin ja insalakan nen Apo Shiyos, sota kait kon Hodiyos jet niman ma, angken si‐kayon aliẃen Hodiyos.

I-Roma 10:12

Jet sajay, enshiy nandasinan ni angken sipen too — Hodiyos ono aliẃen Hodiyos. Ta say Apo shen emin, saksakey ja si Cristo, jet si‐katoy emengaasi so ni emin na manbeka son si‐kato, jet sobda pay i toka i‐akan son si‐kara.

I-Galasia 2:3

Jet siya, inanogot sha. Angken si Tito, ja inodop ko ja aliẃen Hodiyos, eg sha pinidit ja on‐onod nodta ogadi min Hodiyos ja kowan sha ey kogit.

I-Galasia 3:28

Isonga si‐kayon ẃara son Cristo, nansaksakey kayod pamati; enshiy en nandasinan ni sakey tan sakey — Hodiyos man ono aliẃen Hodiyos, baga‐en man ono aliẃen baga‐en, daleki ono bibii.

I-Kolosas 3:11

Isonga niman ma, enshiy en nandasinan ni angken sipen too ja binado‐an nen Apo Shiyos. Nan‐i‐inges i toon aliẃen Hodiyos ono sota Hodiyos, nan‐ashal ono eg nan‐ashal, baga‐en ono aliẃen baga‐en. Nan‐i‐inges ta say menemnem ma, si Cristo i ẃara son si‐katejon emin.

2 Timoteo 3:11

Amtam pay sota digat ja naka da‐da‐kami. Amtam met ta emin sota edagdaga son si‐kak shi Antiok, shi Ikoniom, tan shi Listra. Epaladon pasiya sotan na digat ja dina‐da‐kaman ko, nem si Apo Jesus, insalakan towak ni olay.