Inpaspasing 13:29 - Dibshon Mengi-kan Ni Pansigshan

²⁹ Jet idi dingkaren emin iyay, ja etongpal sota naysolat ta padto ja maypangkep so nonta mengisedakan ali, impas sha nodta naykorosan to et sha indiyang.

Inpaspasing 13:29 Iomraidhean Croise

San Marcos 15:42

Say akew wa edaga‐an niyay ya emin, sota kowan sha ey akew wa Pansekana ni para sota akew wa ngilin, jet no medebi, si‐katoy ibilang sha ey panshoki ma nonta akew ni ngilin.

San Lucas 23:50

Waray toon nanngaran ni Jose ja edapod ili ni Jodia ja kowan sha ey Arimatia. Mapteng i ogadi niyay ya too, tan si‐katoy sakey ya emansesked ni isabi ali ni pantoshayan nen Apo Shiyos. Kaishayaw ni totoo ey mapteng iyay ya too. Si‐kato pay i sakey so nonta ira toray ni Hodiyos, nem eg to inonod i kowan nonta kait ton toray, ja dingdingkara son Jesus.

San Lucas 23:53

Jet idi impas nen Jose sota bakdang nen Jesus nodta koros, dinibotan to ni empotin dopot jet in‐ilaw to nodta baton diniyangan sha ja eg pay laeng na‐osal, jet shiman i indiyangan to so.

San Lucas 24:44

Jet kowan to son si‐kara ey, “Say inkowan ko nonta ẃara‐ak pay laeng son si‐kayo, emin sota naysolat ja maypangkep son si‐kak nonta bayag da shi bilin nen Moises tan shi solat ira nonta para padto, tan shi dibsho pay ni Salmo, mesepol la metongpal.”

San Juan 19:28

Jet nontan ma, amta nen Jesus ey nontan ma i kepospos nonta obda to, jet inkowan to ey, “Na‐keẃak ni shanom.” Ta piyan ton metongpal sota inkowan ni padto ja naysolat nonta bayag da ja pangkep son si‐kato.

San Juan 19:30

Jet idi ninamtan nen Jesus sota tapey ya inka‐ẃat nonta solsharo shi bongot to, kowan nen Jesus ey, “Naksheng ma.” Jet nanjokmos, asan ma ma‐bosi.

Inpaspasing 13:27

Say piyan kon a‐seden, sajay: sota ira nanbaley shi Jerusalem, tan sota ira toray sha, eg sha inimatonan ey si Jesus sota mismon mengisedakan, tan eg sha ineẃatan sota naysolat ja kowan ni para padto nonta bayag da, ja shaka ibasbasa ni olay no akew wa ngilin tayon Hodiyos. Eg sha ineẃatan sota inkowan ni para padto ey mebono sota mengisedakan ali, nem si‐kara et i timongpal so, nonta binonora si Jesus.

Inpaspasing 2:23

Sigod ja amta nen Apo Shiyos i mepesamak ali son Jesus shiya dobong tep plano to ngoreshan na sigod. Jet siya, intolok ton metey si Jesus. Nem si‐kayon Hodiyos i mismo emono son si‐kato! Inpabonoyo so nonta ira i‐Roma ja nankekedsel jet indansara shi koros.

Inpaspasing 26:22

Nem si Apo Shiyos i timolong son si‐kak nontan jet kaontolong pay ingkato niman. Isonga ẃara‐ak shiyay niman ja emengikowan niyay son si‐kayon nankengato tan angken pay so ni nankebaba. Jet enshiy eshom ma naka pan‐ikowan, nem eg sota inkowan met laeng ira da nonta para padto nonta bayag da ja naysolat, tan sota kowan nen Moises, ja kowan sha ey ẃara aliy ibetkag nen Apo Shiyos ja mengisedakan, jet sotan na mengisedakan, kowan sha ey kenshat ta manda‐kam ni digat asan ma matey, nem si‐katoy pilmiro ja manbiyag so nonta ira nanketey. Jet say kowan sha pay, tan angken si‐kak, sotan na mengisedakan ja si Jesus, si‐kato met laeng i ondawag ni nemnem ira nonta toon Hodiyos tan toon aliẃen Hodiyos.”

Inpaspasing 4:28

Nansaksakey ira ja ondaga ni piyan sha. Sajay ngoreshan i planom et dingkara shi timpon inkesheng mo.

Inpaspasing 5:30

Tan kowan pay nen Pedro ey, “Si Apo Shiyos ja pinati ira nonta ametayo da nonta bayag, inpan‐ongal to si Jesus, ja binonoyon indansa shi koros.

1 I-Korinto 15:4

Intorok pay ey naybeka shi diyang, jet nonta maykatdon akew, nanbiyag met laeng. Sajay, naytotop met laeng nodta esel nen Apo Shiyos nonta bayag da.